Yên Bái zos thax tsav qơư tsik njiz trâus phiv liv ntâu lok caz moz Covid-19. Chiê uô nox tâu truôx tuk, côngv thôngx doanh nghiệp thiêz chinhr quyền ntơưv qơư tsênhv tror kriz uô cxix cxuô têx tsưr ziv chiê phax, tar caz moz. Công ty xơưk tsôngk yo Daeseung Global nhoz ntơưv xar Thịnh Hưng, huyện Yên Bình, tỉnh Yên Bái, iz jiês uô hâux lưv mak muôx txos 500 lênhx côngz nhân uô hâux lưv, công ty tsik so uô jông lơưr tỉnh, huyện têx tsưr ziv chiê phax tar caz moz, li: bax qơư cêv kuôk trâu nhân viên, nênhs lox tôngv zos trâus cik tâu caz moz, nhoz jê, njiz tâu chor nênhs trâus moz; qênhz yuôx truôx jông chor nênhs muk lok, thâux xa hax huv trâu hâur công ty… Pos Lương Thị Thu, cán bộ sêiz car Hành chính, Nhân sự, Công ty xơưk tsôngk yo Daeseung Global puz pâuz: “Pêz tsưr tsix njuôk shuôk đas jos, zôngv cuô yuôx nzuôr têk uô ntêx thâuv zuôr lok hâur công ty, đros chor công nhân nhoz saz đrâuv tỉnh mak zuôr tsưr tsix njuôk shuôk caz moz PCR iz ciêz oz jiês trâu thưr 2 thiêz thưr 5 chiê taz por trâu công nhân muk lok. Ntơưv công nhân têx qơư nox hâuk puôr lênhx tâu yax kriê lok têx tsưr ziv chiê phax tar caz moz”./.

(Thừa Xuân-Lik Thox cxêik nhênhv)

Đros paz max têx lưx lươngv phax tar moz lok sik zôngx ziv đuô zos tsoz phưz đas jos trâu têx lênhx nênhs tsênhv uô jênhv vưv phax tar moz li têx tuz nhuôs zos ntâu lênhx nênhs lâuk nhoz Điện Biên li tsưr ziv uô chiê sik côngv tês đros tỉnh, đros tas nro têz qơưk tir tar tâu moz Covid-19. Đros tsôngv box nhoz uô nênhx iz buôk ndis thax tsav ciêz Mường Thanh, TP Điện Biên Phuv, tỉnh Điện Biên, pos Phạm Ngọc Tuyết, Chủ tịch Hội chữ thập đỏ, cux zos Phưv Ban por vêv jênh phố tưz lok six shưv. Shông no muôx 61 shông hnuz nhôngs, hnuz tưs đros luz loa nta suôz thiêz huv tso đeiv bos kror ndâux sâuv tês, cxôngx thâuv sơưr nzor txos ciês zar tsâus ntux, thâuv tưs krêz ciêz, pos Tuyết cux muk yax mông, heik têx chuôz zis muôv muôs hax huv thiêz tsôngv box uô jông têx cui tênhv phax tar moz Covid-19 nhoz qơư muôx chôngz lênhx nênhs: “Thâuv cur tsênhv muôx luk heik đros xã hội, tsênhv tâu côngv thôngx sđ njênhs njôngr mak uô tâu hâux lưv tưs cur zuôr sir jos uô. Puôr lênhx zos cur chiv chir uô, thâuv uô hâux lưv no cur pov lok six jông siêz, muôx ntâu lênhx heik cur tiêk chas tsi nhoz tsêr trâu cov muôx đas jos, tsi tâu nhiêx txiêx mak uô tul đaz tsi. Taz sik cur ho tsi xar li co, cur xar tiêk thâuv cur uô tâu hâux lưv tưs paz tsôngv box mak co txơưv zos lok six jông lơưv”./.

