Têik cik 30/8, Đoàn côngz xưv hôiv đôngx mênhx cxưx Côx hôiv zos zơưv Hà Ngọc Chiến, Chủ tịch Hôiv đôngx mênhx cxưx Côx hôiv uô trưởng đoàn tưz muôx jiês uô hâux lưv đros lênhx tov tỉnh Lào Cai lok chêx cur uô lơưr cêr chêi choz zok ar, zok jôngr trâu côngv thôngx thiêz ziv chuôz zis mênhx cxưx tsơưs nênhs, tox siêz sâuv thax tsav tỉnh Lào Cai ntu 2006-2016. Txix đhâu muôx cêr chêi por vêv thiêz huôv tsar jôngr shông 2004 thiêz têx ntâuz ntơưr chox kriê txix Trung ương, tỉnh li chor cuiz tênhv lok uô ntâuz ntơưr choz zok ar, zok jôngr, muôz ntiêr jôngr đros choz zok ar, muôz ntiêr ar jôngr nuv trâu chor tsưr tsix, tiz nênhs, ziv chuôz zis thiêz côngv thôngx pêx xênhv đros cuiz tênhv lok gri cxuô zav jôngr sâuv thax tsav tỉnh Lào Cai tâu tso tơưv; tỉnh li tsưr ziv choz zok jôngr, muôz ntiêr jôngr ntu 2011-2015 cux tâu tso tơưv thiêz kriz uô đêz đar./.

(An Kiên-Lik Thox cxêik nhênhv)

Ntênhs thik đê yuôx zêx tâu huyện Tam Đường đros công ty cổ phần yưv pênhr huôv tsar yuôx zêx Tam Đường tsưr tsix tas cik hnuz 30/8 ntơưv xã Bản Bo, huyện Tam Đường, tỉnh Lai Châu. 16 lênhx nênhs tuôx cxôngx xã Bản Bo, huyện Tam Đường cxaz chuôz thik đê yuôx zêx. Hâur six hơưv 30 phênhz, têx lênhx nênhs no tsuv đê sei thiêz tax ploz tsênhr, tsuôk tâu đê hâur zus hax, zôngv tês tsi zôngv triêv, meir đê. Ban giám khảo zuôr tso điểm chiê ntâus grê. Jiês thik chiê heik tơưv lênhx nôngx mênhx li siêz gruôs thiêz txơưx njê thôngx cxix heik kriê xiv huv yuôx zêx hur Tam Đường txos tsôngv kruôr hâur thiêz đrâuv tỉnh./.

(KT- Txâur Vax cxeik nhênhv)

Lơưr Ban sêiz car phax tar ntux têz uô hiêv-zok nriêr chơưv paz tỉnh Yên Bái, txos thâuv 6 six zuôr tsâuk ntux hnuz 30/8, ntux nas đêx ngaz cuôr tiv coz chuô số 7 tưz uô iz lênhx nênhs tuôs thiêz pêx xênhv li ntâu zav trâus ruôr hiêv.

Tsênhv tsênhz: xar muôx 10 six iz tas hmo 29/8, nhuôs Triệu Quý Thắng, zus shông 2007, zos shux xêhz lớp 5 nhoz xã Xuân tầm, huyện Văn yên tưz trâus đêx cuôr yôngz thiêz trâus tuôs. Ntux nas lox cux uô iz luz tsêr trâus vâu, 6 luz tsêr trâus puôk tsuôx txix 30 txos 50% nhoz chor huyện Văn Yên, Yên Bình. Nja vax thêir ciêz Xuân Long (huyện Yên Bình) trâus poz vâu muôx 20 thiêr. Đhâu ciês thâuv muôx yưv trâus hiêv, chor tiv phaz tưz sir jos khưx phưx. Chính quyền tiv phaz thiêz Ban sêiz car phax tar ntux têz uô hiêv-zok nriêr chơưv paz cxuô cấp cux sêiz nus, paz trâu chor ziv chuôz zis trâus hiêv./.

(Thừa Xuân-Lik Thox cxêik nhênhv)

Phòng phax tar nênhs phamv cxâuv zax zênhz, Bộ đội pênhz phax tỉnh Điện Biên nhiv kruôr đros bộ đội pênhz phax tỉnh Lào Cai thiêz zênhx pênhz phax Thanh Luông ruôv yênhx côngz chuyên án 020LT, ntês tâu 3 lênhx nênhs muôv muôs, thâux gra zax zênhz. Ciês thâuv pov, tuêv côngz xưv tưz qênhz yuôx, pov muôx 2 hnaz muôx 1 poz zênhz đơưz, 1.600 njiêr zax zênhz. Đrâuv co tsênhv sâu tâu 2 traz fov, 3 luz điện thoại. Ntơuv chiz coaz qênhz yuôx, 3 lênhx nênhs xav tênhv zos cưr tix muôk nus hâur iz chuôz zis, nhoz tuêv 10, xã Thanh Hưng, huyện Điện Biên, tỉnh Điện Biên. Qir thơưx têx lênhx nênhs jênhv zuôr chor zax zênhz co cxôngx iz lênhx nênhs Lào ntơưv ntus đriv chox mul muôs thiêz txơưv trâus ntês cxov tâu./.

(Vũ Lợi- Txâur Vax cxeik nhênhv)