Cêr coangz siv nhoz Bộ đội pênhz phax tỉnh Lào Cai đros chi đội pênhz phax Châu Hồng Hà (Vân Nam-Trung Quốc) tưz ndê trâu iz thênhv siêz đuô, thôngz đhâu jiês sik côngv thôngx ziv nhoz 8 Đônx pênhz phax sâuv thax tsav Lào Cai đros 11 Đônx, Trạm công an pênhz phax Trung Quốc, nhiv kruor tsưr tsix ntơưv Lào Cai. No cux zos jiês xuz thơưx ciês sâuv ntus đriv oz têz qơưk Việt-Trung muôx jiês cir jênhv nhoz Đônx-trạm lox tiv zix, ntâu taz viv cxaz chuôz txix thâuv ntêx txos nhiv no. hâux lưv cir jênhv chiê uô truôx đuô cêr sik côngv siêz, thôngx ziv, huôv tsar kinh tế-xã hội, cxiv tsa ntus đriv hux fênhx, truôx tuk thiêz huôv tsar./.

(An Kiên-Lik Thox cxêik nhênhv)

         UB tỉnh Yên Bái nhiv kruôr muôx cuiz tênhv thôngx ziv trâu UB têx huyện Trạm Tấu, Văn Chấn thiêz thị xã Nghĩa Lộ tâu krêz uô 14 dưv ar ( côngz tsinhx) sir zôngv ar shông 2017 chiê cxiv tsa têx qơư nhoz yiêz trâu têx ziv chuôz zis trâus ruôr hiêv tiv ntux nas, đêx cuôr yôngz, tox poz sâuv thax tsav tỉnh hâur jiês ntux nas hli 10/2017, đros tas nro mênhv chêx zos 14,46 hecta. Lơưr thôngz sâu, shông 2017, tỉnh Yên bái muôx 21 jiês ntux nas ruôr hiêv, hâur co muôx 10 jiês lol nas lox, uô đêx ngaz thiêz cuôr yôngz; 5 coz khâur jênhs chuô, 2 coz nas lox uô tox poz. Ruôr hiêv 3.600 luz tsêr, poz vâu thiêz trâus đêx cuôr yôngz 168 luz tsêr. Tỉnh Yên Bái trâus ruôr hiêv hnhar lok kôngz lôngk, têx côngz tsinhx li tsêr cơưv ntơưr, cêr zaoz thôngz, tênhv tênhz...njuôs xav nhiêx txiêx pôngz 1 cxênhz 855 tỷ đeiv, chêx chôngk nhoz 3 huyện Mù Cang Chải, Trạm Tấu thiêz Văn Chấn./.

(KT- Txâur Vax cxeik nhênhv)

        Txos nhiv no, tas nro tỉnh Sơn La muôx 100% xã, phường, thị trấn muôx tênhv tênhz têz qơưk, hâur co chor jêx jok muôx tênhv tênhz têz qơưk zuôr xar 3.000 jêx jok, tax tâu muôx 88% ntâu.

Đros tsưr ziv viv pêx xênhv li thôngx siêz, Tổng công ty tênhv jos faz Bắc tưz yênhx lix xí ngiệp dịch vụ tênhv jos Sơn La thiêz choz trâu công ty tênhv jos Sơn La sêiz car, hâur co tưz bax cxuô tsar tov jông tiv zix chiê cungz trâu nênhs sir zôngv dịch vụ kho tênhv 24/7, piz uô txix hnuz 1/1/2018 chiê phưx vưv jông tiv zix trâu tsôngv kruô zoz qơưx. Zơưv Nguyễn Duy Tuệ, phưv gám đốc xí nghiệp dịch vụ, công ty tênhv jos Sơn La puz pâuz:

“Đhâu tsaz yênhx no mak nganhx tênhv paz trâu tsôngv kruô tiv iz zos tâu sir zôngv nganhx li dịch vụ jông tiv zix, tiv oz zos ngaz tuk hâur sir zôngv tênhv, tiv pêz zos tsơưr lươngv tênhv tâu gra siêz đuô”./.

(Hoàng Long-Lik thox cxêik nhênhv)

          Chiê uô muôx chêx cur phax tar muôl muôs hax huv chuôr, tsik zos chêi đhâu ntus đriv, tiv zix zos thâuv jê tsiêz no, Ban chox kriê 389 phax tar muôl muôs hax huv chuôr, tsik taz por tsơưr lươngv tỉnh Điện Biên tưz hêik chor sở, ngành thành viên sir jos uô sêiz car hax huv đhâu ntus đriv, hâur co tsov cưv txos côngz xưv qênhz yuôx ntơưv chor trôngx đriv sâuv thax tsav. Thượng úy Nguyễn Tài Đô, phưv trạm trưởng, trạm qênhz yuôx trôngx đriv ntiêx têz Tây Trang, Bộ đội pênhz phax tỉnh Điện Biên hêik:

“Six hơưv jê tsiêz, lênhx nênhs thiêz hax huv muk lok đhâu ntus đriv lok six ntâu thiêz phiv liv. Viv li chor nênhs fêv tsik so liv zôngv kror no chiê gra hax huv li fov ntơưr thiêz têx zav li zax zênhz lok đhâu ntus đriv ntâu. Pêz tsuv tsik so tso nênhs sêiz jor, qênhz yuôx thax tsav ntus đriv cov truôx jông chiê tuôr truôx tâu ngaz tuk thax tsav ntus đriv”./.

(Vũ Lợi-Txâur Vax cxêik nhênhv)