Huyện Mù Cang Chải, tỉnh yên Bái nhiv kruôr tso tơưv tsaz yênhx cxax yuôx phax moz đêz đar shông 2018, hâur co tso tơưv tsưr ziv zos taz por trâu chor nhuôs zâu thiêz pox niêv tâu cxax yuôx cxix cxuô, paz phax tar tâu caz moz jông tiv zix. Chiê uô tsưr ziv no, huyện Mù Cang Chải hêik tas nro chor cán bộ y tế cxaz chuôz cxax yuôx tsuv muôx ntơưr cungz jênhv cơưv shâuv ngaz tuk lok cxax yuôx thiêz tâu cxaz chuôz. Huyện cux zuôr tso nênhs qênhz yuôx, sêiz kaz hâux lưv kriz uô cxax yuôx ntơưv chor qơư y tế hâur co tsêx trung sêiz kaz tsơưr lươngv thiêz ngaz tuk cxax yuôx; sêiz kaz, pov tâu chor nênhs muôx moz siz cik hâur tsaz yênhx cxax yuôx phax moz đêz đar; sêiz kaz têx chuôz zênhx, yuôx, hâux lưv sêiz car têx xor mông cxax yuôx phax moz têz qơưk…/.

(KT-Lik thox cxêik nhênhv)

Hnuz xiêz ¼, Sở kôngz nuv thiêz huôv tsar nôngx cxênhz Sơn La đros UB huyện Mường La tsưr tsix Ntênhs tso njês cxaz, chuôz cxaz shuôz njês sâuv niêv pas đêx tênhv Sơn La ntơưv xã Ít Ong, huyện Mường La. No zos huôx tôngv ndar txos hnuz chêx chês Nganhx shuôz njês VN xiêz ¼. Đros theox chênhv jông, UB tỉnh Sơn La tưz chox kriê Sở kôngz nuv thiêz huôv tsar nôngx cxênhz SƠn La đros têx huyện, TP thiêz têx nganhx muôx lênhx coaz tsưr tsix yax mông, hu lơưs têx tsưr tsix, lênhx nênhs, doanh nghiệp, qơư tsiv uô muôv muôs shuôz njês sâuv thax tsav tỉnh cxaz chuôz gôngr côngv, paz txưv nhiêx txiêx, nôngz njês chiê chuôz cxaz têx shuôz njês sâuv niêv pas. Ntơưv ntênhs, Ban tsưr tsix tưz tso 150 cxênhz tul njês nôngz trâu hâur niêv pas đêx tênhv Sơn La./.

(Việt Anh- Txâur Vax cxeik nhênhv)

Đros tsênhv njiêz “Bax phax tar thiêz qênhz yuôx têx kror phiv liv, tsik jông ntơưv qơư uô hâux lưv chiê txo grêk tsơưs txiêz nanv lox tôngv, hâux lưv uô”, sâuv thax tsav tỉnh Lào Cai zuôr muôx ntâu huôx tôngv uô ntêx thiêz hâur ntu tâu uô hli huôx tôngv lok ngaz tuk, vêv xênhz lox tôngv shông 2018 (1/5-31/5). Lơưr co, chor cơ quqn, taz viv, doanh nghiệp zuôr tsưr tsix uô yax kriê lok ngaz tuk lox tôngv, vêv xênhz lox tôngv lơưr tsênhv njiêz hâur hli lox tôngv. Tsưr tsix qênhz yuôx nhoz chor nganhx, hâux lưv uô phiv liv siêz lok ngaz tuk lox tôngv, hâux lưv uô li uô têx chuôz lov cxiv tsa; sir zôngv lâux kâuz pa, chuôz zênhx gra, hav kuôr hlâu, uô hâux lưv hâur têx qơư grêiv…Chiê hli ngaz tuk, vêv xênhz lox tôngv tâu uô muôx chêx cur, UBND tỉnh hêik tsưr tsix chor huôx tôngv tsuv ndar lok têx doanh nghiệp, qơư uô xênhz yar, kinh doanh, nênhs lox tôngv, taz por tâu uô jông, tsik chuê tuôr xuôv./.

(KT-Lik Thox cxêik nhênhv)

Zơưv Phạm Minh Tiệp, Phưv chủ tịch Ub xã Thanh Chăn, huyện Điện Biên tỉnh Điện Biên puz pâuz: Thâuv 4 six zar hnuz keix hnuz 30/3, 2 lênhx mê nhuôs zos Lường Thị Ngân xênhz shông 2008 thiêz Lường Văn Cường xênhz shông 2010 nhoz tuêv 14, jos Pa Lếch, xã Thanh Chăn lơưr niêv thiêz txir mul uô liêx, đhâu co chiv chir nhiês mul ntơưv pas đêx liv Pa Lếch chiê uô si. 20 phênhz đhâu tsi pov mê nhuôs, tix lâuk Lường Văn Thu đros thiêz têx lênhx nênhs hâur chuôz zis tưz mul nriêr thiêz pov 2 tul mê nhuôs trâus pôngz trâu hâur đêx. Viv tsênhv zâu, tsi txơưx luôv đêx, ho nriêr pov lis viv li 2 tul mê nhuôs puôr lênhx tuôs tiv uô tsi tâus pa./.

(Vũ Lợi-Txâur Vax cxeik nhênhv)