Nhiv kruôr no Bôv Y têr hêik pâuz pov muôx nzir iz lênhx nênhs nhoz Lai Châu trâus moz Covid-19 zos lênhx nênhs tiv 172, thiêz zos lênhx nênhs trâus moz số 133 tuk nhaz thiêz chor nênhs njiz thiêz nhoz jê oz lênhx nênhs moz co cux tsênhv tror chuôz ndê chôngz nênhs. Đros moz Covid-19 tsênhv phiv liv cik txos lênhx nênhs moz tiv 133 sâuv thax tsav, Ban chox kriê phax, tar caz moz Covid-19 tỉnh Lai Châu hêik chor nênhs njiz tâu nênhs moz tiv 172 thiêz 133 tsik tâu hêik pâuz, tsuv sêiz đrơưv hêik trâu chính quyền tiv phaz pâuz chiê tâu paz; đros co hêik ciês trâu chor nênhs njiz tâu zuk pâuz. Chor nênhs tsik hêik pâuz thiêz hêik pâuz tsik zos li kror tsênhz zos pov tâu zuôr trâus xưv bluô lơưr chêi têz qơưk li cui tênhv./.

(Khắc Kiên-Lik Thox cxêik nhênhv)

Ủy ban tỉnh Yên Bái tưz choz sở Tư Pháp seiz car, hux jos đros Sở Y tế thiêz cxuô sở, ngênhx cik txos cxiv tsưr ziv tsênhv tsênhz lok xưv bluô têx lênhx nênhs uô cxâuv hâur phax tir thêir moz Covid-19. Iz chas ntơư, tsưv ziv txos têx uô cxâuv li đrav kaz: Tsi chox ntâuz bos kror ndâux ntơưv têx qơư heik tsuv tâu chox ntâuz bos kror ndâux ntơư; tsi xar uô trơưk li cui tinhv tso têx lênhx nênhs tâu xav tiêk zôngx ziv trâul cik tâu moz nưk nhoz nưk iz kro; tsi uô trơưk cơ quan muôx vax huôv têx chei, cui tinhv cêv chor nênhs li heik sâuv nưk nhoz nưk iz kro; sâu thiêz tso têx mông tsi muôx tsênz tiês lok têx moz gênhs; siz zâuv muk nhoz, nox hâuk chôngz nênhs txix 10 lênhx tror zar sâuv, tsi zos hâur têx tsêr cơưv, qơư uô hâux lưv, tsêr kho moz.... Tỉnh Yên Bái cux tưz muôx 9 qơư seiz jor sâuv txox cêr muk chênhr Nội Bài-Lào Cai thiêz têx cêr lox, cêr mul lok đhâu hâur tỉnh chiê phax tir thêir moz./.

(Tuấn Xuân-Riê lâux cxeik, nhênhv)

Côngv têk chiê phax, tar moz Covid-19, thành phố Sơn La, tỉnh SơnLa tso tsês tsik muk lok iz cxiê yêz bus sâuv thax tsav; chor yêz thâux xa kruô cux tsênhv muk lok li kuz, taz sik iz jiês yêz muk lok mak tsik tsuv thâux chôngz đuô 10 lênhx nênhs, đros co cux tsuv uô jông têx tsưr ziv phax tar caz moz. Hâur 2 hnuz so kaz ciêz, yênhx puô qơư uô jâuz mor nox hâuk, uô khax ntơưv thành phố Sơn La puôr lênhx cơư kror trôngx, chiê phax tar tsik siz cik moz trâu côngv thôngx. Chor qơư kinh doanh puôr lênhx uô truôx jông têx tsưr ziv phax, tar caz moz li: Chox ntâuz bos kror ndâux, njuôk shuôk đas jos, zôngv đêx nzuôr têk tuô lov caz moz…Tix lâus Lò Ngọc Dũng, nhoz tôv 1, phường Quyết Thắng, thành phố Sơn La hêik: “Cxuô hnuz txos zar zuôr tsâuk ntux đhâu thâuv uô thể dục thể thao tas mak pêz tsik so siz zâuv muk hâuk biê, hâuk đêx, taz sik muôx Thủ tướng Chính phủ đros UBND tỉnh Sơn La hêik pâuz tsik nhoz chôngz nênhs uô cê chiê phax tar moz Covid-19 viv li hâur ntu no pêz tsik muk li co lơưv”./.

(Việt Anh-Lik Thox cxêik nhênhv)

Xav txix hnuz 29/3, ciêz hmo ntux Kim Tân-Ciêz muôs ntâu têx jâuz tâuv, zav nox nhôngk ntơưv TP Lào Cai tưz trâul nduô tsês tsi khênhr muôs têx huv uz no chiê taz por jông trâu hâux lưv phax tir thêir moz Covid-19 ntơưv qơư. Luz ciêz no txix thâuv ntêx lok tưz zos tsôngv box sđ hâur TP Lào Cai thiêz têx huyện, thị xã hâur tỉnh tuôx muôs, siz pâur zuôr têx jâuz tâuv, hax huv uz no, muôx têx no tsênhv zos qơư chiê côngz têx jâuz tâuv, huv uz no trâu ciêz đrôngs Lai Châu, Yên Bái thiêz têx tỉnh tiêx đras. Taz sik, chênhr têx li heik no cux uô tuôr thênhv trâu hâux lưv phax tir thêir moz Covid-19 tsênhv huôv xênhz phiv liv, viv li hâu nov TP Lào Cai tưz quyết tinhv tax nduô tsês, tsi khênhr sđ tuôx ciêz zuôr muôs têx jâuz, hax huv uz no./.

(An Kiên-Riê Lâux cxeik, nhênhv)