“Zos txơưx sir zôngv têx muôx ntơưv qơư cux zuôr hlôngr yiêz iz thax tsav txov nhêv yênhx thax tsav bluô nux thiêz huôv tsar”. Co zos jênhv tênhv tâu tso tơưv ntơưv phêv ziv cxơưz tiês hlôngr yiêz kôngz nuv têx tỉnh thax tsav trung du thiêz tox siêz Bắc Bộ ntu 2021-2025 tsưr tsix ntơưv TP Sơn La tas cik hnuz 30/9. Phuôx plov krêz uô phêv ziv, zơưv Nguyễn Xuân Cường, Bộ trưởng Bộ kôngz nuv thiêz huôv tsar nôngx cxênhz khav tênhv: Đros mênhv chêx muôx nhos 10 tsov hecta, muôx 12 tsov ntâu lênhx nênhs, têx tỉnh tox siêz Bắc Bộ zos thax tsav lok six coaz tsôngv lok kinh têr, txiv ngaz, côx phax pêz têz qơưk. Phêv ziv tưz sik seiz lax lok têx phêv liv thiêz thix ziv tsưr ziv tror hlôngr yiêz huôv tsar kôngz nuv ntu 2021-2025./.

(Thu Thùy-Txâur Vax cxeik nhênhv)

Xưk li tưz hêik pâuz, xar muôx 60 đêiv ntơưr muôx qênhx sir zôngv ar tâu xav jênhv txix shông 2014, cik txos yênhx châuv cán bộ huyện Bảo Yên, tỉnh Lào Cai li txơưx jênhv, nhiv no cux tsênhv yuôr lok six ntâu đêiv ntơưr tâu qênhx sir zôngv ar tsik muôx grik nhoz tas nro têx xar, thị  trấn ntơưv tiv phaz no, uô muôx yưv têx phiv liv lox. Thav đros nênhs sâu xor xưv VOV, zơưv Hồ Cao Khải, Giám đốc Sở Tài Nguyên thiêz Tênhv qơư tỉnh Lào Cai puz pâuz, tiv chor ntơưr tsik muôx grik sir zôngv lok six ntâu, cux pâuz tsik tâu tsênhz zos bâuv li chak viv li tsuv muôx iz jiês qênhz yuôx mak thiêx zuôr pâuz tâu tsênhz.

Uô ntêx, tsuv kho đuô xar muôx 60 đêiv ntơưr tưz pâuz, đhâu co mak txos chor ntơưr txơưr đuô. Lok txơưx jênhv cán bộ, đros thiêz chor cán bộ thâuv ntêx no tưz xưv lik lơưv, zos pov muôx uô zuôv nzir mak tsuv tror xưv lik nzir. Xav jênhv têx kror cxâuv cux zos chiê pâuz tâu tiêk lênhx tưs uô cxâuv thiêz cxâuv txos kror tưs, tiv têz qơưk lok zos  tiv pêx xênhv chiê muôx tâu tsưr ziv uô cov truôx jông, tsênhz mênhx./.

(An Kiên-Lik Thox cxêik nhênhv)

Krêz ciêz lok thâuv tas cik hnuz thưr 5 thiêz hnuz ciêz hâur yênhx yênhx ciêz, ciêz San Thàng (TP Lai Châu, tỉnh Lai châu) thâuv tưs cux muôs ntâu xiv huv jông nhoz tiv phaz. Ciêz San Thàng nhoz kuôk TP Lai Châu muôx nhos 5 cei cêr thiêz tưz muôx cxôngx nzor lok. Kror zaz zâuv tâu chôngz tsôngv kruô nhoz đêz tuôx car ciêz San Thàng zos nhoz no tsênhv muôs têx xiv huv tsuôk muôx nhoz Lai Châu li cxur, ndêz, jâuz thiêz iz cxiê pax lan jông. Luz nênhx ziv hnuz ziv huôv tsar, têx siêz tox siêz cux jus jus tsi tuôr tsês tâu têx chax chês muôx cxôngx nzor, taz sik ciêz San Thàng mak phênhv ntâu tuôr tsês tâu têx co./.

(K.Kiên- Txâur Vax cxeik nhênhv)

Zar hnuz kêix 30/9, sâuv txox cêr lox hâur thax tsav xar Tú Nang, huyện Yên Châu, tỉnh Sơn La muôx yưv iz txuz txiêz nanv zoz thôngz, uô iz lênhx nênhs trâus tuôs. Trơưk li chor nênhs njiê pov txuz txiêz nanv hêik pâuz, luz yêz tải tsênhv muk txix saz Sơn La-Hà Nội, muk txos thax tsav co ho yiêr trâus luz yêz mêir muk saz cêr tor lok, tưz uô trâu tix lâus Nguyễn Duy Dũng, xênhz shông 1980, nhoz ntơưv xar Chiềng Hắc, huyện Mộc Châu, tỉnh Sơn La zos nênhs tsar yêz mêir trâus saz thiêz tâu chox muk chơưv kho trâu ntơưv tsêr kho moz. Taz sik, tiv trâus saz hênhr, tix lâus Dũng tưz trâus tuôs. Qir tiv txuz txiêz nanv tsênhv tâu cơ quan muôx vax huôv tror qênhz yuôx uô tsênhz mênhx./.

(Trấn Long-Lik Thox cxêik nhênhv)