Muôx njiêz luk “Ciêv fix Văn Yên-siêz xar njôngr cov huôv tsar đêz đar”, Ntênhk hội ciêv fix Văn Yên jiês tiv II, zuôr tâu kriz uô trâu hnuz 11-12/10/2019 trâu ntơưv huyện Văn Yên, tỉnh Yên Bái, chiê hêik kriê cxuô zav hax huv uô txix ciêv fix Văn Yên trâu tsôngv kruô hâur pêz têz qơưs thiêz oz chas têz qơưs pâuz txos. Ntênhk hội Văn Yên shông no, muôx ntâu njiêz luk li: Kriz ciêz rêik đuôz muôx njiêz luk “Ar thiêz lênhx nênhs Văn Yên” đros trâu nthuôr uô cêr lov jêv li “Têx nxêik joong gâux nhoz thax tsav chos ciêv fix tưr sênhr chêr”, kriz ciêz muôs cxuô zav hax huv…thiêz muôx chôngz lênhx kruô tuôx ndis shuôk thax tsav qơư nto bê hâur thax tsav huyện Văn Yên li: Qơư tsêr mnov Đông Cuông, Tsêr mnov Đại An, trôngz jôngr ciêv fix Đại Sơn…thiêz tsôngv kruô cux tsênhv tâu sêiz hêir nênhs cho ntênhk txi côngv hloz lox tiêr nênhx, ntênhk hội thor ntux yar ntux nas…./.

                  (Tsu vưx cxêik nhênh-Khắc Kiên)

Yênhx cxênhz doanh nghiệp tsênhv huôx tôngv ntơưv tỉnh Lào Cai nhiv kruôr tâu heik txos zos têx doanh nghiệp tsi gôngr cuiv phax tar ntux nas nhoz tiv phaz hâur iz ntu ntêr. Đrâuv heik txos têx doanh nghiệp no, bê têx doanh nghiệp no tsênhv tâu xa txos chinhr quyênx têx huyện, thành phố, chiz coaz coar lik nganhx, vênhv thix, têx hiệp hội doanh nghiệp, doanh nhân hâur tỉnh chiê cxaz chuôz cxơưz cxiz, heik lơưr gôngr cuiv; thôngx cxix heik tơưv bê tsênhz mênhx sâuv têx phaz pênhv thôngz xor mông. Xav txos nhiv no, txơưv tưz zuôr xar txos kaz shôngk shông, taz sik nhiv kruôr muôx 18 sâuv 1 cxênhz 30 doanh nghiệp nhoz Lào Cai uô tiêr hâux lưv gôngr cuiv phax tar ntux nas shông 2019, tax 2% tsưr ziv sâu zos 19 tỷ đeiv. Hâur 1 cxênhz ntâu doanh nghiệp tsi tâu gôgnrr cuiv, muôx nhos 600 doanh nghiệp tsênhv tưz 3 shông tsi tâu gôngr./.

(An Kiên- Txâur Vax cxeik nhênhv)

Đhâu tu txuz zuôr muôs 33 đêiv zênhz đơưz, Toà an tỉnh Sơn La tưz tu 3 lênhx nênhs trâus tuô por tsês, 2 lênhx trâus tik cêr cxâuv tax tas siv nênhx. 3 lênhx nênhs trâus tu tuô por tsês ntơư zos Hà Văn Thành, xênhz shông 1981; Lò Thị Lập, xênhz shông 1974; Hà Thị Thanh, xênhz shông 1978, puôr lênhx nhoz uô cê ntơưv huyện Mộc Châu, tỉnh Sơn La. Oz lênhx trâus tik cêr cxâuv tax tas siv nênhx zos Hoàng Văn Hùng, xênhz shông 1996; Nguyễn Văn Hiếu, xênhz shông 1976 puôr lênhx nhoz uô cê ntơưv huyện Mộc Châu, tỉnh Sơn La. Đros ntơư, Toà án tsênhv tik cêr cxâuv trâu Bùi Minh Quang, xênhz shông 2001, nhoz huyện Mộc Châu, trâus tik nhoz cêr cxâuv 18 shông. Iz chas ntơư, yuôr Trần Phương Lan nhoz trâu Hà Nội tsênhv khiêr gâuv zok nriêr tsik tâu tâu./.

                                  (Tsu vưx cxêik nhênh-Khắc Kiên)

Ntơưv ceik cêr 78+250 niêv cêr 279, ntu nhoz jos 9, phường Nam Thanh, đrôngs Điện Biên Phủ, tỉnh Điện Biên nhiv kruôr muôx yưv iz txuz txiêz nanv, iz luz yêz teiv thiêz yêz meir siz đrâuk uô tuôs iz lênhx nênhs. Lơưr co, luz yêz meir Honda Dream zos niêv lâuk Lê Thị Lương xênhz shông 1987 nhoz xã Thanh Chăn, huyện Điện Biên tsar mul cxôngx huyện Điện Biên muk niêv đrôngs Điện Biên Phủ. Txos ntơưv qơư heik sâuv mak trâus nanv, txuz txiêz nanv uô niêv lâuk Lương tuôs ciês ntơưv qơư. Lơưr tsôngv box nhoz co pov mak, thâuv tsar yêz meir lêv cxôngx niêv cêr 279 mul xã Thanh Chăn, niêv lâuk Lương ntos yêz thiêz thâuv co môngr tsi jông yêz teiv txơưv tuôx txos co thiêz luôv đhâu niêv lâuk Lương, uô niêv lâuk tuôs. Nhiv no hâux lưv no tsênhv tror tâu chiz coaz muôx txơưx jênhv ciêr chênhr qênhz yuôx uô tsênhz mênhx./.

(Vũ Lợi-Txâur Vax cxeik nhênhv)