Cik txos txuz uô zuôv chêi thik tưr cơưv tiêr ntơưr cxênhx pêz têz qơưk shông 2018 ntơưv tỉnh Sơn La, đhâu ntâu hnuz nriêr pâuz, xav jênhv, zar hnuz kêix 31/7, Cơ quan An ninh qênhz yuôx Công an tỉnh Sơn La tưz piz khởi tố 5 lênhx nênhs, hâur co cxov cơư tsês 3 lênhx nênhs, puôr lênhx zos cán bộ hâur nganhx Zoz zux-Thox cxov tỉnh Sơn La. Txuz hâux lưv no tưz txêik tâu chôngz lênhx nênhs tsov cưv txos, tiv zix zos chor nênhs tsênhv uô nênhx nhoz thiêz uô hâux lưv ntơưv tỉnh Sơn La. Lênhx cưk kriê ntơưr ưu tú Trần Luyến, 79 shông, Chủ tịch Hội cxơưz cxiz cơưv ntơưr tỉnh Sơn La hêik pôngz siêz hlo thâuv njiê pov tâu chor nênhs đros uô côngz xưv li zuk njiz trâus têx kror tsik jông li co.

“Tas nro jiês thik tưr nhoz Sơn La mak zênhx liv. Nhiv no 97% shux xênhz tâu côngz jênhv cơưv tiêr ntơưr, zos tiêk muôx 97% zos thik tưr tâu, tsuôk muôx 3% zos uô tsik tâu, tsik zos tas nro hur si. Viv li, nhiv no pêz tok khov trâu cơ quan qênhz yuôx kror uô ndax ndênhk, tsik zos muôx yưv iz kror li co mak ntâuk gri tiêk cêr huôv tsar zoz zux nhoz Sơn La zos tsik jông. Tsik zos li co”./.

(TTTB-Lik Thox cxêik nhênhv)

Thâuv Sở zaoz thôngz vênhv teiv thiêz Sở cxiv tsa sik côngv yênhx iz chiz coaz zos Sở zaoz thôngz vênhv teiv-cxiv tsa tỉnh Lào Cai, nhiv no muôx 10 phongx chuyên môn, nghiệp vụ; 1 tuêv nhoz Sở zos chi cục seiz car cxiv tsa; 6 taz viv sự nghiệp nhoz Sở, 1 taz viv sự nghiệp nhoz chi cục zos Tsênhv qơư seiz car tsơưr lươngv cxiv tsa; 2 taz viv sự nghiệp nhoz phongx zos Trạm coar lik vênhv teiv trôngx đriv ntiêx têz thiez Trạm qênhz yuôx yêz thâux hnhar mul lol sâuv tỉnh Lào Cai. Lok cơ cấu tsưr tsix, bộ meir tưz yênhx trus tâu ngaz tul. Hâur huôx tôngv chuyên môn, Sở tưz sir jos uô jông jênhv vưv coar lik têz qơưk lok zaoz thôngz, cxiv tsa sâuv thax tsav tỉnh; thôngx cxix heik, gôngr ziv chênhv lok têx côngz tsinhx, dự anr coaz tsôngv hâur tỉnh, tuôv zênhv tsôngv box li zoz qơưx..../.

(KT- Txâur Vax cxeik, nhênhv)

Công an tỉnh Yên Bái nhiv kruôr sik côngv đros lưx lươngv sêiz car ciêz đrôngs hlơưr phâuk por tsês xar muôx 112 cxênhz luz kê kêiz zos Trung Quốc uô, tsik txâuk tsar tov muôs sâuv ciêz đrôngs, tas nro tsiv gri muôx 200 triệu đêiv ntâu.

Chor kê kêiz co thâuv tsênhv tâu thâux sâuv txos cêr muk chênhr Nội Bài-Lào Cai. Txos qơư qênhz yuôx, nênhs tsar yêz zos tsưr hax huv hu uô Nguyễn Công Cường, zus shông 1996, nhoz ntơưv huyện Ba Vì, TP Hà Nội thâux chor kê kêiz co txix Lào Cai lok Vĩnh Phúc chiê muôs, tsik muôx ntâuz ntơưr hêik pâuz qơư uô têx kê kêiz co. Chor lưx lươngv txơưx jênhv tưz khởi tố txuz án co chiê uô tsênhz mênhx lơưr cêr chêi têz qơư li cuiz tênhv./.

(Tuấn Xuân-Lik Thox cxêik nhênhv)

Cxôngx hâur cheix ntux lol nas txos nhiv no, tưz muôx yênhx châuv cei cêr zaoz thôngz xã, jêx jos, tỉnh txuôk tsênhv qơư huyện Sìn hồ thiêz đrôngs Lai Châu trâus zênhr shar tiv đêx nas. Njuôs xav muôx 50 cxênhz ntâu yiv đruôz ar, poz jêz trâus poz, vôngz thiêz tar cêr uô mul lol tsi tâu txos iz cxiê xã, jêx jos nhoz Sìn Hồ. Iz cxiê ntu cêr li cêr mul Làng Mô- Tủa Sín Chải- Chăn Nưa, Nậm Tăm thiêz têx xã thax tsav kis nhoz huyện Sìn Hồ trâus ruôr hiêv hnhar tiv ntux nas. Tiv mul tsi tâu txos viv li hâux lưv khưx phưx njiz ntâu phêv liv. Huyện tưz chox kriê têx chiz coaz chuyên môn chuôz tsar tsưr ziv taz por zaoz thôngz hâur six hơưv nzor tiv zix./.

(KT-Txâur Vax cxeik, nhênhv)