Thâuv 3 six zar hnuz kêix hnuz xiêz 1/6/2020, ntơưv jos Lóng Luông, xã Lóng Luông, huyện Vân Hồ, tỉnh Sơn La, công an huyện Vân Hồ tưz đros công an huyện Mọc Châu thiêz công an tỉnh Sơn La, tưz ntêk cxov tâu Xưv x Zax, xênhz shông 1994 thiêz Hú x shôngx, xênhz shông 1996, puôr lênhx nhoz uo cê ntơưv jos Lũng Xá, xã Lóng Luông, huyện Vân Hồ, tỉnh Sơn La. Ntơư zos yơưz phơưz tâu 15 cxênhz luz yuôx shơư zax zênhz đros trâu iz traz fov AK thiêz iz traz fov Sam lếch đros trâu 37 luz mok txưr thiêz iz cxiê chuôz zênhx txơưr đuô.

  Đhâu ntêk cxov tâu oz lênhx nênhs fêv hêik sâu, têis cik hnuz xiêz 1/6, zơưv Nguyễn Hữu Đông, Bí thư tỉnh uỷ Sơn La thiêz Nguyễn Ngọc Vân, Giám đốc công an tỉnh Sơn La tưz muk trâu huyện Vân Hồ, chiê kruôk zênhx max txos công an têx luôs hâux lưv uô tâu tiêr, ntêk cxov tâu oz lênhx nênhs fêv hêik sâu, tsik chiê uô ruôr hiêv txos tsôngv px hâur thax tsav luz nênhx nox nhoz muk lok hâur niêx hnuz./.

                                         (Tsu Vưx cxêik nhênhv-CTV- Chẻo Thu)

  Thâuv 12 six tar su hnuz xiêz 01/6, ntơưv cêik cêr 68+400 sâuv txox cêr lox 279 (ntu muk đhâu jok Nà Lơi, xã Thanh Minh, TP Điện Biên Phủ, tỉnh Điện Biên) muôx iz txuz yêz lox thâux têx txir lưk hmaz lok zos txir Lol Tsuôk trâul nzênhr, ntos. Đhâu muôx yưv têx tsi jông li heik co, luz tâuz hâu yêz tưz puôk tsuôx, tsi jông tas, lênhx nênhs tsar yêz trâul moz iz kro mê njik. Thâuv luz yêz ntos li heik sâuv cux uô trâu ntâu luz yêz mul lok tsi tâu đhâu ntu cêr co, tsuv nhoz tok muôx nhos iz six hơưv. Qir tiv xuz thơưx tâu xav zos viv lênhx nênhs tsar, thâuv tsar yêz mul grêk har thiêz cêr lêv tsi tiz jông seiz shuôs li uô yêz trâul nzênhr, ntos li co. Đhâu hlo thâuv muôx têx li heik sâuv, lưv lươngv Cảnh sát zoz thôngz, Công an TP Điện Biên Phủ đros lưv lươngv muôx vax huôv tưz tuôx qênhz shuôs thiêz phênhz, tơư kriê cêr trâu lưv luz yêz mul lok đhâu, iz chas co qênhz yuôx, uô tsênhz mênhx qir tiv.

Txox cêr lox heik sâuv, ntu muk đhâu jok Nà Lơi tâu seiz zos ntu khênhr muôx yêz siz yar siz tsông thiêz uô yêz ntos li uz li no . Tsuôk xav txix ciês hâur shôngk shông 2019 txos nhiv no, ntu cêr co tưz muôx 5 txuz uô yêz lox ntos, uô ruôr hiêv lok têx chuôz zênhx chuôz tas muôx nhos yênhx tyv đeiv. Chênhr viv li, thâuv tsar yêz mul lok đhâu ntu cêr no, sđ tsuv lok six chênhr phax, chiê taz por truôx tuk thiêz jông./.

(Vũ Lợi-Riê Lâux cxeik, nhênhv)

Thâuv 12 six hnuz xiêz 1/6, ntơưv xã Cò  Nòi, huyện mai Sơn, tỉnh Sơn La, tưz muôx yưv iz coz nas lok lox, truz ntêr iz six hơưv ntâu, uô trâu têx đêx nas ntưk pêv hâur trôngz lok nhaz tas iz cxiê ntu cêr lox hâur thax tsav xã Cò Nòi, uô trâu yêz muk lok tsik tâu đhâu. Đhâu iz luz six hơưv ntâu, ntux tu nas, têx đêx nhaz cêr ntơư thiêx grik jux juk, yêz thiêx muk lok tâu đhâu thiêz trơưk cơ quan njuôk xav ntux yar ntux nas thã tsav faz Bắc hêik pâuz, iz cxiê thax tsav li: Huyện Mai Sơn, Mường La, Sông Mã, Bắc Yên, Thuận Châu, Sông Mã thiêz đrôngl Sơn La cux tsênhv zuôr muôx ntux nas lox, tsôngv px sđ tsuv ndo njôngr chênhr phax tir thêir nas chuô tsik chiê uô ruôr hiêv txos sđ luz nênhx./.

                                     (Tsu cxêik nhênhv-Trấn Long–Chẻo Thu BT)

Tsênhv qơư huôv tsar xar tơưv têx txux chi jông nhoz Liên hiệp têx Hội hoa học thiêz Kỹ thuật VN nhiv kruôr choz zok trâur nuv chaz xor tênhv, tso tênhz chis pov cêr têx cêr mul lok hâur jêx jok ntơưv xã Tung Chung Phố (huyện Mường Khương, tỉnh lào Cai). No zos trâur nuv nhoz hâur Dưv anr “chuôz tsar pênhr jos trâu têx tsưr tsix XH, hâux lưv uô thiêz ntơưv qơư lok têx tsưr ziv uô chis pov cêr têx cêr mul lok thiêz zôngv tâu trơưk li tsưr ziv, cxênhx txuôs tênhv tênhz thôngz đhâu têx jiês cơưv cxaz nzir têx txux chi tsưr ziv yuôr trâul thiêz yax mông chiê paz cxơưz uô tâu jông thiêz truôx luôs hâux lưv co ntơưv VN”. 40 tus ndêx tênhv tênhz yar ntux chiê tso tênhv chis pov cêr 7 cêik cêr hâur 2 jok Lũng Pâu thiêz Seo Tủng. Xav hur tiz si têx nhiêx txiêx uô têx hâux lưv li heik sâuv tas muôx 86 tsov zos Liên minh châu Âu têx nhiêx txiêx muôz paz thiêz tsôngv px gôngr 30%. Têx tênhv tênhz yar ntux no paz cxênhx txuôs tênhv, por hưv tênhx qơư. Cêr mul lok jêx jok muôx tênhz chis pov cêr zuôr muôz jông six hơưv trâu tsôngv pxxã Tung Chung Phố  zôngx ziv mul lok, xênhz huôx,  huôv tsar uô nox uô hnar, paz cxiv tsa jêx jok yiêz./.

(KT-Riê Lâux cxeik, nhênhv)