Têis cik 28/7, UBND tỉnh Sơn La tso tơưv tsưr ziv sôr 170/KH-UBND lok hâux lưv paz trâu thành phố Hồ Chí Minh hâur côngz xưv phax, tar moz Cobvid-19.

Lơưr co, Tỉnh Sơn La zuôr tso 40 lênhx cán bộ, bác sĩ, nhân viên y têr cxaz chuôz paz trâu TP Hồ Chí Minh phax tar moz Covid-19, hâur co muôx 14 lênhx bác sí, 17 điều dưỡng, 5 kỹ thuật viên njuôk shuôk caz moz thiêz 6 cán bộ y têr txơưr. No puôr lênhx zos chor nênhs muôx chênhz zênhv, txux chi, sir jos, moz siêz uô hâux lưv, tax tâu Bôv Y têr têx jênhv vưv chiê phax tar caz moz trơưk cui tênhv./.

(TTV-Lik Thox cxêik nhênhv)

30 ntâu lênhx cán bộ, nhân viên y tế tỉnh Điện Biên nhiv kruôr cơưv tiêr lớp kriê cxaz chiê sơưr cêr muk TPHCM paz txưv phax tar moz hâur hnuz no 30/7.

Tỉnh li đoanx côngz xưv muôx 12 lênhx bác sĩ, 14 điều dưỡng thiêz 5 kỹ thuật viên, zos têx lênhx nênhs muôx pênhr xưv, yênhx tưv chuyên môn truôx, tsênhv uô côngz xưv ntơưv têx tsêr kho moz, tsênhv qơư y tế têx huyện, thị xã, thiêz tsênhv qơư seiz car moz tỉnh. Bác sĩ Chuyên khoa II Hoàng Xuân Chiến, Phưv giám đốc Tsênhv qơư seiz car moz tỉnh Điện Biên, Tsar đoanx côngz xưv puz pâuz: chiê paz têx lênhx nênhs hâur đoanx côngz xưv uô jông jênhv vưv ntơưv TPHCM, têx hnuz đhâu, têx lênhx nênhs hâur đoanx tưz tâu kriê cxaz lok côngz xưv tsoz phưz, kho moz trâu nênhs moz Covid-19; côngz xưv njuôs siv thiêz kho moz trâu nênhs moz; tsưr ziv sir zôngv têx chuôz zênhx por hưv lênhx nênhs; cui tênhv lok yưr lir têx kiês nênhs thiêz tsưr ziv njuôs siv caz moz SARS Cov2 trâu nênhs moz..../.

(Vũ Lợi-Txâur Vax cxeik nhênhv)

Xor mông txix Ban Sêiz car phax tar ntux têz ruôr hiêv thiêz zok nriêr chơưv paz tỉnh Lào Cai puz pâuz, xar muôx 11 six tar su hnuz 28/7, ntơưv jok Lầu Thí Chải, xar Tả Thàng, huyện Mường Khương, tỉnh Lào Cai, pêx xênhv pov iz lênhx pox niêv trâus tuôs trâus đêx cuôr lok  trâu ntơưv ntus tuk đêx Chảy.

Đhâu txêik tâu xor mông, chinhr quyền thiêz cơ quan muôx vax huôv tưz tuôx xav jênhv. Pâuz tâu lênhx nênhs co zos T.S.S, zus shông 2007, mênhx cxưx Phù Lá, nhoz ntơưv jok Tả Giàng Sán, xar Tả Gia Khâu, huyện Mường Khương. Xuz thơưx xav jênhv tiêk, lênhx nênhs co plav tơư pôngz trâu hâur tuk đêx tsênhv huôv lox thiêz trâus đêx cuôr yôngz.

Njuôk xav têis cik 30/7, iz jiês ntux nas chuô lox ho tror muôx lok ntơưv Lào Cai, pêx xênhv sơưr đơưk tsuv uô jông sêiz shuôk, phax, tar ntux nas chuô, đêx ngaz cuôr, ar poz, xoz tuô uô hiêv txos./.

(An Kiên-Lik Thox cxêik nhênhv)

Tuêv côngz xưv phongx cảnh sát qênhz yuôx nênhs phamv cxâuv lok zax zênhz, công an tỉnh Lai Châu đros Phongx cảnh sát hình sự thiêz Công an têx huyện Nậm Nhùn, Mường Tè (Lai Châu) uô jênhv vưv qênhz yuôx sâuv niêv cêr 127 nhoz thax tsav qơư 9, thị trấn Mường Tè, huyện Mường Tè nhiv kruôr pov, ntês tâu 2 lênhx nênhs tsênhv muôv muôs 3 đeiv njuôs xav zos zênhz đơưz.

2 lênhx nênhs no zos Nov Xưv Xênhv Shôngx xênhz shông 1982 nhoz jos Giàng Ly Cha thiêz Lâux A Thái xênhz shông 1997 nhoz jos Pà Khà, puôr lênhx nhoz xã Tà Tổng, huyện Mường Tè. Ntơưv chiz coaz qênhz yuôx qir thơưx 2 lênhx nênhs no jênhv, hnuz 27/7 tưz sik đros gôngr nhiêx txiêx zuôr 3 đeiv zênhz đơưz đros grê zos 300 tsov đeiv. Chiz coaz cảnh sát qênhz yuôx Công an tỉnh Lai Châu tsênhv tror krêz đar qênhz yuôx uô cov tsênhz mênhx hâux lưv no./.

(DTMN-Txâur Vax cxeik nhênhv)