Thâuv 7 six 30 phênhz tsâuk ntux hnuz 29/10, ntơưv thax tsav jok Co Tôm, xar Phiêng Khoài, huyện Yên Châu, tỉnh Sơn La, Đônx pênhz phax Chiềng On sik côngv đros phongx phax tar zax zênhz thiêz nênhs phamv cxâuv, Bôv đôiv pênhz phax Sơn La thiêz phongx PC 04, Công an tỉnh Sơn La cxov tâu iz lênhx nênhs nhiês zuôr muôs zax zênhz. Lênhx nênhs trâus cxov zos Chua Xênhv Shôngx, zus shông 1986, nhoz ntơưv jok Phiêng Hỳ, xar Cò Nòi, huyện Mai Sơn, tỉnh Sơn La. Têx sâu tâu zos 2 đêiv zênhz đơưz; 3,5 cir zax zênhz; 1 cir tsơưr paz tsês chiê; 1 traz fov k59 thiêz 7 luz muôk txưr. Đhâu nus, Chua hêik tiêk zuôr chor zax zênhz co ntơưv thax tsav ntus đriv txix iz lênhx txir nênhx mênhx cxưx Hmôngz, xar muôx 38 shông (tsik pâuz bê) chox lok muôs zuôr liv. Đônx pênhz phax Chiềng On đros têx cơ quan cik txos tưz khởi tố txuz án, uô tiêr ntâuz ntơưr thiêz choz zok trâu cơ quan txơưx jênhv tror qênhz yuôx uô cov tsênhz mênhx./.

(VOVTB-Lik Thox cxêik nhênhv)

Têx hnuz no, tsôngv box huyện Mường Tè tsênhv huôk njôngr ntux yar jông chiê zênhx max lêis sâu têx blêx. Lêis sâu txos tưs, fuô kriê lêix thiêz uô ar txos co chiê bax uô chiv tov kaz.

Zơưv Phạm Xuân Diệu-Phưv Tsar Phongx Kôngz nuv thiêz huôv tsar tox siêz huyện Mường Tè heik pâuz, têx luz hlik hâur shôngk shông 2019, hâur thax tsav huyện ntux txơưr txar phiv liv, đêx nas cuôr yôngz ntâu, ntux kruôr gis uô hiêv lox txos têx kôngz hâur huyện, zuôr xar 20 ha liêx blêx trâus kruôr njưk tuôs tas sâu tsi tâu, iz chas ntơư đêx nas cuôr yôngz uô ruôr hiêv tas xar muôx 50 ha blêx khưx phưx tsi tâu thiêz uô puôk tsuôx ntâu côngz trênhx đêx liv, têx cưx đês đêx....uô hiêv tsi tsơưs txos tsôngv box cêr huôv tsar uô nox thiêz luz nênhx. Chiv kôngz nhiv no, huyện Mường Tè zuôr tsêz chos xar muôx 1.900 ha./.

                           (KT-Riê Lâux cxeik, nhênhv)

Nhiv kruôr no, ntơưv xar Trịnh Tường, huyện Bát Xát, tỉnh Lào Cai, Đoanx côngz xưv Ủy Ban mênhx cxưx, zos zơưv Đinh Tiến Hùng, Phưv Chánh văn phongx Điều phối Tsaz yênhx 135 Ủy ban Mênhx cxưx Trung ương uô trưởng đoanx tưz muôx jiês uô hâux lưv đros huyện Bát Xát lok chêx cur uô tsaz yênhx 135 sâuv thax tsav huyện.

Hâur têx shông đhâu, huyện Bát Xát tưz sir jos chox kriê, kriz uô têx dự án hâur tsaz yênhx 135 huv li tsưr ziv, sir zôngv pênhr; tsêx trung uô têx côngz trinhx cêr muk lok hâur jêx jok, tsêr cơưv ntơưr. Têx côngz trinhx uô puôr lênhx uô đros têx hâux lưv cxiv tsa jêx jok yiêz. Hâur 3 shông 2016-2018 tas ro pênhr paz muôx 3.700 tiv đêiv ntâu, kriz uô paz 23.134 ziv chuôz zis pluôs sâuv thax tsav huyện li: Paz mêir phưx vưv uô xênhz yar; zuz nôngz tsoz chos, chuôz zênhx uô xênhz yar; tsiêx tu zus. Côngz trinhx uô txix pênhr 135 zos 127 côngz trinhx: cêr zoz thôngz, tsêr cơưv ntơưr, tsêr vênhx huôv, côngz trinhx đêx liv, côngz trinhx y têr, đêx xênhz huôx…/.

(Báo Lào Cai-Lik Thox cxêik nhênhv)

Nhiv no tiv ntâu qir tiv nhiêk txơưr nhiêk, mak moz trưx phax ziv hnuz ziv muôx ntâu lênhx nênhs trâul moz thiêz riêz nênhs đuô, uô trâu chôngz lênhx ntâu tus tâu cêr cxơưx. Hâur co, hâuk zênhz gaz ntơưr zos iz hâur têx qir tiv chênhr uô muôx têx moz trưx phax thiêz qir tiv uô muôx nhos 90% chor nênhs trâul tuôs viv moz trưx phax njưk. Hâuk zênhz gaz ntơưr tsênhv uô huôv moz ntâu zav trưx phax nhiêk txơưr nhiêk li: Ntơưv chax đaz, hlaz siêz hlaz njưk, hlưz cxa, tsêr tuz, trâuv, jêik jil, plaz...... Txơưv tiêk lênhx tưs cux pâuz lol hâuk zênhz gaz ntơưr têx uô ruôr hiêv, taz sik tsi zos lênhx tiz nênhs tưs cux pâuz tâu cxuô lok têx moz trưx phax tiv hâuk zênhz gaz ntơưr uô muôx yưv, viv hâur têx pa zênhz gaz ntơưr muôx 69 zav tsơưr uô moz trưx phax lok six riêz nênhs./.

(KT-Riê Lâux cxeiv, nhênhv)