Têis cik 29/10, Hôiv liên hiệp hluôk nênhs Việt Nam tỉnh Điện Biên tsưr tsix Đại hôiv têiv plor jiês tiv 5, six cxiv 2019-2024. Hâur six cxiv 5, Hôiv Liên hiệp hluôk nênhs Việt Nam tỉnh Điện Biên tso tơưv 10 tsưr ziv tsênhv njiêz, hâur co tsêx trung trâu cxiv tsa iz chor hluôk nênhs muôx siêz nhiêv têz qơưk, vênhx huôv, siêz jông, txơưx txux chi, muôx đas jos, txơưx xar tơưv, car xar, car uô. Sir jos kruôz kriê uô nox trâu nhos 5.000 lênhx hluôk nênhs đros tsơưs tiv zix 500 lox tôngv muôx hâux lưv uô truôx, 100% Hội liên hiệp cấp xar, phường, thị trấn cxiv tsa tsơưs tiv zix 1 tsưr ziv paz trâu hluôk nênhs… zơưv Nguyễn Tường Lâm, Ủy viên Ban thường vụ Trung ương Đoàn, Phưv chủ tịch Thường trực Trung ương Hôiv Liên hiệp hluôk nênhs Việt Nam puz pâuz nzir:

“Hôiv tsuv muôx têx sir jos, zok nriêr tsưr ziv uô yiêz, xar tơưv chiê phongz yaox huôv tsar truôx đuô, zaz zâuv tâu chôngz lênhx hluôk nênhs cxaz chuôz đuô. Cxơưz cxiz tâu siêz nhiêv têz qơưk, qơư zuk tâu xênhz zus thiêz hloz lox. Hôiv tsuv muôx tsưr ziv chiê chor hluôk nênhs uô tâu kror no txix têx hâux lưv uô zos tsênhv tsênhz tiv zix. Đuô li tsuv tsik so hêik pâuz xor mông, piêr pâuz têx tsênhv chêi zôngx ziv, paz tsar tov trâu hluôk nênhs, hêik chor hluôk nênhs xar tơưv têx tsênhv chêi yiêz paz trâu hluôk nênhs huôv tsar kinh têr, sir jos hâur luz nênhx”./.

(Vũ Lợi-Lik Thox cxêik nhênhv)

To bê lus, sđ khênhr heik txos, Mường Lò zos suôv qơư đras liêx lox đar sơưr tiv 2 faz Tây Bắc muôx 3 cxênhz ha, nhoz thị xã Nghĩa Lộ thiêz huyện Văn Chấn, tỉnh Yên Bái tâu ntâu lênhx, chôngz kruô pâuz txos.

Thâuv muk đhâu têx trôngz, har toz, ndis ndê grêk muk txos tơư tox Thái Lão (thị trấn nông trường Nghĩa Lộ) sâuv txox cêr lox 32, tsôngv kruô sđ zuôr seiz njiê pov đras liêx lox đar, jông jav nhoz hâur vuôs har. Taz sik trơưk li tsôngv box ntơưv qơư, six hơưv đhâu, têx dưv anr krêz zuôr đar huyện Văn Chấn thiêz thị xã Nghĩa Lộ têx ar têz, tưz uô hiêv tsi tsơưs txos đras liêx Mường Lò, uô trâu têx jông jav li heik sâuv trâus pôngz thiêz grêiv jux juk./.

                           (Tuấn Xuân-Riê Lâux cxeik, nhênhv)

Lơưr Đaix njuôk xav qiv hơưv tỉnh Lào Cai, tiv phiv liv txix chuô txiêk uô muôx ntux nas, lok nas zâu cxiê qơư, uô trâu jêx tưv ntơưv ntâu qơư grêk kik sêi pir li hnuz uô ntêx. Ntux no thâuv hmo thiêz sơưr nzor, thax tsav tox siêz ntux no, têx tox trôngz siêz no chênhr, no njiv. Nhiv ni qiv hơưv txiêk tror muôx lok Lào Cai uô trâu jêx tưv zuôr grêk kik đuô. Njuôk xav hmo no, jêx tưv trungz fênhx tas nro tỉnh grêk kik tiv zix muôx 16-18 tưv, thax tsav tox trôngz txix 11-13 tưv , ciês thax tsav qơư du lịch Sa Pa no yax txix 9-10 tưv.

Cơ quan txơưx jênhv hêik pâuz, hâur tsar tov qiv hơưv hlôngr no đuô, jêx tưv thâuv đruôz hnuz thiêz hmo ntux txơưr txar ntâu, pêx xênhv nhoz tiv phaz tsuv chuôz cxaz têx tsưr ziv uô sor trâu iz chêr, tiv zix zos chor nênhs lâul thiêz nhuôs zâu./.

(An Kiên-Lik Thox cxêik nhênhv

Txix hâur shôngk shông txos nhiv no, tỉnh Sơn La muôx 87 txuz uô yêz siz yar siz tsông tâus cêr, uô tuôs 51 lênhx nênhs, 75 lênhx trâus moz trâus saz. Pir li shông uô ntêx, têx txuz thiêz chor nênhs trâul tuôs tiv uô yêz siz yar siz tsông tâus cêr txo grêk 10%. Zơưv Trịnh Xuân Hùng, Giám đốc Sở zoz thôngz, Phưv Ban thường trực Ban ngaz tuk zoz thôngz tỉnh Sơn La heik pâuz, uô lơưr têx luôs hâux lưv uô tâu no, hâur six hơưv zuôr txos, Sơn La zuôr sir jos uô ntâu faz tsưr ziv, cov txo grêk tsơưs đuô thiêz têx txuz thiêz têx trâus ruôr hiêv tiv yêz siz yar siz tsông tâus cêr uô:

“Ciês lok sâuv tsar yêz mak qênhz yuôx shuôs yêz uô ntêx thâuv zuôr tsar mul tâus cêr, cui tinhv zov chênhr zos tsi tâu hâuk chơưr bia uô ntêx thâuv zuôr tsar yêz. Zos qênhz pov lênhx nênhs tsar yêz hâuk chơưr bia, mak lênhx nênhs ntơư zênhx tsi tâu tsar yêz mul lok. Nhiv no têx yêz mul lok trâu luôs 2 chas tỉnh khênhr muôx 2 lênhs tsar; taz sik lênhx nênhs xuz tsar tsi tâu hâuk chơưr bia hlo. Zos qênhz pov lênhx nênhs tsar yêz tưs hâuk chơưr bia, lok sik kruô li heik li chas txos Ban ngaz tuk zoz thôngz lok lênhx nênhs tsar yêz thâuv muk txos têx tos cêr hâuk chơưr bia, cux tsar yêz thâux xa kruô, mak ngênhx zoz thôngz zuôr xưv bluô ntov jông lênhx nênhs tsar yêz co”./.

(Tuyết Lan-Riê Lâux cxeiv, nhênhv)