Zar hnuz kêix 29/6, Ủy viên Bôv Chính trị, Thường trức Ban Bí thư Trần Quốc Vượng thiêz Đoanx têiv plor côx hôiv tỉnh Yên  Bái tưz njiz cử tri chor xar Y Can, Quy Mông, Kiên Thành thiêz têx cơ quan, đoanx thêv huyện Trấn Yên, tỉnh Yên Bái. Thường trực Ban Bí thư Trần Quốc Vượng hêik tiêk, oz kror yiêz hâur jiês cơưv Côx hôiv jiês no zos hlôngr yiêz cxuô nro lơưr saz dân chủ đuô, tsênhz mênhx đuô thiêz tax tâu pêx xênhv li siêz xar đuô; đros co, hlôngr yiêz tsưr ziv uô hâux lưv, huv đros trâu tsar tov 6 luz hli hâur shôngk shông, đros oz ntu zos cơưv trực tuyến thiêz cơưv ciês. Lok tsênhv njiêz Côx hôiv tưz ntâuk gri cxuô nro têx muôx yưv hâur shông 2019 thiêz 6 luz hli hâur shôngk shông 2020 lok huôv tsar kinh têr, xar hôiv thiêz phax, tar moz Covid-19; đhâu ntâu tsênhv njiêz zov chênhr, hâur co muôx Nghị quyết tso tơưv tsưr ziv yưv pênhr Tsaz yênhx tsưr ziv têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs, ntu 2021-2030./.

(Tuấn Xuân-Lik Thox cxêik nhênhv)

Hâur 2 hnuz đhâu Đảng bộ thị xã Sa Pa, tỉnh Lào Cai tsưr tsix Đại hội teiv plor jiês tiv 23 six cxiv 2020-2025, muôx 200 ntâu lênhx teiv plor cxaz chuôz. No zos Đại hội Đảng bộ xuz thơưx thâuv Sa Pa yênhx lix thị xã. Đại hội tso tơưv tsưr ziv yiêz zos chêx chôngk muôz siêz Đảng li pênhr xưv lênhs tov, cxiv tsa Đảng hur si, truôx tul, hlôngr yiêz cxix luôk chinhr trị huôx tôngv muôx chêx cuk; huôv tsar ju lix, muôv muôs zos tsênhv; huôv tsar kôngz-jôngr nuv, cxiv tsa nôngx cxênhz yiêz, huôv tsar công nghiệp ngaz tul truôx vênhs; yưv pênhr hlôngr yiêz cxix luôk cơ sở cxuô zav. Tiv zix Sa Pa sir jos txos shông 2025 yênhx tiv phaz huôv tsar tas nro, zos qơư ndis shuôk ju lix tsênhv, zos tsênhv qơư tsiv uô yuôx njuôz thiêz zôngv kôngz nuv công nghệ siêz hâur tỉnh Lào Cai./.

(An Kiên-Txâur Vax cxeik nhênhv)

Pox nhuôs sơưr đơưk hmor yuô! Dự án pak tsês chiê đêx jok Mòng tâu Bôv NN&PTNT cuêz tênhv tso chêi uô trâu shông 2009 thiez njuôk xav uô tiêr trâu shông 2013. Côngz trinhx zos chiê paz phax tar đêx ngaz cuôr thiêz paz muôx đêx trâu 225 ha blêx thiêz têx jâuz tâuv cxuô zav hâur thành phố Sơn La. 700 tiv đêiv zos tas nro pênhr nhiêx mak bôv NN&PTNT yưv pênhr uô côngz trinhx pak tsês chiê đêx jok Mòng ntơưv xar Hua La, thành phố Sơn La, tỉnh Sơn La. Taz sik, txix hli 3/2015, dự án tưz tsuv tso tsês tiv pênhr nhiêx uô tưz tas. Đhâu ntâu cơ quan pov chir hêik, txos hli 5 nhiv kruôr đhâu, dự án tưz tâu tror uô. Njuôk xav côngz trinhx zuôr tâu uô tiêr, choz zok muôz lok sir zôngv trâu kaz shông no./.

(Thanh Thủy-Lik Thox cxêik nhênhv)

Viện kiểm sát thị xã Nghĩa Lộ, tỉnh Yên Bái tưz tso tơưv cuiz tênhv tik cêr cxâuv Vũ Viết Trường 27 shông viv ntâus iz lênhx nxeik zov chênhr, uô côngv thôngx mạng tsi jông siêz hâur ntu đhâu. Uô ntêx co, iz đoạn clip sâuv mạng xã hội cxeik tâu iz lênhx hluôk tuz ntâus iz lênhx nxeik lok six zov chênhr, uô côngv thôngx mạng lok six tsi jông siêz. Lênhx nxeik nhiêx tsi chưv tưz sir jos thor taz sik lênhx hluôk tuz cux tsi tso tsês. Lênhx nxeik co zos Hoàng Thanh Lam, 22 shông đros nhoz tuêv 8, phường Trung Tâm, thị xã Nghĩa Lộ, tỉnh Yên Bái./.

(TTTB-Txâur Vax cxeik nhênhv)