Tsôngv box....! Tiv ntux txơưr txar uô hiêv txos viv li tỉnh Sơn La tror muôx ntux nas trâu cxuô qơư, iz cxiê thax tsav lok nas lox.

Ntux nas hloz tsi tu hlo uô ntâu thax tsav qơư hâur tỉnh Sơn La trâus đêx ngaz, tox xưz poz tsuv yêik txar zênhx max chiê taz por truôx tuk trâu lênhx nênhs thiêz chuôz zênhx chuôz tas. Ntơưv huyện Mai sơn tưz muôx 3 luz tsêr tsuv yêik txar zênhx max, huyện Mường La muôx 7 chuôz zis thiêz huyện Quỳnh Nhai muôx 23 chuôz zis trâus uô ruôr hiêv, hâur co muôx 5 luz tsêr tsuv tâu ruôr yêik txar tiv tox xưz poz thiêz zôngx ziv muôx poz jêz ntos lok.

Ciês têx cêr mul lok mak tưz muôx 10 ntu sâuv têx cêr lox số 37, 4 G, 43 thiêz 279D trâus xưz poz yêz mul lok tsi tâu đhâu; 10 ntu nhoz têx txox cêr mul lok hâur tỉnh trâus xưz poz. Ntơưv cêik cêr 88+600 txox cêr lox 279D nhoz xã Mường Bú, huyện Mường La, tas nro iz saz trôngz sâuv tsas ar siêz tưz xưz poz lok cxuz cêr tas , uô têx yêz mul lok tsi tâu txix TP Sơn La trâu Mường La./.

(Thanh Thủy-Riê Lâux cxeik, nhênhv)

Hnuz 29/8, ntơưv jos Tân Thành, xã Yên bái, huyện Văn Yên, Yên Bái, Ban sêiz car tuz lênhv huyện Văn Yên tưz đros Ban công binh, Bộ tuz lênhv tỉnh Yên Bái tưz hlê ruôr tâu tier iz luz bôngk Mỹ, hnhar muôx 350 cir, tsik chiê uô ruôr hiêv txos lênhx nênhs.

          Uô ntêx co, Ban sêiz car tuz lênhv huyện Văn Yên tưz pov iz luz bôngk nhoz hâur zơưv Hoà nhoz xã Yên Thái chor har ntông ciêv fix. Đhâu Ban công Binh  Bộ tuz lênhv tỉnh Yên Bái qênhz yuôx, ntơư zos Mỹ chor bôngk thâuv ntêx sir zôngv tir ntâuk tros châuz hâur shông 1968-1970, tsik tâu tơưs./.

(Tsu cxêik nhênhv-KT)

  “Lào Cai tsuv sir jos bax fuô uô tsaz yênhx zoz zux phưv thôngz yiêz”-Ntơư zos đôngx chir Nguyễn Hữu Độ, Thứ trưởng Bộ Zoz zux thiêz thox cxov li chox kriê hâur jiês Bộ Zoz zux thiêz thox cxov Đoanx côngz uô hâux lưv đros Sở Zoz zux thiêz thox cxov Lào cai lok hâux lưv bax trâu shông cơưv yiêz 2018-2019.

Đôngx chir Thứ trưởng Bộ Zoz zux thiêz Thox cxov heik mênhx: Shông cơưv 2018-2019 zos shông cơưv zov chênhr, bax trâu hâux lưv fuô uô tsaz yênhx zoz zux phưv thôngz yiêz, hlôngr yiêz têx ntơưr cơưv phưv thôngz. Lào Cai zos iz hâur têx tỉnh tâu Bộ Zoz zux thiêz Thox cxov xeir fuô uô siv uô ntêx, viv tsuv qênhz shuôs têx cưk kriê ntơưr kriê lớp 1 thiêz moz siêz txos kriê cxaz têx txux chi tsưr ziv yuôr trâus trâu chor cưk kriê ntơưr; moz siêz txos hlôngr yiêz tsưr ziv kriê trơưk li huôv tsar txux chi trâu lênhx nênhs cơưv; hlôngr yiêz lok sâuv car seiz lơưr phênhz côngz, phênhz hâux lưv thiêz hlôngr yiêz qênhz yuôx, ntâuk grê shux xênhz. Hâux lưv txo grêk tsơưs lênhx nênhs lês uô têx nuv tsuv uô lơưr fiv đros, tsi cxoz lav tâuk lav uô li uz li no./.

(KT-Riê Lâux cxeik, nhênhv)

Hâur ntu 2014-2018, muôx 1.242 lênhx laox tôngv nhoz thax tsav jêx jos tox siêz, tâu paz zok nriêr hâux lưv uô trơưk li luôs hâux lưv 1956 ntơưv Thủ tướng Chính phủ; trơưk njuôk xav mak tax tâu 76%. Tsênhv qơư kriê uô hâux lưvthĩ xã Mường Lay, tỉnh Điện Biên, tâu cxiv uô vax tsêr muôx cxuô chuôz zênhx kriê cơưv, huv đros. Xav txos trâu nhiv no cxuô lênhx laox tôngv cơưv uô hâux lưv tưz tâu paz phênhv nhiêx txiêx zos đrêiv quy tênhv.

Suôx câuv hâur jiês cơưv, cxuô lênhx laox tôngv cux uô tâu zos đrêiv tsưr ziv kriê thiêz pâuz hlôngr yiêz tsưr ziv huôv tsar tsêz chos kôngz lôngk, tu zus tsiêx cxu huv đros thax tsav qơư nhoz./.

(Tsu cxêik nhênhv-VOV4)