Hli 11,12 niêx shông zos ntu pox nhuôs nôngx mênhx huyện Phù Yên, tỉnh Sơn La sâu txir quýt. Shông no quýt sâu tâu ntâu, njuôs pov muôs tâu grê ngaz tul, viv li pox nhuôs ziv jông siêz. Chos quýt tâu 10 shông thiêz no tưz zos chiv tiv 5 chuôz zis tix lâuk Nguyễn Văn Sử lênhx nênhs HTX chos ntông nox txir Nghĩa Hưng, xã Mường Cơi, huyện Phù yên (Sơn La) tâu sâu zav txir ntông no. Shông no, txơưv trâus moz Covid-19 uô zênhr shar, taz sik chuôz zis li quýt cux sâu tâu 40-45 tênhr, grê muôs ntơưv vax zos 25 cxênhz đeiv iz cir, chuôz zis li phênhv sâu tax 1 tỷ đeiv ntâu. No tsi taz sik tix lâuk Sử li cêr shir phaz, mak tsênhv zos têx lênhx nênhs hâur HTX li cêr shir phaz. Zơưv Nguyễn Duy Khanh, GĐ HTX chos ntông nox txir Nghĩa Hưng puz pâuz:

“Qơư sâu zuôr xiv huv niêx shông tso siêr 70-90% thiêx li tâu muôs. Shông no cur cxaz chuôz đros lơưr mak siêr jông, siêr txos tưs muôs txos co, li cur chuôz zis mak shông no cux muôs tâu 1 ciêz lơưv, 1 hnuz 2,3 puôk cir. Đros HTX li txir quýt pêz zôngx ziv muôs, grê txix 25 cxênhz đeiv iz cir”./.

(TTXVN-Txâur Vax cxeik nhênhv)

  Sưv đros trâu uô nênhx hâur qênhx shênhx yiêz, nhiv kruôr đhâu, nganhx Du lịch Lai Châu kriz uô tsaz yênhx Caravan Lai Châu shông 2021 đros tsênhv njiêz “Tuôx  trâu thax tsav tsik phiv liv lok caz moz”. 100 ntâu lênhx kruô du lịch cxaz chuôz tưz tâu uô si, ndis shuôk cxuô thax tsav qơư sâuv thax tsav tỉnh li Sì Thâu Chải, jok Lao Chải, huyện Tam Đường; trôngz yuôx zêx Than Uyên; jok njêl Thẳm Phé….Xor xưv Caravan Lai Châu shông 2021 zos iz hâur têx xor xưv chiê paz trâu nganhx Du lịch. Lơưr tsưr ziv, Lai Châu zuôr tsưr tsix iz xor xưv vênhx huôv, du lịch hâur oz luz hli kaz shông, zos: Ciêz Du lịch-Vênhx huôv Lai Châu; hnuz hôiv vênhx huôv mênhx cxưx Hmôngz tas nro têz qơưk jiês tiv 3 shông 2021…/.

(TTXVN-Lik Thox cxêik nhênhv)

Hâur hnuz 29/11, tỉnh Yên Bái muôx cxaz 15 lênhx nênhs trâus moz Covid-19 puôr lênhx nênhs têx lênhx nênhs F1 tưz tâu cêv kuôk chêx chôngk. Hâur co, muôx 14 lênhx nhoz TP yên Bái, 1 lênhx nhoz huyện Yên Bình. Têx lưx lươngv muôx txơưx jênhv tỉnh Yên Bái cux tưz qênhz yuôx tâu 250 lênhx nênhs F1, 870 ntâu lênhx F2 muôx lênhx coaz txos têx lênhx nênhs trâus moz Covid-19 đrâuv côngv thôngx. Nhiv no têx nênhs F1 tsênhv tâu cêv kuôk thiêz njuôs siv moz lơưr cui tênhv.

Cxôngx qênhx shênhx moz huôv xênhz phêv liv, TP Yên Bái, thị trấn Yên Bình (huyện Yên Bình) thị trấn Cổ Phúc thiêz têx xã Minh Quán, Việt Thành (huyện Trấn Yên) tưz cuiz tênhv tso tsês têx huôx tôngv chêx chôngk chôngz lênhx nênhs; tsi tsưr tsix nox yôngz; tsi huôx tôngv thiv thao....Tỉnh Yên Bái cux heik tsôngv box thâuv pov lênhx nênhs uô cxâuv cui tênhv lok phax tar moz Covid-19, tiv zix zos tsi heik kriê y tế, tsi cêv kuôk y tế....tsuv pov ciês trâu têx chiz coaz muôx txơưx jênhv chiê yưr lir txos qơư lơưr pháp luật li cui tênhv./.

(TTTB-Txâur Vax cxeik nhênhv)

Têis cik 29/11, sâuv txox cêr 152B đhâu thax tsav jok Nậm Cúm, xar Mường Bo, thị xar Sa Pa, tỉnh Lào Cai, lưx lươngv ruôr têx txuz án Cục phax tar zax zênhz, Bôv Tư lệnh Bôv đôiv Pênhz phax sik côngv đros Bôv Chỉ huy Bôv đôiv Pênhz phax tỉnh Lào Cai pov thiêz cxov tâu 4 lênhx nênhs zos: Xưv Xênhv Tsaz, zus shông 2001, nhoz ntơưv xar Điện Quang, huyện Bảo Yên; Min Xênhv Zax, zus shông 1992, nhoz ntơưv xar Phong Hải, huyện Bảo Thắng; Dìn Xênhv Zax, zus shông 1990, nhoz xar Xuân Hòa, huyện Bảo Yên thiêz Sáng Xênhv Lik, zus shông 1995, nhoz xar Tân Tiến, huyện Bảo Yên, tỉnh Lào Cai puôr lênhx zos mênhx cxưx Hmôngz, tsênhv thâux gra 100 đêiv zênhz đơưz, cxov tsês 4 luz yêz mêir đros ntâu zav txơưr đuô cik txos. Chor nênhs co hêik tiêk tưz txêik tâu chor zax zênhz no txix saz đrâuv têz qơưk thiêz thâux gra muk đhâu ntâu luz tỉnh, đhâu co chox lok Lào Cai tok chiê thâux gra muk muôs trâu luz têz qơưk txơưr đuô. Nhiv no txuz  hâux lưv tsênhv tror tâu qênhz yuôx, nriêr pâuz cov tsênhz mênhx chiê muk cêr cxâuv trơưk cêr chêi têz qơưk têx cui tênhv./.

(An Kiên-Lik Thox cxêik nhênhv)