Chiê piêr têx hax huv du lịch jông nhoz huyện Lục Yên, tỉnh Yên Bái txos trâu tsôngv kruô pâuz, txix hnuz xiêz 4 txos 6/12, huyện Lục Yên zuôr tsưr tsix Tsaz yênhx du lịch ndis uô si, seiz shuôk têz qơưs jiês tiv 2. Uô ntêx kriz ntênhk hội zos hlơưr shaz ntơưv qơư di tích lịch sử Tsêr mnov Đại Cại, xar Tân Lĩnh. Lơưr co zos tsaz yênhx nghệ thuật thiêz tuô fov ntơưr trâu hmo xiêz 4/12. Tiv zix, tuôx trâu ntênhk hôiv no, tsôngv kruô tsênhv tâu ndis shuôk ciêz muôs têx poz jêz jông jav thiêz sêiz shuôk tsưr ziv uô đuôz txix têx poz jêz co; ndis shuôk têx qơư du lịch côngv thôngx li: Bình nguyên xanh Khai Trung, Du lịch tâm linh ntơưv di tích tsêr mnov Suối Tiên, tsêr mnov Đại Cại, cxuô mênhx cxưx Tày, cho, Nùng têx vênhx huôv jông tâus cêr….Đhâu tsaz yênhz chiê paz zaz zâuv chor nênhs yưv pênhr, uô têx hax huv du lịch jông, huôv tsar du lịch, txuôk du lịch nhoz tỉnh đros têx thax tsav qơư iz ndis./.

(Thừa Xuân-Lik Thox cxêik nhênhv)

Zar hnuz keix hnuz 30/11, Hội pov tsir TP hà Nội côngv đros Hội pov tsir tỉnh Lai châu khơưk muôz phênhv paz txưv zuôr chuôz zênhx kriê cơưv ntơưr trâu tsêr cơưv mê nhuôs zâu Sùng Phài (TP Lai châu). Nhiv no chor shux xênhz zos chuôz zis pluôs, chuôz zis zuôr xar pluôs, shux xênhz nhoz thax tsav txov nhêv tiv zix hâur tsêr cơưv mê nhuôs zâu Sùng Phài tsav siêz zuôr xar 50%. Tsêr cơưv muôx 7/9 paz, lớp cơưv uô cê đros ntâu hov hnuz nhôngs, tsi txơưx thav luk choz tsiz, lok six phêv liv hâur hâux lưv uô tsaz yênhx zaoz zux mê nhuôs zâu thiêz muôz siez tsơưr lươngv zaoz zux mê nhuôs. Shông cơưv 2020-2021 zos shông xuz thơưx tsêr cơưv uô tsưr ziv zôngv chuôz zênhx kriê cơưv ntơưr Montessori, taz sik tsi tâu muôx chuôz zênhx kriê, hâux lưv huiz tôngv cxôngx xã hội cux njiz ntâu phêv liv./.

(Báo Lai châu-Txâur Vax cxeik nhênhv)

Đhâu 3 shông sik côngv đros Tsaz yênhx Úc đros Việt Nam huôv tsar pênhr jos. Tưz muôx 12.000 ntâu lênhx nênhs sơưr thơưx, cán bộ, cưk kriê, shux xênhz nhoz tsêr cơưv Đại học Tây Bắc đros uô Tsaz yênh têx hâux lưv li: Uô jông đuô tsơưr lươngv zoz zux; hlôngr yiêz đuô tsaz yênhx, tsưr ziv kriê ntơưr; vax huôv siz luôs, phax tar nto tsiv…, 150 lênhx cán bộ, cưk kriê tâu chiê cơưv nzir txux chi ntơưv Úc thiêz Việt Nam. Đhâu cơưv tas chor cán bộ, cưk kriê no tưz uô 79 dự án chiê sir zôngv tsênhv tsênhz hâur luz nênhx thiêz tsêr cơưv. Tsaz yênhx tsênhv paz uô têx kror li: Nhênhz chơưv nriêr pâuz lok xêir zuôr nênhs uô hâux lưv; uô côngz xưv ntâuk gri hâur Tsêr cơưv Đại học Tây Bắc; Kho đuô Tsêr cơưv Đại học Tây Bắc li tsưr ziv uô hâux lưv ntu 2018-2023../.     

 (Trấn Long-Lik Thox cxêik nhênhv)

Cục hải quan tỉnh Lào Cai nhiv kruôr tso tơưv cuiz tênhv tsi uô ntâuz ntơưr muk đhâu ntus đriv đros 2 doanh nghiệp li chor hax huv muôs tơưv tiv tsi uô trơưk Cục hải quan tỉnh Lào Cai li cuiz tênhv lok nhiêx sê thiêz cuiz tênhv xưv phuôv uô cxâuv hành chính, đros chor nhiêx txiêx ndê txos zuôr xar 40 tỷ đeiv. Tsênhz mênhx, Công ty TNHH MTV muôs tơưv xiv huv kôngz nuv An Bình nhoz phường Cốc Lếu, TP Lào Cai yuôr nhiêx sê tsi tâu khiêz zos zuôr xar 13 tỷ đeiv thiêz chor nhiêx trâus phuôv hành chính zos zuôr xar 15,5 tỷ đeiv. Công ty cổ phần muôs tơưv kôngz jôngr nuv Hoàng Kim ntơưv qơư công nghiệp Đông phố mới, TP Lào Cai yuôr nhiêx sê tsi tâu khiêz zos 4,4 tỷ đeiv thiêz nhiêx txiêx xưv phuôv uô cxâuv hành chính zos 5,2 tỷ đeiv ntâu./.

(An Kiên-Txâur Vax cxeik nhênhv)