Qơư seiz jor ndâux cêr lênhx ngênhx phax tar moz Covid-19 ntơưv huyện Vân Hồ, tỉnh Sơn La nhiv kruôr qênhz pov 4 lênhx tâu lênhx nênhs tsar yêz jêik trâu hâur thôngz yêz lox thâux txix Hải Dương lok Sơn La.

Thâuv muôx nhos 6 six tas cik hnuz 30/5, lênhx tsar yêz Nguyễn Văn Thường, xênhz shông 1976, nhoz ntơưv huyện Tiên Lữ, tỉnh Hưng Yên tsar luz yêz muôx biển sôr 89H-000.14 tưz jêik 4 lênhx nênhs hâur thôngz yêz lox thiêz thâux txix Hải Dương lok huyện Sông Mã, tỉnh Sơn La. Thâuv txos qơư seiz jor ndâux cêr lênhx ngênhx phax tar moz Covid-19 huyện Vân Hồ, tỉnh Sơn La tưz trâul chor lưv lươngv muôx vax huôv qênhz pov thiêz xưv bluô trơưk li chei têz qơưk cui tinhv.

Tỉnh Sơn La tsênhv uô lơưr cui tinhv tax nduô tsês tsi khênhr têx yêz lox thâux xa kruô muk lol trâu luôs 2 chas tỉnh, hâur co muôx TP Hà Nội thiêz Hưng Yên. Têx mak lênhx tsar yêz Nguyễn Văn Thường cxoz txưv uô cxâuv cui tinhv lok phax tar moz ntơư tưz uô trâu ntâu lênhx chôngz tus heik tsi jông siêz, tsuv muôz tik cêr cxâuv cov txos qơư./.

 (Trấn Long-Riê Lâux cxeik, nhênhv)

Ntơưv thax tsav cêv kuôk chêx chôngk tỉnh Lào Cai tso ntơưv Tsêr cơưv Quân sự tỉnh zos Trung đoàn 254 coar lik, xav txos nhiv no tưz muôx zuôr xar 100 lênhx nênhs tâu chox tuôx cêv kuôk, zos tsôngv box uô công nhân cxôngx têx thax tsav công nghiệp nhoz Bắc Ninh, Bắc Giang tror lok. Têx lênhx nênhs no tâu qênhz pov thôngz đhâu cxix luôk heik kriê y tế, xor mông ntơưv têx qơư seiz car moz; đhâu thôngz xor mông hâur têx sở, gnanhx, tiv phaz tỉnh Lào Cai thiêz Bắc Ninh, Bắc Giang. Tas nro têx lênhx nênhs trâus cêv kuôk chêx chôngk puôr lênhx tâu njuôs siv lơưr cui tênhv.

Zơưv Trịnh Xuân Trường- Chủ tịch UB tỉnh chox kriê têx tiv phaz yax mông, vênhv tôngv chuôz zis, lênhx nênhs cxênhz jê zos nênhs lox tôngv tsuv tso siêz nhoz ntơưv qơư uô jông tsưr ziv phax tar moz nhoz têx doanh nghiệp txos thâuv tir tar tâu moz mav tror lok tsêr. Zos tror lok tiv phaz mak tsuv njuôs siv moz thiêz cêv kuôk chêx chôngk txâuk 21 hnuz./.

(An Kiên-Txâur Vax cxeik nhênhv)

Zênhx Pênhz phax Si Pha Phìn hux jos đros Phongx phax tar zax zênhz thiêz têx nênhs fêv uô cxâuv chei têz qơưk, Bôv đôiv Pênhz phax tỉnh Điện Biên thiêz Công an huyện Nậm Pồ, tỉnh Điện Biên nhiv kruôr ntêk tâu 3 lênhx nênhs zuôr muôs, uô luôv zax zênhz, muôx nhos 2.058 njiêr yuôx shơư zênhz, 100 ntâu gram zênhz đuz, 10 gram zênhz đơưz thiêz iz cxiê zav chuôz zênhx txơưr đuô cik txos. Đhâu qênhz nus, 2 lênhx nênhs krêz lênhk tiêk zos Lò Văn Thâng, xênhz shông 1991 thiêz Lò Văn Hùng, xênhz shông 1996, hur si Thâng thiêz Hùng gơưk puôr lênhx nhoz ntơưv thị trấn Tủa Chùa, huyện Tủa Chùa, tỉnh Điện Biên. Đhâu nus thiêz qênhz yuôx nzir, Zênhx Pênhz phax Si Pha Phìn tso tơưv chei qênhz yuôx zênhx max qơư nhoz thiêz ntêk Sần Seo Sấn, xênhz shông 1994, nhoz ntơưv jok Pháng Chủ, xã Phìn Hồ, huyện Nậm Pồ, tỉnh Điện Biên. Têx chuôz zênhx sâu tâu ntơưv Sấn tsêr zos 3 gram zênhz đuz, Sần Seo Sấn zos lênhx côngv nhiêx, kriê cêr trâu Thâng thiêz Hùng muk trâu đriv têz chiê zuôr zax zênhz lok zôngv thiêz siz pheiz muôs zuôr nhiêx.

Nhiv no txuz nuv co tsênhv tâu Zênhx Pênhz phax Si Pha Phìn tror uô tiêr têx ntâuz ntơưr chiê muôz tik cêr cxâuv trơưk đreiv li chei têz qơưk cui tinhv./.

                (Vũ Lợi-Riê Lâux cxeik, nhênhv)

Đros tsưr ziv chuôz tsar chính sách paz txưv, hlôngr yiêz đuô têx thax tsav chos yuôx zêx reik đros công nghiệp tsiv uô, tỉnh Yên Bái tsênhv sir jos hôx phưx tsoz yuôx zêx yênhx 1 hâur 10 tsoz chos tsênhv hâur ntu zuôr txos. Nhiv no, tỉnh muôx 2 cxênhz 290 hecta ntâu yuôx zêx Shan Tuyết thiêz tiv zix, thax tsav chos yuôx zêx Shan Tuyết ntơưv xã Suối Giàng huyện Văn Chấn muôx txos 400 tsoz yuôx zêx lâuk tâu Hội por vêv thiên nhiên thiêz tênhx qơư VN côngz jênhv zos tsoz di sản Việt Nam. Đrâuv co, yuôr muôx nhos 40 cxênhz tsoz yuôx zêx lâuk tuôx yênhx jôngr sâuv têx tox trôngz siêz, tưz muôx 100 shông hnuz nhôngs ndê muk./.

(DTMN-Txâur Vax cxeik nhênhv)