Têx tỉnh faz Bắc li: Sơn La, Điện Biên, Lai Châu, Lào Cai, Yên Bái nhiv kruôr tror hêik pâuz lok hnuz nhôngs kriê thiêz cơưv ntơưr đhâu iz  ntu so ntơưr chiê phax, tar moz Covid 19.

Lơưr co, shux xênhz cxênhx pêz, shux xênhz cơưv zoz zux thường xuyên, têx tsêr cơưv chuyên nghiệp sâuv thax tsav têx tỉnh tror tuôx cơưv ntơưr txix hnuz 2/3. Ciês tỉnh Điện Biên tsưr tsix kriê thiêz cơưv ntơưr trâu zar têis cik txos tar su; tsik tsưr tsix chor jiês nhoz chôngz nênhs uô cê; tsêr cơưv Đại học Tây Bắc, đrôngl Sơn La cux zuôr tror tuôx cơưv ntơưr txix hnuz 16/3. Shux xênhz nhuôs zâu thiêz cxênhx iz, cxênhx oz têx tỉnh tror so ntơưr txix hnuz 2/3 txos hnuz 8/3; tỉnh Điện Biên thiêz Yên Bái tror so ntơưr txos hnuz 15/3./.

(Trấn Long-Lik Thox cxêik nhênhv)

  Nênhs sâu xor xưv Trấn Long, Đắc Thanh nhoz Đeix nta suôz VN thax tsav Tây Bắc tso mông: Zar hnuz keix hnuz xiêz 1/3 Sở y tế tỉnh Sơn La tưz tsưr tsix jiês shâuv tos siv lênhx nênhs tâu xav tênhv trâus moz lok cêr uô pa cô vít 19 sâuv thax tsav tỉnh Sơn La. Hâur jiês cơưv shâuv chơưv thiêz cêv kuôk siv lênhx nênhs trâus moz, Bác sỹ chuyên khoa 1 Nguyễn Quốc Tuấn, Phưv giám đốc Tsênhv qơư y tế huyện Vân Hồ puz pâuz: “Hâur hnuz cơưv shâuv no cur pov vênhv thix cêv kuôk ciês thâuv qir chox tuôx tsêr kho moz zos lok six coaz tsôngv, viv li cêv kuôk thiêz thâux xa nênhs moz mul tsêr kho moz cux xưk li qơư kho moz tsuv cêv kuôk li chas, tsuôk yuôx tuô caz moz tênhx qơư, thiêz tas nro têx muôx lênhx coaz txos vênhv thix txu gris tsơưs tiv zix moz cik txos côngv thôngx zos iz hâur têx mak pêz cơưv shâuv tâu hâur jiês no, tsuv zuôr chênhz zênhv hâur six hơưv zuôr txos”./.

(T.Long-Đ.Thanh- Txâur Vax cxeik nhênhv)

Đinh Tuấn, nênhs sâu xor xưv Đaix TNVN iz suôv faz Bắc xa mông: Hnuz 1/3, ntơưv xar Minh Xuân, huyện Lục Yên, tỉnh đoàn Yên Bái sik côngv đros đoanx hluôk nênhs Thông tấn xã Việt Nam tsưr tsix khơưk muôz “Tủ ntơưr Đinh Hữu Dư” thiêz tsưr tsix têx hâux lưv kriz uô hli hluôk nênhs. Tsêr cơưv cxênhx oz Nguyễn Thái Học xar Minh Xuân muôx 300 ntâu lênhx shux xênhz; hâur co, 94% zos shux xênhz mênhx cxưx tsơưr nênhs, phênhv ntâu zos mênhx cxưx Tày, Nùng. Pêx xênhv luz nênhx tsênhv txov nhêv, muôx tsik txâuk, viv li shux xênhz hâur tsêr cơưv muôx tsik tâu txâuk cxuô zav, tsik muôx ntâu ntâuz ntơưr chiê sêiz nzir. Tiv zix, hâur chor ntơưr no muôx têx fâu ntơưr oz zav luk, paz trâu cưk kriê ntơưr hâur tsêr cơưv zôngx ziv pâuz đuô txos tsôngv box mênhx cxưx tsơưs nênhs têx luk, paz zôngx ziv đuô trâu hâux lưv kriê thiêz cơưv ntơưr./.

(Đinh Tuấn-Lik Thox cxêik nhênhv)

Vũ Lợi nênhs sâu xor xưv nhoz Đeix nta suôz VN thax tsav Tây Bắc tso mông: Công an huyện Mường Nhé, tỉnh Điện Biên nhiv kruôr uô ntâuz ntơưr xa txos Ban giám đốc Công an tỉnh Điện Biên thix ziv yưr lir têx lênhx nênhs tso mông heik tsi zos lok hâux lưv muôv muôs mê nhuôs zâu sâuv thax tsav huyện, uô tsôngv box cxơưx thiêz uô zênhr shar txos txiv ngaz ntơưv tiv phaz. Tsênhz mênhx cxôngx hnuz 21/2 sâuv mạng xã hội Facebook iz cxiê lênhx nênhs tso mông đros njiêz luv “Muôv muôs mê nhuôs zâu đhâu ntus đriv-Công an huyện Mường Nhé, tỉnh Điện Biên nhiv kruôr tir tar yênhx côngz iz txuz muôv muôs mê nhuôs đhâu ntus đriv. Lênhx nênhs trâus cxov zos Phạm Thị Liên- 45 shông, uô ntêx co muôx án muôv muôs zax zênhz thiêz 2 tul mê nhuôs iz tul tuz iz tul nxeik.

Đhâu xav tênhv no zos xor mông tsi muôx tsênhv tsênhz, uô tsôngv box sđ lok six cxơưx, uô zênhr shar txos tiv phaz li txiv ngaz./.

(Vũ Lợi- Txâur Vax cxeik nhênhv)