Zar hnuz kêix 28/2, Công an tỉnh Lai Châu tsưr tsix ntênhk khơưk kruôk cấp têz qơưk trâu chor tsưr tsix, tiz nênhs uô tâu hâux lưv jông hâur côngz xưv por vêv ngaz tuk têz qơưk.

Lơưr co, Chủ tịch têz qơưk, Thủ tướng Chính phủ tso chêi, Bôv Công an, lênhx tov tỉnh Lai Châu thiêz Công an tỉnh tưz khơưk muôz Chiv nhênhv chương viv côngz xưv ntus đriv têz qơưk trâu oz lênhx nênhs zos Thiếu tướng Trần Duân thiêz Thiếu tướng Lê Văn Bảy, zos kuz Giám đốc Công an tỉnh. Sâu jênhv têx tập thể, tiz nênhs li têx côngz lox paz, Chủ tịch têz qơưk, Thủ tướng Chính phủ tưz khơưk muôz Huân chương por vêv Têz qơưk hov oz trâu oz lênhx nênhs; Huân chương por vêv Têz qơưk hov pêz trâu 3 tập thể, tiz nênhs; Chính phủ li qix sik tưr thiêz Thủ tướng Chính phủ li ntơưr kruôk trâu 6 tập thể, tiz nênhs thiêz khơưk muôz Bôv Công an li ntơưr kruôk trâu 3 lênhx nênhs./.

(Khắc Kiên-Lik Thox cxêik nhênhv)

Tas cik hnuz 28/2, 950 lênhx tuz hluôk Yên Bái sơưr cêr muk uô tuz lênhv. Hâur 950 lênhx tuz hluôk Yên Bái muk uô tuz lênhv jiês no muôx 200 ntâu lênhx zos tưx uô ntơưr thor muk. Chor tuz hluôk muk uô tuz lênhv ntơư puôr lênhx muôx jông đas jos; phênhv ntâu cơưv tas ntơưr lớp 12 tror sâu, muôx cxôngx 18-20 shông hnuz nhôngs, zos 13 mênhx cxưx txơưr. Chor tuz hluôk nhoz tỉnh Yên Bái muk uô tuz lênhv zos uô tuz lênhv trâu têx taz viv nhoz Bộ tổng tham mưu, Quân chủng phòng không không quân thiêz Quân khu 2.

Tiv moz Covid-19 li têx txơưr txar, Ntênhs choz thiêz jênhv tuz lênhv ntơưv têx tiv phaz hâur tỉnh tâu tsưr tsix sei muôx nhos 20 phênhz. Cxuô zoz qơưx hâur côngz xưv phax tar moz puôr lênhx tâu uô jông li: têx lênhx nênhs cxaz chuôz puôr lênhx chox đeiv ntâuz bos kror ndâux, muôx cuô đêx yuôx nzuôr tês, tâu njuôs siv chêr; chor tuz hluôk muk uô tuz lênhv têx nênhs cxênhz jê cux tuôx xa lơưr muk uô tuz lênhv tâu txu grês tsơưs tiv zix..../.

(Đinh Tuấn-Txâur Vax cxeik nhênhv)

UBND huyện Tuần Giáo (tỉnh Điện Biên) nhiv kruôr tso tơưv cuêz tênhv xưv bluô nzir 2 lênhx nênhs tsik hêik pâuz tsênhz lok y têr, đros nhiêx xưv bluô zos 15 triệu đêiv. Oz lênhx nênhs trâus xưv bluô zos Điêu Văn Cường (zus shông 2001) thiêz Bạc Cầm Doan (zus shông 1996), puôr lênhx zos lox tôngv tự do, đros nhoz uô cê ntơưv xar Mùn  Chung, huyện Tuần Giáo. Lơưr cuêz tênhv xưv bluô, zơưv Điệu Văn Cường, nhoz jok Huổi Lóng tưz tsik hêik pâuz tsênhz thâuv lok txix thax tsav qơư muôx moz Covid-19 zos công ty TNHH điện tử UMC ntơưv xar Quy Dương, huyện Cẩm Giàng (tỉnh Hải Dương), taz sik ho hêik tiêk lok txix thị trấn Bần, huyện Mỹ Hào (tỉnh Hưng Yên). Hok zơưv Bạc Cầm Doan, nhoz ntơưv jok Phiêng Pẻn lok txix Công ty TNHH Công nghiệp Brother ntơưv jok Cờ Đỏ, xar Cẩm Phúc, huyện Cẩm Giàng (tỉnh Hải Dương), taz sik ho hêik tiêk lok txix Mễ Trì, Từ Liêm, Hà Nội lok. Tas nro oz lênhx nênhs no hêik tsik zos li kror tsênhz zos chiê tsik trâus cêv kuôk y têr. Pox nhuôs sơưr đơưk tsuv hêik pâuz tsênhz lok y têr chiê paz phax tar caz moz cov truôx jông./.

(Vũ Lợi-Lik Thox cxêik nhênhv)

Tsi so muôx têx txuz, lênhx nênhs muôv muôs zax zênhz tsi trơưk chei trâus lưx lươngv pênhz phax Sơn La pov thiêz ntês cxov.

Lơưr co, ntơuv thax tsav jos Bó Sập, xã Lóng Sập, huyện Mộc Châu, tỉnh Sơn La, lưx lươngv muôx txơưx jênhv pov, ntês tâu 2 lênhx nênhs zos Nguyễn Tiến Thành, xênhz shông 1996 nhoz tiểu khu 1, xã Chiềng Sơn, Huyện Mộc Châu, tỉnh Sơn La thiêz Trần Công Đức, xênhz shông 1996 nhoz tiểu khu 14, thị trấn Mộc Châu, tỉnh Sơn La. Sâu tâu 575 njiêr zax zênhz shơư yuôx, 1 luz yêz meir, 1 luz điện thoại di động. 2 lênhx nênhs no jênhv zuôr chor zax zênhz cxôngx ntus đriv đros grê zos 3 tsov 300 cxênhz đeiv chiê chox muk muôs. Uô ntêx co, ntơưv thax tsav jos Cột Mốc, xã Tân Xuân, huyện Vân Hồ, tỉnh Sơn La, têx lưx lươngv tưz ruôr yênhx côngz chuyên án SL0121.2 ntês tâu Sồng Thị Giai, xênhz shông 1957 nhoz jos Pha Luông, xã Chiềng Sơn, huyện Mộc Châu, tỉnh Sơn La muôv muôs zax zênhz. Sâu tâu 6,73 gam zênhz đơưz, 400 njiêr zax zênhz shơư yuôx./.

(CTV VOVTB-Txâur Vax cxeik nhênhv)