Đhâu iz luz hli ntâu uô hâux lưv, 9 qơư sêiz jor y têr liên nganhx phax tar moz Covid-19 nhoz Yên Bái tưz tso tsês tsik uô hâux lưv trâu zar hnuz kêix 2/3.

Pos Vũ thị Hiền Hạnh, Phưv chủ tịch UBND tỉnh Yên Bái puz pâuz: chor qơư sêiz jor y têr liên nganhx cấp tỉnh tso tsês tsik uô hâux lưv trâu thâuv 4 six 30 phênhz zuôr tsâuk ntux, khov lơưr qênhx shênhx caz moz, tỉnh zuôr muôx cuêz tênhv uô đuô hâux lưv trâu chor qơư sêiz jor caz moz zos muôx yưv têx phiv liv lox. Txix hnuz 29/1 txos nhiv no, iz hnuz, chor qơư sêiz jor y têr nhoz sâuv thax tsav tỉnh Yên Bái co tưz qênhz yuôx xar muôx 3.000 txos 5.000 jiês yêz muk lok, njuôk shuôk đas jos thiêz hêik pâuz y têr xar muôx 8.000 txos 15.000 lênhx nênhs, hâur co muôx yênhx cxênhz lênhx nênhs txix têx qơư muôx caz moz lok đhâu./.

(Thừa Xuân-Lik Thox cxêik nhênhv)

Ủy ban bâux xeir tỉnh Sơn La nhiv kruôr tso tơưv Nghị quyết lok hâux lưv xeir chor qơư bâux xeir, bê têx taz viv bâux xeir, chor đại biểu HĐND tỉnh tâu bâux xeir nhoz têx qơư bâux xeir six cxiv 2021-2026. Iz chas ntơư, chor đại biểu HĐND tỉnh tâu bâux xeir zos 65 lênhx đại biểu, têx qơư bâux xeir hâur tỉnh zos 17 qơư; têx qơư bâux xeir sôr 1, 4 thiêz 9 nhoz hâur đrôngs Sơn La thiêz chor huyện Yên Châu, Mường La tâu bâux xeir đại biểu ntâu đuô hur si, iz qơư 5 lênhx đại biểu. Uô ntêx ntơư, Ủy ban MTTQ VN tỉnh Sơn La cux tưz tsưr tsix cơưv shâuv cxaz nzir lok têx zuôr trâul txos, kriê tsưr ziv heik kriê lênhx nênhs ứng cử đại biểu HĐND tỉnh thiêz uô ntâuz ntơưr ứng cử đại biểu HĐND tỉnh trâu têx cơ quan, tsưr tsix, taz viv muôx lênhx nênhs tâu heik kriê ứng cử đại biểu HĐND tỉnh khóa 15, six cxiv 2021-2026 thiêz Chủ tịch Ủy ban MTTQ VN chor huyện, TP li têx lênhx hlôngr njêx muôs hâu nov thiêz canr bôv nhênhz chơưv uô hâux lưv tsưr tsix. Zơưv Vi Đức Thọ, Chủ tịch Ủy ban MTTQ VN tỉnh Sơn La heik:

“Jiês cơưv no tsưr ziv chênhr, zos chiê kriê tsênhz đuô têx tsi tâu tâu mênhx hâur têx ntâuz ntơưr heik kriê, viv hâur chei bâux xeir Đại biểu Côx hôiv thiêz HĐND cxuô cấp, cux iz zav li Nghị quyết liên tịch sôr 09, Nghị quyết sôr 1186, Ủy ban Thường vụ Côx hôiv, 3 zav ntâuz ntơưr no muôx iz cxiê tsênhv njiêz tsi tâu tâu mênhx, viv li thâuv uô, ntâu qơư cux nus txos. Iz zav li ntơưv Ban hâu nov cơưv chiê heik kriê lênhx nênhs ứng cử đại biểu chiê muôz tso trâu hâur jiês cơưv cử tri mak “Ban hâu nov” nhiêk to tâuz txơưr lơưv nhiêk tsi siz thôngx, tsuv phênhz thiêz heik mênhx, lơưr thiêx pâuz tsênhz”./.

(Trấn Long-Riê Lâux cxeik, nhênhv)

Txix hâur chiêx ntux kruôr shông 2021 txos nhiv no, sâuv thax tsav tỉnh Lai Châu tưz muôx yưv 5 txuz hluôr tơưk cuz jôngr ntơưv têx huyện Phong Thổ, Tam Đường, Than Uyên. Chiê phax tar jông cuz  tox, cuz jôngr, tỉnh Lai Châu tưz heik chor lưx lươngv uô truôx jông 40 kror qơư sêiz jor lav uô thiêz 15 qơư sêiz jor truôx ntơưv têx jôngr ntông nhoz buôs ti đros tỉnh Lào Cai chiê qênhz yuôx nênhs muk lok trâu hâur jôngr; pov nzor muôx hluôr tơưl cuz jôngr, chiê txo grêk tsơưs tiv zix têx trâus hiêv tiv cuz tox cuz jôngr uô muôx yưv ntơưv têx thax tsav jôngr nhoz vax jôngr Têz qơưk Hoàng Liên Sơn. UBND tỉnh Lai Châu hêik têx huyện, thành phố tso nênhs sêiz jor yênhx hnuz hmo chiê sêiz shuôk, nriêr pâuz xor mông hêik pâuz lok cuz tox, cuz jôngr, chiê muôx tsưr ziv phax tar, tuô hluôr tơưl cuz jôngr tsênhv tsênhz huv đros trâu yênhx thax tsav zuôr zôngx ziv trâus cuz jôngr siêz./.

(Khắc Kiên-Lik Thox cxêik nhênhv)

Iz lênhx nênhs nhoz ntơưv jok 1 Minh hạ, xã Minh Lương, huyện Văn Bàn, tỉnh Lào Cai nhiv kruôr trâul bluô đhâu fax thâux tsi trơưk chei 2 cxênhz txox hluô ntiv cêr yuôx cuz tơưs chiê pâur zuôr nhiêx côngk zos 2 tsov đeiv. Lênhx nênhs co zos Hoàng Quốc Thủy, xênhz shông 1966. Thủy krêz lênhk tiêk, uô ntêx ntơư, thâuv 4 six zar zuôr tsâuk ntux hnuz xiêz 6/2, Thủy njiz iz lênhx pox niêv, bê hu uô Hương ntơưv thax tsav har shôngz iêz hâur xã Minh Lương. Đhâu ntơư, Hương ntiêr Thủy tok yêz kruô Yên Bái đhâu Minh Lương paz Hương lênhk nhav 2 far hax huv  zos 2 cxênhz txox hluô ntiv cêr yuôx cuz tơưs thiêz thêv côngk trâu Thủy 2 tsov đeiv. Taz sik, thâuv nhiv kruôr txeik tâu huv sâuv yêz kruô gra lok hâur tsêr, Thủy txơưv trâul lưv lươngv muôx vax huôv qênhz yuôx, ntêk tâu. Nhiv no, txuz hâux lưv co tsênhv tror tâu qênhz yuôx, uô tsênhz mênhx./.

(An Kiên-Riê Lâux cxeik, nhênhv)