(Vũ Lợi-Txâur Vax cxeik nhênhv)

Nganhx Zoz zux tỉnh Lai Châu li shông cơưv yiêz 2021-2022 tâu kriz uô zôngx ziv đuô pir li ntâu thax tsav qơư txơưr hâur tas nro têz qơưk, thâuv mak chor shux xênhz tâu tuôx tsêr cơưv, lớp cơưv chiê cơưv ntơưr. Taz sik, hâux lưv hlôngr yiêz têx tsênhv chêi paz trâu chor shux xênhz thax tsav txov nhêv ho uô trâu chor nhuôs li cêr cơưv ntơưr njiz trâus têx phiv liv ntâu thâuv tsik tâu paz têx nhiêx nox niêv txir zus mor, ntâuz ntơưr cơưv, nhiêx txiêx cơưv ntơưr. Shông cơưv 2021-2022, Tsêr cơưv Cxênhx iz Đoàn Kết, xar Ma Ly Pho, huyện Phong Tổ, tỉnh Lai Châu muôx zuôr xar 460 lênhx shux xênhz mênhx cxưx Cho, Hmôngz, Hà Nhì, nhoz 13 jêx jok 2 xar ntus đriv Ma Ly Pho, Huổi Luông tuôx cơưv. Têx shông cơưv uô ntêx, khov muôx têx qơư têx tsênhv chêi paz trâu chor shux xênhz nhoz thax tsav txov nhêv, iz lênhx shux xênhz tâu paz xar muôx 600 cxênhz đêiv thiêz 15 cir cxur iz hli. Nhiv no ntơưv qơư uô tiêr cxiv tsa jêx jok yiêz, shux xênhz tsik tâu paz lơưv, uô trâu ntâu chuôz zis njiz trâus têx phiv liv ntâu thâuv chiê chor nhuôs tuôx cơưv ntơưr. Niêv tix Tẩn Sa Mẩy, mênhx cxưx Cho, nhoz jok San Thầu 2, xar Ma Ly Pho, huyện Phong Thổ hêik: “Cur chuôz zis lok six txov nhêv, moz Covid-19 3 shông lok no lơưv viv li phênhv sâu cux grêk tsơưs ntâu. Nhiv no chiê mê nhuôv muk cơưv ntơưr, 2 lênhx mak thêv nhiêx tas muôx 800 cxênhz đêiv thiêz 20 cir cxur iz hli, tsik muôx nhiêx paz viv li tsuv thâux xa thiêz tok têx mê nhuôv lok tsêr. Têis cik no thưr 6 cơưv iz tos hnuz xưz, xar tiêk lav chiê mê nhuôv so iz hnuz, taz sik mê nhuôv ho xar tuôx muk cơưv viv li xa tuôx lớp chiê cơưv ntơưr”./.

(Khắc Kiên-Lik Thox cxêik nhênhv)

Ntu 2021-2025, huyện Văn Yên muôx 451 lênhx shux xênhz nhoz xã Lâm Giang, Xuân Tầm, Tân Hợp tsi tâu sơưv chế độ nox nhoz ntơưv tsêr cơưv. Viv li, lok six ntâu lênhx shux xênhz tưz tso ntơưr tsês. Taz sik, cxôngx têx tsưr ziv uô tsênhv tsênhz, txos nhiv no 100% shux xênhz tưz tâu muk cơưv ntơưr cxix cxuô. Chiê tuôr truôx hâux lưv shux xênhz muk cơưv ntơưr cxix cxuô, huyện Văn Yên đos nganhx zaoz zux thiêz thox cxov tiv phaz tror yax mông, vênhv tôngv têx chiz coaz, taz viv, doanh nghiệp thiêz têx lênhx nênhs siêz jông sik côngv tês paz têx mê nhuôs shux xênhz txu grês têx phêv liv chiê tâu muk cơưv ntơưr./.

(VOV4-Txâur Vax cxeik nhênhv)