Hli huôx tôngv viv nhuôs zâu shông 2018 nhiv kruôr tâu tỉnh Sơn La hêik kriz uô đros tsênhv njiêz “Viv luz nênhx ngaz tuk, muôx jos trâu nhuôs zâu hâur ntiêx têz công nghệ số”.

Lơưr co, hâur hli huôx tôngv viv nhuôs zâu shông no, tỉnh Sơn La zuôr chox kriê chor lưx lươngv nganhx txơưx jênhv sir jos kriz uô têx tsênhv njiêz: Yax kriê, hêik pâuz pháp luật thiêz yax mông lok por vêv nhuôs zâu lơưr luật nhuôs zâu; zoz zux txux chi, tsưr ziv por vêv nhuôs zâu, tiv zix zos phax tar nto tsiv, uô hiêv txos nhuôs zâu trâu chor uô niêv, uô txir, cưk kriê ntơưr, nênhs tsoz phưz nhuôs zâu pâuz; qênhz shuôk, sâu xor mông lok nhuôs zâu trâus hiêv, nto tsiv, sik côngv nhoz chor cơ quan liên nganhx uô jông côngz xưv phax tar, xưv lik; paz muôx txux chi uô nênhx, chiv chir por vêv zuk trâu shux xênhz hâur tsêr cơưv ntơưr thôngz đhâu chor jiês xênhz huôx ngoại khóa thiêz chor jiês sik tưr…/.

(Thu Thùy-Lik Thox cxêik nhênhv)

Ban Thường vụ Tỉnh Yên Bái nhiv kruôr tso tơưv Công văn số 1223 lok luôs hâux lưv chuôz tsar tiês seiz car hâux lưv tsưr tsix têx đoanx muk ndis shuôs têz qơưk, cơưv shâuv txux chi tsưr ziv uô nuv. Chor cơ quan, taz viv, ntơưv qơư “tsơưs tsưr tsix têx đoanx muk ndis shuôs têz qơưk, so nhoz uô si, cơưv shâuv txux chi tsưr ziv uô nuv...., tsês six hơưv chiê trâu lês uô têx hâux lưv uz no”, chuôz tsar tiês nriêr pâuz têx mông, bax tsưr ziv siz chuôs njiz, sik thav, sik paz chiê taz por truôx tuk thâuv muôx têx đoanx canr bôv đrâuv luôs 2 chas tỉnh tuôx uô côngz xưv, sik cơưv shâuv txux chi tsưr ziv uô hâux lưv ntơưv zuk qơư, taz viv. Heik trâu têx canr bôv, công chức, viên chức, nênhs lox tôngv thâuv muk ndis shuôs têz qơưk uô si tsuv xeir têx taz viv tsưr tsix muk chôngz lênhx, muôx tsơưr lươngv taz por truôx tuk./.

(Đinh Tuấn-Riê Lâux cxeik, nhênhv)

Shông no, tỉnh Điện Biên muôx tsưr ziv chos yiêz 400 hec ta jôngr phax phưv. Taz sik, txơưv nhiv no tưz txos chêi jông chos jôngr, chor tiv phaz hâur tỉnh cux tsênhv kriz uô tsik tâu tâu côngz xưv no, viv tsik tâu muôx pênhr chiê kriz uô. Lơưr zơưv hà Lương Hồng, Chi cục trưởng chi cục jôngr nuv tỉnh Điện Biên: txix iz đraz hli 5 txos kaz hli 7 zos six hơưv jông chiê chos jôngr. Chor tiv phaz cux tưz sir jos hêik pêx xênhv cxaz chuôz chos jôngr, bax qơư, zuz ntông thiêz tsưr tsix uô lơưr tsưr ziv tâu choz zok. Taz sik, txos nhiv no tưz tas hli 5, taz sik chor tiv phaz cux tsênhv tsik tâu muôx pênhr chiê kriz uô.

Zos tiêk nhiêx txiêx muôz kênhz, mak tỉnh li hâux lưv chos jôngr shông no zuôr lax uô tiêr li tsưr ziv./.

(Vũ Lợi-Lik Thox cxêik nhênhv)

Tỉnh Lai Châu nhiv no cux tsênhv yuôr yênhx puô chuôz zis tsôngv box uô nênhx nhoz hâur thax tsav riêz nênhs, zôngx ziv muôx tox xưz poz, đêx nas cuôr yôngz thiêz tsuv tâu yêik txar muk nhoz trâu qơư truôx tuk. Têx chuôz zis heik co phênhv ntâu zos nhoz trâu têx huyện Sìn Hồ, Phong thổ, Nậm Nhùn thiêz Mường Tè; hâur co, Mường Tè ntâu đuô hur si; muôx 200 chuôz zis, zuôr xar iz cxênhz lênhx nênhs. Zơưv Hà Văn Um, Giám đốc Sở Kôngz nuv thiêz huôv tsar tox siêz tỉnh Lai Châu, Phưv Ban seiz car ntux uô ruôr hiêv thiêz zok nriêr chơưv paz lênhx nênhs tỉnh heik pâuz:

“Shông uô ntêx pêz tưz phênhv ntâu phênhz tas têx chuôz zis nhoz thax tsav zôngx ziv muôx tox xưz poz ntơư muk nhoz qơư taz por. Taz sik, nhiv no cux tsênhv yuôr iz cxiê thax tsav qơư muôx nzir têx li heik co, tsênhv nhoz hâur thax tsav zôngx ziv muôx tox xưz poz, pêz cux tsênhv chêx tsôngk chox kriê cxuô huyện cov zênhx max qênhz shuôs qơư trâu têx chuô zis ntơư yêik txar muk nhoz. Têx qơư zôngx ziv muôx tox xưz poz nhiv no, tỉnh cux tưz chox kriê cxuô huyện tror heik têx chuôz zis ntơư cov yêik txar muk nhoz  têx qơư truôx tuk”./.

(Khắc Kiên-Riê Lâux cxeik, nhênhv)