Zơưv Nông Xuân Hùng, Cục tsar Cục nhiêx sê Yên Bái puz pâuz, tỉnh li tas nro phênhv sâu shông 2018 tax 2 cxênhz 909 tỷ đeiv; hla đhâu 31% tỉnh li njuôs xav thiêz chuôz ndê 16% pir đros tsêz no. Shông no, tỉnh Yên Bái sir jos sâuv tâu 3 cxênhz 150 tỷ đeiv ntâu:

“ Nganhx nhiêx sê tưz tso tơưv têx tsưr ziv tsênhz mênhx, co zos heik trâu cấp ủy, chinhr quyênx njuôs pov, ntâus grê, heik kriê têx phênhv sâu sâuv thax tsav tsênhz mênhx. Cxơưz tiês côngz xưv seiz car, qênhz yuôx têx doanh nghiệp cux xưk li lênhx nênhs li hâux lưv khiêz nhiêx sê sâuv thax tsav. Nriêr têx phênhv sâu yiêz, sik thav đros doanh nghiệp, cxôngx co paz doanh nghiệp uô jông đuô hâux lưv khiêz nhiêx txiêx têz qơưk hâur shông”./.

(Thừa Xuân- Txâur Vax cxeik nhênhv)

Suôv câuv shông 2018, tas nro phênhv sâu nhiêx txiêx têz qơưk tỉnh Lào Cai tax tâu 8.368 tiv đêiv, siêz tiv zix txix thâuv ntêx txos nhiv no.

Pir li njuôk xav Hội đôngx tỉnh choz zok, kror co tưz ntâu đuô 7%. Phênhv sâu ntâu zos txix muôl muôs tơưv saz đrâuv têz qơưk thiêz têx phênhv sâu đrâuv quốc doanh. Hâur iz shông kinh têr njiz ntâu phiv liv, ciêz đrôngs đêx ar tsik muôx ntâu, mak chêx cur no tâu njuôk xav zos kror jông.

Xav txix shông 2016 txos nhiv no, Lào Cai li phênhv chuôz ndê sâu nhiêx têz qơưk yênhx shông tâu muôx 16% ntâu. Hâur shông 2019, lơưr Đại hôiv Đảng bộ tỉnh Lào Cai shông 2015 li tsưr ziv, Lào Cai têx nhiêx sâu trâu nhiêx txiêx têz qơưk tsuv tâu muôx 9.000 tiv đêiv./.

(An Kiên-Lik Thox cxêik nhênhv)

10 hnuz ntâu đhâu, sâuv thax tsav xã Thanh Chăn, huyện Điện Biên, tỉnh Điện Biên pov muôx ntâu buô tuôs njuôs xav zos tiv moz tơưv ndâux hlê trâu. Kror tsuv cxơưx zos tsôngv box, Chinhr quyênx thiêz nganhx muox txơưx jênhv tsi tâu tsov cưv txos hâux lưv xav tênhv moz, krêz uô têx côngz xưv phax tar moz tưz uô chor buô trâus moz thiêz tuôs chuôz ndê. Zơưv Đỗ Thái Mỹ, Chi cục tsar Chi cục Thú y tỉnh Điện Biên puz pâuz:

“ Hâux lưv tsôngv box kênhz pov cov chiê moz siz cik sei uô hâux lưv kho moz tơưv ndâux hlê trâu ziv lax uô đuô. Chênhr viv li ziv tsês ntêr, ziv siz cik đar. No zos hâux lưv tsuv hlôngr yiêz hâur six hơưv zuôr txos đros hâux lưv tu zus”./.

( Vũ Lợi- Txâur Vax cxeik nhênhv)

Zar hnuz kêix 2/1, ntơưv qơư tsar đrêk yêz Văn La nhoz tổ 6, phường Phú La, quận Hà Đông, thành phố Hà Nội, Công an huyện Sông Mã sik côngv đros Công an huyện Sốp Cộp, phongx kỹ thuật nghiệp vụ Cônga an tỉnh Sơn La; Cục kỹ thuật nghiệp vụ Bôv Công an, Công an phường Phú La, quận Hà Đông thiêz phongx Cảnh sát qênhz yuôx nênhs phamv cxâuv lok zax zênhz Công an thành phố Hà Nội cxov tâu 3 lênhx nênhs phamv cxâuv thâux gra tsik zos chêix tsơưr zax zênhz.

Nênhs trâus cxov zos Dương Văn Tuấn, zus shông 1985, nhoz ntơưv phường Đồng Kỵ, thị xar Từ Sơn, tỉnh Bắc Ninh thiêz oz lênhx nênhs cik txos zos: Nguyễn Anh Hào, zus shông 1984, zos nênhs tsar yêz taxi thiêz Đỗ Văn Dương, zus shông 1995, chêix đros yêz taxi, sik đros nhoz ntơưv tỉnh Bắc Ninh. Têx sâu tâu zos 7 đêiv zênhz đơưz, iz poz zax zênhz khor li poz jêz, iz luz yêz taxi, 3 luz xor tôngx thiêz iz cxiê zav cik txos txơưr đuô.

Kriz đar qênhz yuôx, Cơ quan Cảnh sát qênhz yuôx Công an huyện Sông Mã tưz uô lơưr chêi cxov sêiz đrơưv Lò Văn Lả, zus shông 1989, nhoz ntơưv xar Nậm Ty, huyện Sông Mã, tỉnh Sơn La lok kror cxâuv thâux gra tsik zos chêi tsơưr zax zênhz, cxov tsês iz luz yêz mêir, iz luz xor tôngx.

Nhiv no txuz hâux lưv tsênhv tror tâu qênhz yuôx uô cov tsênhz mênhx./.

(TTTB-Lik Thox cxêik nhênhv)