Têx siêz xar, cêr cxơưx zos têx lênhx uô niêv, uô txir, cux li chor shux xênhz nhoz tỉnh Sơn La têx heik cxuô thâuv qir trâu shông cơưv yiêz. Têx tsi jông, nxor loangv hâur tưr thik ntơưr muôx nhoz thax tsav shông 2018, cux li điểm thik cơưv tiêr ntơưr lớp 12 thôngz têz qơưk tâu kis yax shông 2019 uô trâu tsôngv box sđ cxơưx. Taz sik, hâux lưv ntơưv qơư cxaz nzir, hlôngr ntâu lênhx hâu nov lox hâur ngênhx zoz zux tso pov têx sir jos hâur hlôngr yiêz, uô cov tâu iz ngênhx zoz zux côngz fênhx, lês uô tâu jông cxuô luôs hâux lưv zok muôz. Zơưv Trần Luyến, Chủ tịch hội cxiz cơưv txơưx cơưv njê tỉnh Sơn La heik:  “Pêz muôx 2 vạn ntâu lênhx cưk kriê ntơưr, txix cxênhx nhuôs zâu txos trâu cxuô cxênhx cơưv txơưr đuô puôr lênhx zos têx lênhx moz siêz uô jông hâux lưv kriê txux chi, uô jông trơưk zơưv Hloz Hôx luk kriê zos sir jos sik tưr uô hâux lưv jông. Li ntơư, zos muôx têx tuk tsi uô cxâuv mak zuôv kror tưs tsuv kho chiê cov uô tâu jông đuô. Cur njênhs tiêk, hâur Tỉnh ủy, Ủy ban tỉnh Sơn La cêr chox car, shông cơưv no Sơn La zuôr muôx têx hlôngr yiêz thiêz hâux lưv kriê txux chi zuôr huôv tsar jông”./.

(Trấn Long-Riê Lâux cxeik, nhênhv)

Xar muôx 600 lênhx shux xênhz tsêr cơưv cao đẳng Lào Cai nhiv kruôr txêik jênhv ntơưr cungz jênhv cơưv tiêr ntơưr đhâu six hơưv cơưv ntơưv tsêr cơưv. Đhâu ciês cơưv tiêr, chor shux xênhz tưz muôx ntâu tsar tov tâu uô têx hâux lưv muôx phênhv sâu truôx. Hâur hlik hli 8 nhiv kruôr đhâu, tsêr cơưv cao đẳng Lào Cai cux nhiv kruôr txêik tok xar muôx 1.000 lênhx shux xênhz cơưv tiêr ntơưr cxênhx oz thiêz cxênhx pêz tuôx đăngk cir cơưv chor khóa kriê hâux lưv uô, paz trâu uô jông hâux lưv phênhz kruôz kriê pênhr jos trâu tiv phaz. Lào Cai li tsưr ziv zos txos shông 2020 muôx 81% hluôk nênhs hnuz nhôngs txix 15-18 shông tâu cơưv tsaz yênhx cxênhx pêz thiêz cơưv hâux lưv uô txix trung cấp tror sâur, sir jos cov muôx tsơưs tiv zix 14% shux xênhz đhâu cơưv tas ntơưr cxênhx oz muk cơưv hâux lưv uô muôx txux chi cơưv tas Trung cấp./.

(An Kiên-Lik Thox cxêik nhênhv)

Tỉnh Yên Bái nhiv kruôr tsưr tsix ntênhs cêr mul lok tâu thôngz sâuv tuk qox Tuần Quán, ntu cêr Âu Cơ-Bảo Lương, TP Yên Bái. Côngz trênhx co zos iz hâur têx côngz trênhx hơưv tok xiêz 2/9 shông no thiêz chiv nhênhv 50 shông tỉnh Yên Bái uô lơưr Lâuk Hôx luk kriê tsês. Ntu cêr txix Âu Cơ muk trâu Bảo Lương ntêr zuôr xar 2 cêik, tâu nhênhz chơưv, cxiv kho, krêz đar txâuk 4 hax yêz mul lok đhâu, fiv đros trâu TP Yên Bái tsưr ziv cxiv kho cxuô thiêz têx thax tsav nhoz jê iz ndis txos shông 2040. Yuôr ntu cêr txix qox Bảo Lương muk trâu txox cêr lox sôr 32C tưz uô tiêr thiêz muôz lok sir zôngv. Tuk qox Tuần Quán zuôr đros trâu qox Bách Lâm, qox Văn Phú, cêr Âu Cơ, txox cêr lox 37 muôx cêr mul lok thôngz nhoz TP Yên Bái trâu txox cêr muk chênhr Nội Bài-Lào Cai, muôz jông six hơưv trâu huôv tsar ciêz đrôngs TP Yên Bái lok saz đêx liêz./.

