Chiê paz huyện Phù Yên cêv kuôk thiêz phax tar moz, thâuv têx lênhx nênhs trâus moz Covid-19 xav txos hnuz 31/8 tưz ndê txos zuôr xar 200 lênhx, Công an tỉnh Sơn La tưz chuôz tsar cxaz zuôr xar 100 lênhx cán bộ, chiến sĩ muk paz huyện Phù yên. Txơưv muôx ntâu phêv liv, tiv zix zos njuôs xav trâus cik moz siêz viv muôx ntâu lênhx trâus moz hâur côngv thôngx, lưx lươngv công an Sơn La tưz sir jos muk txos yênhx ziv chuôz zis tsôngv box hâur thax tsav huyện Phù Yên chiê paz txưv, cungz têx zav nox zuôr trâus trâu pox nhuôs.

Trung sĩ Lò Văn Phong, chiến sĩ nhoz Phongx cảnh sát cơ động, Công an tỉnh Sơn La tsênhv chuôz tsar muk uô côngz xưv ntơưv huyện Phù Yên pheiz kênh: “Tâu muk paz pox nhuôs li no, txơưv phêv liv mê njik taz sik no zos têx chiến sĩ công an li siêz jông tsês trâu tsôngv box, viv tsôngv box phưx vưv, tâu pox nhuôs tôngv vênhx mak pêz cux jông siêz thiêz zuôr sir jos đuô uô tiêr jông jênhv vưv tâu choz”./.

(CTV VOVTB-Txâur Vax cxeik nhênhv)

  Đhâu 1 hli ntâu xav txix thâuv trâus txưr tsik khênhr muk lok đhâu chiê phax, tar moz Covid-19 txix saz Hà Khẩu (tỉnh Vân Nam-Trung Quốc), chor txir tsơưz tưz piz tror tâu muôs tơưv saz đrâuv têz qơưk đhâu Trôngx đriv ntiêx têz sôr 2 Kim Thành, thành phố Lào Cai. Hâur 3 hnuz txix 29/8 txos nhiv no, tưz muôx 12 luz yêz thâux xa muôx 300 ntâu tấn txir tsơưz muk đhâu ntus đriv, phênhv ntâu zos têx hax huv ntơưv thax tsav qơư. Zơưv Hà Đức Thuận, Phưv Trưởng Ban sêiz car qơư kinh têr tỉnh Lào Cai puz pâuz: “Chiê paz trâu Lào Cai chor txir tsơưz tsênhv zuôr jông sâu, tiv zix zos ntơưv têx huyện Mường Khương, Bát Xát mak cxuô cấp, nganhx nhoz Lào Cai tưz sir jos sik thav đros saz Trung Quốc thiêz lơưr tưz tror kriz trôngx đriv. Taz sik, chor txir tsơưz no tâu thâux txix têx yêz zâu muk xưz”./.

(An Kiên-Lik Thox cxêik nhênhv)

Nhiv kruôr đhâu, ntơưv Phêv ziv ntâus grê shông cơưv 2020-2021 thiêz krêz uô tsưr ziv jênhv vưv shông cơưv 2021-2022, zos Sở zaoz zux thiêz thox cxov tỉnh Điện Biên tsưr tsix, Bảo việt Điện Biên tưz khơưk muôz 180 tsov đeiv “Cuiv cxiz cơưv Bảo việt” trâu têx mê nhuôs shux xênhz muôx yênhx tix jông hâur cơưv ntơưr sâuv thax tsav tỉnh Điện Biên.

No zos shông tiv 16 Bảo việt Điện Biên sik côngv đros Sở zaoz zux thiêz thox cxov tỉnh Điện Biên krêz uô cxiv tsa “Cuiv cxiz cơưv Bảo Việt”, khơưk muôz trâu 2 cxênhz lênhx shux xênhz, đros chor nhiêx txiêx zos 3 tỷ đeiv ntâu. Chor nhiêx txiêx co gôngr phênhv tôngv vênhx, paz têx mê nhuôs shux xênhz tror sir jos cơưv ntơưrv đuô chiê tax tâu têx yênhx tix siêz./.

(Báo ĐBP-Txâur Vax cxeik nhênhv)

Công an huyện Trấn Yên, tỉnh yên Bái tưz cxov tâu iz lênhx nênhs fêv tuô tuôs nênhs tiv siz char siz chês hâur nox hâuk thâuv 3 sơưr nzor hnuz 31/8, ntơưv tôv dân phố sôr 2, thị trấn Cổ Phúc, huyện Trấn Yên. Thâuv no mak muôx iz chor hluôk nênhs siz zâuv nox hâuk ntơưv iz qơư uô jâuz mor nox hâuk sâuv thax tsav. Thâuv tsênhv nox hâuk, muôx oz paz tuz hluôk nênhs (muôx nhos 14 lênhx nênhs) tưz muôx luk siêz luk kik thiêz lơưr co tưz siz ntâuk ciês ntơưv kror qơư nox hâuk co… Nguyễn Văn Thức, zus shông 1995, nhoz ntơưv huyện Chương Mỹ, Hà Nội, nhiv no tsênhv ntơưv xar Đào Thịnh, huyện Trấn Yên tưz xuôk triêv gâus trâu Nguyễn Văn Ch. (zus shông 1997, nhoz jok 4, xar Quy Mông, huyện Trấn Yên) plaz thiêz têk. Uô trâu Nguyễn Văn Ch. Trâus tuôs tiv lok nyar ntâu. Nhiv no cơ quan Cảnh sát qênhz yuôx, Công an huyện Trấn Yên, tỉnh Yên Bái tưz tso tơưv cuêz tênhv cxov tsês hình sự Nguyễn Văn Thức chiê tror qênhz yuôx, uô tsênhz mênhx txuz hâux lưv no./.

(Xuân Hông-Lik Thox cxêik nhênhv)