Tiv phiv liv txix Moz Covid-19, hâux lưv zuôr muôs tơưv saz đrâuv têz qơưk ziv hnuz ziv phiv liv, viv li, têx doanh nghiệp tỉnh Sơn La tsênhv sir jos kriz uô têx kôngz nuv co yênhx ntâu zav hax huv, tiv zix zos lơưr tsưr ziv uô hax huv tsês chiê tâu ntêr chiê đơưk kho têx phiv liv hâur muôs chor kôngz nuv tsik tâu kra kruôr thiêz paz muôx tsiv gri đuô trâu têx hax huv, paz muôx tâu ntâu qơư muôs saz đrâuv têz qơưk, hâur co muôx chor hax huv txix txir lưv tsiz sôngz Mắt Rồng. Lơưr tix lâus Nguyễn Đức Tuấn, Phưv Giám đốc công ty Cổ phần muôs tơưv saz đrâuv têz qơưk têx txir ntông Sơn La, Công ty tưz yưv pênhr uô 5 qơư kra yiêz jông txix trâus tơưl kra trâu saz đrâuv jôngr, đhâu co gruk chor pa sor co đhâu qơư liv muk txos trâu hâur qơư chiê têx txir ntông. Tsưr ziv no paz trâu têx pa sor hâur qơư kra siz luôs đuô, tiv zix zos tsik muôx têx pa CO2 lo tâu trâu chor hax huv xưk li têx tsưr ziv kra kuz, viv li chor txir lưv siz tâu taz por vêv xênhz ngaz tuk zav nox, jông gâux thiêz tax tâu chiê muôs muk trâu têx têz qơưk li Nga, Đài Loan thiêz saz Trung Quốc: “Đros caz moz hâur shông 2021 txơưr txar phiv liv, pox nhuôs têx txir ntông lax muôs tâu viv li Công ty muôx tsưr ziv kra thiêz kriz uô txix têx qơư kra hur jông taz por tsơưr lươngv, chiê muôs tâu trâu ntơưv têx siêu thị hâur têz qơưk, iz cxiê luz têz qơưk thax tsav Đông Nam Á thiêz iz cxiê luz têz qơưk sâuv ntiêx têz”./.

(Trấn Long-Lik Thox cxêik nhênhv)

Xav txos trâu nhiv no tỉnh Yên Bái tưz cxax yuôx phax phôngz moz Covid-19 trâu zuôr xar 235 cxênhz lênhx nênhs (hâur co muôx 48 cxênhz ntâu lênhx nênhs tâu cxax txâuk 2 côngz yuôx), tsar ndê chor nênhs txix 18 shông tror zar sâuv tâu cxax yuôx phax phôngz moz xar muôx 40%. Iz cxiê thax tsav qơư muôx ntâu lênhx nênhs tâu cxax đuô hur si zos: TP Yên Bái 89%, thị xã Nghĩa Lộ 56% ntâu, huyện Mù Cang Chải zuôr xar 46%..... Nhiv no tỉnh Yên Bái tsênhv uô luôs hâux lưv cxax yuôx vắc xin phax tar moz Covid-19 jiês tiv 7 ntơưv hur tiz si cxuô thax tsav qơư hâur tỉnh. Ủy ban tỉnh Yên Bái heik tsôngv pêx xênhv hâur thax tsav muk cxax yuôx vắc xin phax phôngz moz Covid-19 zos thâuv tưs muôx luk hu txos; sik côngv têk, thôngx ziv, paz max fuô kriê cxax yuôx vắc xin chiê tir thêir caz moz; đhok uô trơưk li têx ntâuz ntơưr kriê lok seiz njuôk shuôs đas jos chiê seiz car sơưr đơưk đas jos, cxax yuôx phax phôngz moz thiêz sir zôngv têx ntơưr côngk nhav cxax tas yuôx phax phôngz moz co tâu zôngx ziv./.

 (Đinh Tuấn-Riê Lâux cxeik, nhênhv)

UBND tỉnh Điện Biên nhiv kruôr muôx cuêz tênhv tso tsês 4 dự án đêx tênhv zâu, sâu tâu kinh têr tsơưs tơưv đhâu tsưr ziv huôv tsar tsêr mêir đêx tênhv zâu thiêz tov thơưx sâuv thax tsav. 4 dự án tsêr mêir đêx tênhv trâus tso tsês zos: Dự án tsêr mêir đêx tênhv Chà Nưa 1, 2; Dự án tsêr mêir đêx tênhv Tủa Thàng; Dự án tsêr mêir đêx tênhv Lê Bâu 1. Chor tsêr mêir đêx tênhv no muôx công suất txix 2,5-3,5 MW. Qir tiv tso tsês zos tiv chor tsêr mêir đêx tênhv no uô ruôr hiêv ntâu txos tênhv qơư chiv xênhz thiêz pêx xênhv luz nênhx; dư án muôx công suất zâu, têx sâu tâu đhâu yưv pênhr uô tsơưs; uô phiv liv ntâu txos kinh têr xar hôiv, tênhv qơư; chor ar uô dự án tas ntâu; dự án tsik taz por cxuô kror lok por vêv tênhv qơư, uô phiv liv ntâu txos chor đêx lok trâu hâur tsêr mêir đêx Điện Biên chiê cungz đêx xênhz huôx trâu tas nro thành phố Điện Biên Phủ thiêz iz phênhv huyện Điện Biên./.

(Vũ Lợi-Lik Thox cxêik nhênhv)

Thâuv zuôr luôs 12 six iz tas hmo hnuz 28/9, ntơưv cêik cêr 162 hâur thax tsav jok Pa Kha, xã Lóng Luông, huyện Vân Hồ, tỉnh Sơn La, Đội Cảnh sát qênhz yuôx têx nênhs uô cxâuv chei têz qơưk lol zuôr muôs hax huv, uô luôv zax zênhz, Công an huyện Vân Hồ seiz car đros chor lưv lươngv muôx vax huôv cov luz yêz biển sôr 35C 00481, zos zơưv Nguyễn Văn Đăng, xênhz shông 1991, nhoz ntơưv jok 1, xã Giao An, huyện Giao Thủy, tỉnh Nam Định tsar đrêk, qênhz yuôx shuôs yêz, qênhz yuôx pov sâuv yêz fax thâux têx plaz hnhur tsiêx cxu tsi muôx cxix cxuô têx ntâuz ntơưr uz no cik txos. Đhâu qênhz shuôs, sâuv yêz thâux têx plaz hnhur yis, xav hur si muôx 100 cir tưz tsư lưx, tsư pok tas. Nguyễn Văn Đăng heik pâuz, chor plaz hnhur sâuv zos zuôr ntơưv tỉnh Ninh Bình lok chiê thâux muk TP Điện Biên Phủ muôs zuôr nhiêx, txơưv trâul qênhz pov thiêz ntêk tâu. Lưv lươngv muôx vax huôv tưz uô ntơưr xưv bluô Nguyễn Văn Đăng 5 tsov đeiv nhiêx, iz chas ntơư sâu tsês thiêz muôz hur si têx plaz hnhur ntơư hlơưr por tsês trơưk li chei têz qơưk cui tinhv./.

 (CTV-Riê Lâux cxeik, nhênhv)