(Thừa Xuân-Riê Lâux cxeik, nhênhv)

  Piz txix hnuz no txos tas hnuz 5/9, qơư tsar đrêk yêz kruô Sơn La zuôr chuôz cxaz têx yêz phưx vưv tsôngv kruô li zoz qơưx muk lok thâuv uô ntêx, hâur thiêz đhâu jiês so ntênhk 2/9. Lơưr co, iz hnuz zuôr muôx 20 jiês yêz muk lok. Chiê phưx vưv jông trâu tsôngv kruô liz zoz qơưx, Công ty cổ phần qơư tsar đrêk yêz kruô Sơn La sik côngv đros têx cơ quan cik txos tsik chiê muôx yưv sik txênhz kruô uô muôx yưv tsik ngaz tuk. Tiv zix zos qênhz yuôx truôx jông tsik chiê muôx yưv ndê gri thiêz thâux chôngz nênhs. Zơưv Trịnh Văn Chung, Giám đốc Công ty Cổ phần qơư tsar đrêk yêz thâux xa kruô Sơn La puz pâuz: “Đros thiêz chor jiês thâux chôngz nênhs lok sik ndê gri siêz, mak zuôr sik côngv đros chor taz viv txơưx jênhv thiêz Thanh tra Sở zoz thôngz hâur côngz xưv qênhz yuôx sêiz kaz jông txix ciês ntơưv qơư tsar đrêk yêz, tsik chiê yêz thâux chôngz nênhs tơưv muk đhâu ntơưv qơư no. Zos tiêk hnor tsôngv kruô hêik pâuz muôx ndê gri mak taz viv sik côngv đros cơ quan txơưx jênhv xưv lik ciês”./.

(Tuyết Lan-Lik Thox cxêik nhênhv)

Moz ơưk buô Châu phi cux tsênhv huôv xênhz phiv liv hâur thax tsav tỉnh Điện Biên. Hâur co, 19 xã, phường tưz heik pâuz tsi pov muôx moz huôv xênhz nzir, taz sik nhiv no ho tror huôv xênhz tuôx. Lar heik zos 19 xã, phường nhoz têx huyện Điện Biên, Mường Ảng, Tuần Giáo, Nậm Pồ đhâu 30 hnuz tsi muôx buô trâus moz yiêz, tưz côngz fur tas moz ơưk, taz sik nhiv no ho tror muôx moz huôv xênhz. Hâur co, ntâu đuô hur si zos ntơưv huyện Điện Biên đros thiêz 7 xã; têx huyện Tuần Giáo, Mường Ảng, Nậm Pồ iz huyện muôx tsơưs tsơưs 2 xã tror muôx moz ơưk buô huôv xênhz. Zơưv Đỗ Thái Mỹ, Chi cục tsar chi cục kho moz tsiêx cxu tỉnh Điện Biên heik pâuz: “Hâur 2 ciêz tror lok no, chor buô tror trâus moz ơưk li kuz tsênhv huôv xênhz phiv liv. Lar heik zos nhoz têx thax tsav nhiv kruôr huôv xênhz moz li: Huyện Mường Nhé, Nậm Pồ. Njuôk xav hâur iz jiês no thiêz zuôr txos ntơư, moz  ơưk cux tsênhv zuôr ziv hnuz ziv huôv xênhz phiv liv, tror siz cik đêz đar trâu têx thax tsav, suôv qơư tsi tâu trâus moz. Chênhr zos xav tinhv moz ơưk huôv xênhz phiv liv li ntơư, pêz tsênhv chox kriê cxuô taz viv nhoz Chi cục tror sir jos uô jông lơưr têx tsưr ziv phax tar moz ơưk buô châu Phi trơưk têx faz tsưr ziv tưz tâu tso tơưv thiêz fuô kriê txix thâuv muôx moz huôv xênhz txos nhiv no”./.

(Vũ Lợi-Riê Lâux cxeik, nhênhv)