Tưz muôx zuôr xar 2 triệu lênhx nênhs cxaz chuôz jiês thik tưr trắc nghiệm sâuv internet nriêr pâuz lok Văn kiện Đại hôiv Đảng bôv tỉnh Lào Cai jiês tiv 16 thiêz Văn kiên Đại hôiv Đảng tas nro Têz qơưk jiês tiv 13. Chor nênhs cxaz chuôz thik đhâu 50 cxênhz tài khoản tâu kriz txix zuk bê thiêz số tênhv. Txos nhiv no, muôx 400 cxênhz ntâu lênhx nênhs têz huv zos tas nro 19 lo luk nus zos Ban tsưr tsix tso tơưv. Thành phố Lào Cai, huyện Bảo Thắng thiêz Bát Xát zos 3 Đảng bộ muôx chor nênhs đăngk cir cxaz chuôz thik tưr, cux xưk li têz zos têx luk nus chôngz tiv zix. Nhiv no, jiês thik tưr tưz tâu uô đhau oz jiês, tsuôk yuôr jiês uô kaz ciês tâu tsưr tsix txix nhiv no txos hnuz 9/4 zuôr txos. Têx khơưk kruôz zuôr tâu muôz trâu hnuz 19/5 zuôr txos no-ndaz ndơưv chiv nhênhv 131 shông hnuz xênhz zus chủ tịch Hồ Chí Minh./.

(An Kiên-Lik Thox cxêik nhênhv)

Ntơưv jiês cơưv ntâuk grê côngz xưv phax tar ntux têz uô ruôr hiêv thiêz zok nriêr chơưv paz lênhx nênhs shông 2020 thiêz fuô uô luôs hâux lưv hâur shông 2021, tas cik hnuz 30/3, zơưv Nguyễn Thành Công, Phưv Chủ tịch Ủy ban tỉnh, Phưv tsar Ban Tthường trực Ban chox kriê phax tar ntux uô hiêv thiêz zok nriêr chơưv paz lênhx nênhs tỉnh Sơn La heik cxuô ngênhx, ntơưv qơư ntâuk grê qơư nhoz truôx tuk trâu tsôngv px; qênhz shuôs têx thax tsav zôngx ziv trâul đêx nas cuôr yôngz, tox xưz poz, đêx ngaz; qênhz yuôx têx côngz trênhx đêx liv, pak đêx tênhv, têx cêr muk lol, tsêr cơưv ntơưr, qơư y tế, têx xor tênhv tênhz, muôx tsưr ziv cxiv kho cov truôx tuk uô ntêx cheix ntux nas chuô..... Thôngz sâu hâur shông 2020 đhâu, têx coz nas chuô lox, no njiv, ntux kênhs....muôx yưv hâur thax tsav tỉnh Sơn La tưz uô tuôs 4 lênhx nênhs, 12 lênhx trâul saz; 9 cxênhz ntâu luz tsêr trâul ruôr hiêv; 5 cxênhz ntâu ha kôngz lôngk đros trâu yênhx puô txox cêr muk lol, côngz trênhx tsêr cơưv ntơưr, qơư y tế, têx xor tênhv..... trâul uô hiêv. Xav hur si têx trâul ntux uô ruôr hiêv ntơư tas muôx nhos 220 tyv đeiv./.

(Thu Thùy-Riê Lâux cxeik, nhênhv)

Nas hmo, sâuv thax tsav tỉnh Lai Châu muôx ntux nas đros chuô ntơưv thành phố Lai Châu thiêz têx huyện Phòng Thổ, Tân Uyên, Tam Đường, Sìn Hồ, xuz thơưx pov muôx vax tsêr trâus puôk tsuôx thiêz uô vâu lor yênhx puô tsoz ntông chiêz sâuv thax tsav huyện Sìn Hồ. Ciês ntơưv huyện Sìn Hồ mak pov muôx 600 ntâu tsoz ntông chiêz tưz chos muôx 20 ntâu shông nhoz ntơưv khu 5, thị trấn Sìn Hồ thiêz pêx xênhv li iz cxiê thax tsav chos cxuô zav tsoz chos trâus lor vâu. Ntux nas chuôz cux uô puôk tsuôx, za trur iz cxiê luz tsêr nhoz thị trấn Sìn Hồ thiêz chor xar iz ndis: Tả Phìn, Sà Dề Phìn, Phăng Xô Lin…Chính quyền cxuô thax tsav qơư tưz chox kriê chor nganhx txơưx jênhv sik côngv đros chor xar, thị trấn qênhz yuôx, nriêr pâuz têx trâus hiêv; thôngx cxix, sir jos yax kriê chiê pêx xênhv pâuz thiêz sir jos phax tar đuô./.

(Khắc Kiên-Lik Thox cxêik nhênhv_

Nhiv kruôr đhâu, ntơưv jok Khe Nhàn, xã Tân Nguyên, huyện Yên Bình, tỉnh Yên Bái muôx iz txuz tuô nênhs tiv muôx cêr siz char siz chês tsi jông siêz hâur chuôz zis. Tsênhv tsênhz, hmo 29/3, thâuv tsênhv heik lul, sik thav, Hoàng Văn Duy, xênhz shông 1989 tưz zôngv triêv tuô Duy li lênhx niêv zos pos Đặng Thị Quý, xênhz shông 1960. Seiz pov muôx têx cuz nxor ntơư, Duy tus cưr zos Hoàng Văn Tuyến, xênhz shông 1991 tưz lok qênhv, cux trâul Duy muôz triêv tuô trâul têk. Tuyến txơưv đhiê muk trâu tov tus zơưv zix tsêr zos Vũ Ngọc Hoàn, xênhz shông 1976 nhoz uô cê côngv iz jok chiê khiêr gâuv, taz sik trâul Duy châuv lơưr kaz. Ntơưv tix lâus Hoàn tsêr, Duy tror zôngv triêv tuô, tsuôr trâul tix lâus Hoàn tâuz hâu, têk thiêz đrâuz kâuv. Uô hur si 3 lênhx nênhs zos pos Quý, Tuyến thiêz tix lâus Hoàn puôr lênhx trâul lok six saz. Txos tas cik hnuz 30/3, Hoàng Văn Duy tưz trâul ntêk cxov thiêz tâu chox muk trâu Công an huyện Yên Bình. Nhiv no txuz nuv co tsênhv tror tâu qênhz yuôx, uô tsênhz mênhx./.

(Đinh Tuấn-Riê Lâux cxeik, nhênhv)