Lok sâuv bê têx lênhx nhoz hâur BCH T.Ư Đảng khóa 13 nhiv kruôr heik pâuz, đảng viên Vũ Thị Hằng, nhoz phường Tân Phong, TP Lai Châu heik: BCH T.Ư Đảng khóa 13 tưz muôx cxix cxuô chor lâuk thiêz hluôk hur si: “Têx lênhx tâu bâux xeir jiês no, cur pov zos têx lênhx muôx txux chi, tsưr ziv hâur côngz xưv chox kriê thiêz chox car têz qơưk, hok têx lênhx hâu nov yiêz, cur cux vav chiê siêz lơưr zuôr muôx txâuk têx txux chi tsưr ziv jông chiê lês uô têx hâux lưv têz qơưk viv tsôngv lax px. Pêz chiê siêz, iz tập thể BCH T.Ư sik thôngx siêz, hlôngr yiêz thiêz muôx txux chi, uô huv px. Iz chas ntơư, vav tiêk BCH khóa yiêz zuôr muôx têx tsưr ziv, hâux lưv uô tsênhv tsênhz; muôx têx chei moz siêz txos đuô tsôngv box heir nênhs tsơưs, ntus đriv chiê tox siêz lơưr chuôs luôs 2 chas tỉnh thax tsav tiêx đras, chox têz qơưk huôv tsar jông đuô”./.

(Khắc Kiên-Riê Lâux cxeik, nhênhv)

Xor mông cxôngx tsênhv qơư seiz car moz tỉnh Sơn La puz pâuz, tas nro 2 lênhx nênhs njuôs xav trâus moz Coivd-19 nhoz hâur tỉnh puôr lênhx tưz muôx chêx cuk njuôs siv tsi muôx caz moz SARS Covi 2 jiês tiv 2.

Chêx cuk no lok six jông, taz sik qênhx shênhx moz Covid-19 tsênhv muôx ntâu txơưr txar, tiv zix zos sâuv thax tsav tỉnh muôx txos 51 cxênhz ntâu nênhs lox tôngv tsênhv uô hâux lưv đrâuv tỉnh. Têx lênhx nênhs no nhoz tas nro 12 huyện, TP hâur tỉnh, hâur co huyện Phù Yên muôx chôngz tiv zix, đros 14 cxênhz lênhx. Ntu no ntâu lênhx nênhs zuôr tror lok kuz têz qơưk nox tsiêz, viv li Sơn La xav tênhv tror cxơưz tiês uô têx tsưr ziv tir tar moz; uô ntêx zos seiz car jông qênhx shênhx lênhx nênhs muk lok hâur thax tsav, heik kriê y tế thiêz uô jông hâux lưv qênhz pov, cêv kuôk thax tsav, chox lênhx nênhs muk cêv kuôk, njuôs siv zos njuôs xav trâus moz. Sơn La cux tso tsês têx jiês khiêz phêv thiêz têx jix vuv tsi zuôr trâus; tsi tuô fov pax ntơưr hmo 30 tsiêz thiêz tso shux xênhz hâur tas nro tỉnh so ntơưr cxôngx hnuz xiêz 1/2/2021 chiê phax tar moz Covid-19./.

(Thu Thùy-Txâur Vax cxeik nhênhv)

  Công an huyện Điện Biên, tỉnh Điện Biên nhiv kruôr ruôr por tsês tâu iz txuz plâuz, ntêk iz lênhx nênhs, sâu tsês tâu 3 poz zênhz đơưz.

Thâuv 4 six zuôr tsâuk ntux hnuz 30/1, ntơưv thax tsav jok Na Sang 2, xã Núa Ngam, huyện Điện Biên, tỉnh Điện Biên, Đội Cảnh sát qênhz yuôx têx nênhs nhiês zuôr muôs, uô luôv zax zênhz, Công an huyện Điện Biên ntêk tâu iz lênhx nênhs zuôr muôs zax zênhz tsi trơưk chei.

Ntơưv cơ quan Công an, lênhx nênhs co krêz lênhk tiêk, zos Cấu Xênhv Muôk, xênhz shông 1997, nhoz ntơưv jok Thẩm Mỹ A, xã Xaz Zôngz, huyện Điện Biên Đông. Têx chuôz zênhx sâu tâu muôx 3 poz zênhz đơưz (hnhar muôx nhos iz cir), iz luz yêz meir thiêz iz cxiê zav chuôz zênhx txơưr đuô cik txos. Hâur six hơưv ntêk cxov, Cấu lok six txơưx jêik, tir ntâuk chor lưv lươngv muôx vax huôv, taz sik đros trâu têx tsưr ziv uô hâux lưv,  sir jos ntêk cxov cov tâu, lưv lươngv muôx vax huôv tưz ntêk tâu lênhx nênhs heik sâuv.

Nhiv no Cơ quan Cảnh sát qênhz yuôx Công an huyện Điện Biên tsênhv tror qênhz yuôx, uô tsênhz mênhx./.

(Vũ Lợi-Riê Lâux cxeik, nhênhv)