Huyện Tân Uyên, tỉnh Lai Châu nhiv kruôr tsưr tsix cơưv shâuv tsưr ziv phax tir thêir hluôr tơưk cuz jôngr, zok nriêr chơưv paz lênhx nênhs shông 2018.

Đros thiêz tsưr ziv shâuv, ntu ntux kruôr gis ntêr, iz cxiê chuôz zis tsôngv box hlơưr têz tiv tsi ndo seiz jông tưz uô hluôr tơưk txeil chis cuz trâu har jôngr. Têx lênhx nênhs yuôx jôngr qênhz pov thiêz heik trâu sđ pâuz lok hluôr tơưk cuz jôngr ntơưv jok Suối Lĩnh A thax tsav jôngr ntông. Tsar jok Suối Lĩnh A hu sđ thiêz kriê têx lênhx nênhs ntơưv qơư tuô hluôr tơưk, chơưv paz têx lênhx trâus moz trâus saz tiv hluôr tơưk cuz jôngr uô. Lưv lươngv hâur xã chuôz tsar sir zôngv têx chuôz zênhx uz no sik đros tuô hluôr tơưk, luôx cêr cêv hluôr tơưk tsi chiê txeik chis cuz đar trâu cxiê qơư./.

(KT-Riê Lâux cxeik, nhênhv)

Tỉnh Đoanx Điện Biên  nhiv kruôr đros văn phôngx sêiz car chor nênhs chêix yêz muk lok tâus cêr tỉnh, công an zoz thôngz, Thanh tra sở zoz thôngz tsưr tsix tưr thi fuô yax kriê chêi zoz thôngz trâu chor hluôk hâur thax tsav tỉnh shông 2018. Hội tưr thi shông no, muôx 11 huyện, thành đoanx, muôx 102 lênhx zos cán bộ đoanx thiêz shuv xênhz. Suôx câuv hâur jiês tưr thi, Ban tsưr tsix tưz muôz huv puz trâu chor tưr tâu hov  iz hov oz hov pêz nhoz iz cxiê huyện hâur thax tsav tỉnh Điện Biên./.

(Tsu cxêik nhênhv-KT báo Điện biên)

Đhâu jax sâu heik lol 2 lênhx cưk kriê ntơưr ntơưv tsêr cơưv jok Cam, nhoz tsêr cơưv cxênhx nhuôs zâu Ban Mai, xã Gia Phú, huyện Bảo Thắng, tỉnh Lào Cai tsuv nhoz hâur tsêr cơưv iz ciêz tu zus, kriê 12 lênhx nhuôs zâu nox nhoz hâur tsêr cơưv txov nhêv njuôr, muôx tsi txâuk cxuô zav, ntâu lênhx nênhs siêz jông tưz sik côngv tês, siz chos paz trâu cưk kriê ntơưr thiêz shux xênhz hâur tsêr cơưv.

(An Kiên-Riê Lâux cxeik, nhênhv)

Ntơưv jos Hoàng Mã, xã Chiềng Khoong, nhoz puôz ntus đriv Quyết Tiến, xã Nà Nghịu, huyện Sông Mã, tỉnh Sơn la, tưz muôx yưv iz txuz lênhx nênhs pôngz đêx, uô iz lênhx nxêik trâus plox nriêr tsik pov. Zơưv Lò Văn Xuân, chủ tịch uỷ ban xã Nà Nghịu, huyện Sông Mã hêik pâuz: Hâu nov xã Nà Nghịu tưz tso lực lươngx dân quân, công xã đros trâu tsôngv px sđ muk zok nriêr taz sik cux zok nriêr tsik tâu.

 “Txêik tâu mông, xã tưz chox car công an viên, Ban tuz lênhv xã đros trâu công an thiêz px zok nriêr, taz sik cux tsênhv nriêr tsik tâu tâu. Đros ntơư, pêz cux hêik trâu hâu nov Ban sêz car tir thêir nas chuô huyện pâuz thiêz đros zok nriêr, taz sik cux tsênhv zok nriêr tsik tâu tâu”./.

(Tsu cxêik nhênhv-Trấn Long)