Hnuz 29/1, Hội chữ thập đỏ tỉnh Lai Châu sik côngv đros Công ty Cổ phần Lumi Việt Nam, Công ty kê tênhz Led LTC thành phố Hà Nội tsưr tsix tsaz yênhx “Côngv têk sik paz, phêiz kênh têx phiv liv” ntơưv xã Ma Ly Chải, huyện Phong Thổ. Chor taz viv tưz khơưk muôz 500 ntâu kror huv zos: Yo sor, pav, hax huv tsiêz thiêz iz cxiê chuôz zênhx tênhv trâu chor chuôz zis pluôs, shux xênhz tsêr cơưv cxênhx iz Ma Ly Chải. tas nro têx huv tsiv gri muôx 250 triệu đêiv ntâu. Têx hax huv co zos hêik tơưv cêr siz paz, phêiz kênh, phênhv tưs paz trâu pox nhuôs xã tox siêz ntus đriv Ma Ly Chải txo grêk têx phiv liv hâur luz nênhx thiêz tok iz luz tsiêz shir phaz, sor so đuô./.

(KT-Lik Thox cxêik nhênhv

Tỉnh Yên Bái tsênhv tso têx đoanx muk qênhz yuôx thiêz  sir jos chox kriê cxuô thax tsav qơư yax mông, heik kriê tsôngv box hâur thax tsav bax fuô uô têx faz tsưr ziv phax tar ntux no njiv no hênhr. Chủ tịch Ủy ban tỉnh Yên Bái heik, thâuv jêx tưv grêk kis, tsuv muôx tsưr ziv tsoz phưz đas jos trâu tsôngv box, lar heik zos têx nhuôs shux xênhz cxênhx iz, cxênhx nhuôs zâu, muôz jông six hơưv trâu têx nhuôs tâu hnar têx tsôngk trik yo sor, nox txâuk jâuz mor thiêz bax tso têx shux xênhz so ntơưr trơưk cui tinhv. Zơưv Trần Đức Lâm, Phưv Giám đốc Sở kôngz nuv thiêz huôv tsar tox siêz tỉnh Yên Bái heik pâuz:

“No zos jiês ntux no njiv hênhr tiv 2, pêz tưz tso canr bôv muk đros têx huyện thị uô jông hâux lưv xor thêir têx qơư cơư tsiêx cxu, trâu tơưk, xuô blêx trâu têx nhux tưv ntê; bax têx jâuz tâux, krâur...trâu tsiêx cxu nox chiê taz por muôx đas jos tir no, tsi trâus uô hiêv”./.

(Đinh Tuấn-Riê Lâux cxeik, nhênhv)

Têik cik 29/1, qiv hơưv txiêk phiv liv uô trâu jêx tưv iz cxiê tiv phaz hâur tỉnh Lào Cai grêk kik; ntux no chênhr, no njiv muôx nhoz ntâu qơư. Ủy ban tỉnh Lào Cai tưz muôx ntâuz ntơưr chox kriê chor tiv phaz chuôz cxaz chor tsưr ziv chiê kruôz kriê pêx xênhv phax tar, txo grêk têx trâus hiêv tiv ntux no. Xav txos six hơưv nhiv no, tsik tâu muôx yưv têx phiv liv tưs lok lênhx nênhs, taz sik tưz muôx 400 ntâu tuk tsiêx cxu trâus hiêv. Zơưv Nguyễn Xuân Nhẫn, Phưv giám đốc Sở kôngz nuv thiêz huôv tsar jêx jok tỉnh Lào Cai puz pâuz:

“Tỉnh Lào Cai tưz tso tơưv tsưr ziv phax tar ntux no trâu tsoz chos, tsiêx tu zus, hâur co muôx tsưr ziv phax tar no trâu tsiêx đêx. Cơ quan uô hâux lưv no cux muôx kruôz kriê tsênhz mênhx trâu tsoz chos ntơưv chor qơư muôx ntux no chênhr, no njiv mak tsuv tâu thêir vor trâu têik cik sơưr nzor”./.

(An Kiên-Lik Thox cxêik  nhênhv)

Ntơưv tỉnh Điện Biên, lưv lươngv muôx vax huôv nhiv kruôr ntêk tâu iz lênhx nênhs thâux gra tsi trơưk chei zax zênhz thiêz 4 tuk vuôz ciz zos iz hâur têx zav tsiêx kuk tsiv grê, zôngx ziv trâus pôngz nôngz ntơưv thax tsav đriv têz huyện Mường Nhé. Ntơưv cơ quan qênhz yuôx, lênhx nênhs trâul ntêk co tâu xav tinhv zos Liều A Chư, xênhz shông 1984, nhoz ntơưv jok Chà Púng, xã Quảng Lâm, huyện Mường Sang, tỉnh Điện Biên. Chư krêz lênhk tiêk, Chư zos lênhx nênhs trâul muôx zênhk zax zênhz, uô ntêx ntơư Chư đhâu đriv têz muk trâu saz Lok Tsuôk uô jos thiêz zuôr zênhz hâuk, hok 4 tuk vuôz ciz mak Chư zuôr tov Lok Tsuôk lol, tas nhos 3 tsov đeiv gra lok  muôs hâur VN.  Txuz nuv co tsênhv tâu Zênhx pênhz phax Mường Nhé uô ntâuz ntơưr thiêz choz zok lênhx nênhs, têx chuôz zênhx sâu tâu heik sâuv trâu cơ quan muôx vax huôv chiê tror qênhz yuôx, uô tsênhz mênhx./.

(Vũ Lợi-Riê Lâux cxeik, nhênhv)