Tas cik hnuz xiêz 01/3, ntơưv Tsênhv qơư điều hành thông minh tỉnh Lào Cai, têx meir phưx vưv cơưv ntâuz ntơưr, nriêr pâuz lok Đảng li Nghị quyết thiêz têx ntâuz ntơưr uz no tưz tâu yênhx lix đros thiêz muôx Thường trực Tỉnh ủy, Thường trực cấp ủy 100% huyện, thành thị hâur tas nro tỉnh Lào Cai li seiz njiê pov njôngr. Têx meir no zos Ban Tuyên giáo Tỉnh ủy hux jos đros Sở thôngz xor mông tỉnh Lào Cai nhênhz chơưv, fuô kriê cxiv uô, sir zôngv lênhx nênhs zos chor kỹ sư công nghệ ntơưv qơư. Têx meir no jông uô ntâu zav hâux lưv, krêz seiz têx ntâuz ntơưr uz no zôngx ziv....

Têx luôs hâux lưv uô tâu li heik sâuv heik lol Tỉnh ủy Lào Cai li têx hlôngr yiêz jông; iz chas ntơư paz gra siêz tsơưr lươngv yax kriê, cơưv shâuv, fuô kriê Đảng li Nghị quyết thiêz têx ntâuz ntơưr uz no./.

(An Kiên-Riê Lâux cxeik, nhênhv)

  Tỉnh đoàn Lai Châu nhiv kruôr tsưr tsix kriz uô hli hluôk nênhs thiêz uô lơưr tsiêz chos ntông ndo txos zơưv hloz Hôx ntux yiêz shông 2021. No zos hâux lưv chiê txêik tok Đại hôiv Đảng tas nro têz qơưk jiês tiv 13 tâu tsưr tsix yênhx côngz thiêz 90 shông hnuz yênhx lix Đoanx hluôk nênhs cộng sản Hồ Chí Minh (26/3/1931-26/3/2021). Bí thư tỉnh đoàn Lai Châu Nguyễn Tiến Thịnh puz pâuz: hâur hli hluôk nênhs shông 2021, ntâu kror hâux lưv zuôr tâu tỉnh đoàn Lai Châu kriz uô li: tsưr tsix phongz yaox phax tar sir zôngv têx vuôz tsuôz nhựa, sir zôngv tsơưs têx hnaz tax, por vêv têx đêx, cxiv tsa uô têx tsêr vêv xênhz cov jông; sik đros tsưr tsix hnuz chủ nhật njuôz trâu hnuz 21/3 ntơư têx xar, phường, thị trấn hâur tỉnh./.

(Khắc Kiên-Lik Thox cxêik nhênhv)

  Zar hnuz kêix xiêz 01/3, ntơưv qơư kho moz tsês trâu chor nênhs tâu xav zos trâul moz Covid-19 Điện Biên Phủ, Sở Y tế tỉnh Điện Biên tưz tsưr tsix côngz fur thiêz muôz ntơưr côngk nhav kho jông moz trâu iz lênhx nênhs moz, hâur hur si 3 lênhx trâul moz Covid-19 tsênhv nhoz chơưv kho moz ntơưv tỉnh Điện Biên. Lênhx nênhs moz đhâu iz ntuk nhoz kho moz gênhs tưz đhâu 8 jiês seiz njuôk shuôs moz, puôr lênhx tsi pov muôx moz SARS-CoV-2 huôv xênhz li chas txơưr txar. Đhâu thâuv tâu choz ntơưr côngk nhav kho jông moz thiêz tơưv tsêr kho moz, lênhx nênhs moz ntơư tưz tâu qơư seiz njuôk shuôs, kho moz phênhz thiêz muôz yêz thâux xa lol muk trâu zuk qơư nhoz. Iz chas co tsuv tror uô lơưr jông kuôk cêv ntơưv vax tsêr hâur 14 hnuz  tsi tâu muk trâu uz trâu no xav txix hnuz tơưv tsêr kho moz, trơưk Bộ Y tế cui tinhv lok phax tir thêir moz Covid-19.

Nhiv no tỉnh Điện Biên tsênhv yuôr 2 lênhx nênhs trâul moz Covid-19, zos 2 lênhx pox niêv, sôr 1970, 1971, puôr lênhx zos cik txos moz ntơưv Cẩm Giàng, Thanh Hà, tỉnh Hải Dương lok. Nhiv no tsênhv tâu nhoz kho moz ntơưv tsêr kho moz tsês trâu chor nênhs tâu xav zos trâul moz Covid-19 Điện Biên Phủ, thiêz đas jos truôx tuk, tsi pov muôx li chas txơưr txar./.

(Vũ Lợi-Riê Lâux cxeik, nhênhv)

  Cơ quan Cảnh sát qênhz yuôx, Công an tỉnh Yên Bái nhiv kruôr khởi tố, cxov tsês Giám đốc đros oz lênhx cán bộ Tsênhv qơư Huôv tsar Cuiv ar thiêz iz lênhx cán bộ địa chính-cxiv tsa xar nhoz huyện Yên Bình, tỉnh Yên Bái.

Chor nênhs trâus cxov zos: Zơưv Tạ Duy Hiển, zus shông 1981, Giám đốc Tsênhv qơư huôv tsar Cuiv ar huyện Yên Bình; zơưv Hoàng Trung Kiên thiêz pos Địch Thị Thủy, zos viên chức Tsênhv qơư huôv tsar Cuiv ar huyện Yên Bình; zơưv Lương Công Vũ, zus shông 1988, côngz chức địa chính-cxiv tsa xar Bảo Ái, huyện Yên Bình. Chor nênhs co trâus cxov hnuz 26/2/2021, cơư tsês 4 luz hli chiê qênhz yuôx lok kror cxâuv “liv zôngv zuk hâux lưv uô, vax huôv chiê nziêk đas zuôr nhiêx txiêx, cxuô zav”. Txuz hâux lưv no tsênhv tâu Công an tỉnh Yên Bái qênhz yuôx cov tsênhz mênhx thiêz muôz tik cêr cxâuv trơưk chêi têz qơưk cui tênhv./.

(Tuấn Xuân-Lik Thox cxêik nhenhv)