Ntux nas lox trâu cxiê qơư tưz uô ruôr hiêv tas ntâu trâu têx huyện li: Mai Sơn, Yên Châu, Mộc Châu, Vân Hồ, Mường La, Quỳnh Nhai hâur tỉnh Sơn la. Hâur hnuz 30/8, phênhv ntâu têx cêr mul lok hâur thax tsav tỉnh chuôs li puôr lênhx mul lok tsi tâu đhâu. Cux đhâu coz nas lox lok ntêr hâur hmo 30/8, sâuv txox cêr lox sôr 6 tưz muôx yênhx châuv kror qơư trâus xưz poz thiêz đêx ngaz, muôx kênh ntu ngaz toz xar 2 thiêr, yênhx châuv qơư trâus xưz poz lox, ntâu lênhx nênhs trâul khuôz đeis muk tsi tâu đhâu.

Ntơưv huyện Mai Sơn, ntux nas lox hâur ntâu six hơưv uô têx đêx ntơưv tuk đêx Nậm Pàn huôv lox, uô đêx ngaz tas ntâu thax tsav tsôngv box nhoz trơưk 2 saz ntus đêx. Ntơưv TP Sơn La ntux nas lox lok tsi tu hlo tưz uô lok six ntâu thax tsav tsôngv box nhoz, têx cêr mul lok hâur TP Sơn La trâus ngaz. Ntâu suôv qơư, đêx tưz ngaz tas têx ntus cêr ntưk lol trâu hâur tsôngv box têx vax tsêr. Yênh puô chuôz zis tưz sơưr iz hmo chiê yêik txar têx chuôz zênhx chuôz tas thiêz chox lênhx nênhs muk nhoz trâu têx qơư truôx tuk. Txos 7 six tas cik hnuz 31/8 no, ntux tưz tu nas, đêx cux  grik jux juk taz sik ntâu thax tsav qơư đêx cux tsênhv ngaz lox, ntâu suôv qơư tsênhv muôx ar, poz jêz nhoz chuôs tsi ntơưv têx gok njuôr, uô hiêv txos têx yêz mul lok tâus cêr, lar heik zos thâuv six hơưv sđ tsênhv taz tov mul lok uô hâux lưv. Thiêz iz cxiê tsêr cơưv tưz tso shux xênhz so ntơưr chiê taz por truôx tuk.

Trơưk li njuôk xav, hâur thax tsav tỉnh Sơn La ntux tsênhv zuôr tror lok nas txos tas hnuz 31/8. Chênhr viv li, thâuv mul lok tâus cêr sâuv têx cêr, cxuô lênhx sđ tsuv tiz jông seiz, chênhr phax lok têx riêz nênhs muôx têx muôx yưv. Lar heik, thâuv muk đhâu têx qơư muôx tox xưz poz, têx lênhx tsar yêz tsuv tiz jông seiz shuôs thiêz tso yêz max mav muk, chênhr phax tsav muôx têx tsi jông yưv siv./.

(Thu Thùy-Trấn long-Riê Lâux cxeik, nhênhv)

Lol nas ntêr hâur têx hnuz đhâu, sâuv thax tsav tỉnh Điện Biên trâus ruôr hiêv hnhar lok kôngz nuv, cêr zaoz thôngz, têx côngz tsinhx đêx liv, côngz tsinhx têz qơưk yưv pênhr txơưr...Lơưr Ban chỉ huiz phax tar ntux nas thiêz nriêr chơưv nanv tỉnh Điện Biên, txos six hơưv no tsi tâu sâuv jênhv ruôr hiêv tưs lok lênhx nênhs, taz sik lok chuôz zênhx chuôz tas mak ndê txos 120 tỷ đeiv, lok six ntâu đros thiêz iz tỉnh pluôs li Điện Biên. ZƠưv Lò Văn Tiến, Phưv chủ tịch UB tỉnh Điện Biên puz pâuz:

“Lok tỉnh li côngz xưv chox kriê, nhiv no Ban chỉ huiz tỉnh tsênhv chêx chôngk chox kriê têx lênhx nênhs hâur Ban chox kriê mul têx thax tsav huyện chiê chox kriê khưx phưx têx trâus ruôr hiêv. Uô ntêx zuôr chêx chôngk krêz thôngz têx cêr mul lol. Đros co paz txưv tsôngv box nzor ngaz tul luz nênhx”./.

(Vũ Lợi- Txâur Vax cxeik nhênhv)

Ntơưv tỉnh Yên Bái, ntux nas lox tưz uô đêx cuôr yôngz nhoz Ngòi Thia, xã Thạch Lương, huyện Văn Chấn uô iz lênhx nênhs trâul tuôs zol pos Lò Thị Lặn, xênhz shông 1974, nhoz ntơưv jok Nà Ban, xã Thạch Lương tiv trâus đêx nas cuôr yôngz thâuv tsênhv muk shuôs têx blêx lok txos tos cêr.

Ciês hâur tas cik hnuz 31/8, ban seiz car phax tar ntux uô hiêv-Zok nriêr chơưv paz lênhx nênhs huyện Văn Chấn cux tưz tsuv yêik txar zênhx max 78 chuôz zis tsôngv box nhoz qơư riêz nênhs, zôngx ziv muôx tox xưz poz muk nhoz qơư truôx tuk. Nhiv no, hâur thax tsav tỉnh Yên Bái thiêz têx suôv qơư hâur thax tsav Tây Bắc, ntux cux tsênhv taz tov lok nas lox. Ban seiz car phax tar ntux uô hiêv-zok nriêr chơưv paz lênhx nênhs cxuô thax tsav qơư cux tsênhv sir jos chox kriê fuô uô têx faz tsưr ziv phax tir thêir, chiê txo grêk tsơưs yax têx tsi jông tiv đêx nas uô hiêv./.

(TTB-Riê Lâux cxeik, nhênhv)

Zar hnuz keix hnuz 30/8, Sở zaoz zux thiêz thox cxiv tỉnh Lai Châu tsưr tsix Phêv ziv ntâus grê 2 shông uô đề án muôz siêz tsơưr lươngv zaoz zux thax tsav txov nhêv tiv zix ntu 2016-2020.

Đhâu 2 shông uô Nghị quyết 34, tsôngv box, têx canr bộ coar lik zaoz zux thiêz cưk kriê li jênhv pâuz lok muôz siêz tsơưr lươngv zaoz zux thax tsav txov nhêv tiv zix tâu muôz siêz, muôx têx siêz xar jông: zaoz zux ndar txos chêx cuk; shux xênhz, nênhs cơưv zos tsênhv qơư; kriê ntơưr tsuv kriê ciês tsưr ziv uô nênhx jông trâu nênhs cơưv. Nganhx zaoz zux thiêz thox cxov tỉnh li Côngz xưv coar lik thiêz chox kriê jux jus tâu muôz siêz, tâu uô jông đuô. Têx cấp ủy coar lik zaoz zux pov tsênhz côngz xưv heik kriê, tiv zix zos côngz xưv cxiv tsa tsưr ziv, tsưr tsix uô têx jênhv vưv, tsưr ziv chiê muôz siêz tsơưr lươngv huôx tôngv chuyên môn, nghiệp vụ thiêz tsưr tsix tsoz phưz mê nhuôs shux xênhz cơưv bán trú li kror coaz tsôngv./.

(KT- Txâur Vax cxeik nhênhv)