Đinh Tuấn, nênhs sâu xor xưv Đaix TNVN iz suôv faz Bắc nhoz ntơưv Yên Bái xa mông: Coz nas chuô lox hmo 2/3 tưz uô đêx ngaz ntâu ntu cêr, uô puôk tsuôx vax tsêr, ntông lor vâu, tsik muôx tênhv sâuv tas nro thành phố Yên Bái. Nas piz lok txix thâuv 7 six 30 phênhz tsâuk ntux đros lok lơưs. Tênhv tsik muôx, thành phố Yên Bái tsâuk ntux nti đros muôx ntâu tsoz ntông lor vâu, cxuô zav trâus chuô yuôz za tas trâu cxiêx qơư…Lơưr pêx xênhv tiv phaz, tsơưs jiês thiêx pov muôx ntux nas chuô lox li no. Ntux nas chuô tưz uô vax tsêr puôk tsuôx tas, đêx ngaz lok hâur tsêr, uô phiv liv txos luz nênhx….Nhiv no lưx lươngv txơưx jênhv tsênhv suô txiêr têx ntông lor vâu trơưk têx cêr, sêi đrơưv khưx phưx têx phiv liv txix jiês ntux nas chuô no. Đrâuv Yên Bái, ntux nas chuô tsênhv uô hiêv ntơưv têx tỉnh txơưr hâur thax tsav Tây Bắc. Nriêr pâuz lok têx trâus hiêv zuôr tâu pêz xa trâu sơưr đơưk pâuz hâur têx tsaz yênhx tov kaz./.

(Đinh Tuấn-Lik Thox cxêik nhênhv)

Bích Thủy, nênhs sâu xor xưv Đaix TNVN thax tsav faz Bắc ntơưv Sơn La xa mông: Bôv đôiv Pênhz phax  tỉnh Sơn La nhiv no tsênhv jênhv tu zus 82 lênhx nhuôs, hâur co muôx 10 lênhx zos têx tuz nhuôs nhoz chor jêx jok buôs ti ntus đriv têz qơưk Lào txos cơưv tas lớp 12 đros iz lênhx nhuôs 500 cxênhz đêiv iz hli. Đuô li, 10 lênhx nhuôs tsênhv tâu tu zus ntơưv têx zênhx pênhz phax sâuv thax tsav trơưk tsưr ziv “tuz nhuôs puôs Zênhx pênhz phax”. Phênhv nhiêx paz zos muôz txix chor cán bộ, chiến sĩ li chor nhiêx hli. No zos iz hâur têx hâux lưv uô tsênhv tsênhz, muôx tsiv gri chiê paz trâu chor shux xênhz muôx luz nênhx txov nhêv tuôx cơưv ntơưr. Trung tá Đào Mạnh Tưởng, Phưv chủ nhiệm Chính trị Bôv đôiv pênhz phax tỉnh Sơn La puz pâuz: “Chiê uô tâu jông tsaz yênhx “paz trâu chor nhuôs tuôx cơưv ntơưr”, “tuz nhuôs puôs zênhx pênhz phax” mak Bôv đôiv pênhz phax Sơn La cơ quan Chính trị pêz zuôr hêik trâu Đảng ủy Bôv chỉ huy Bôv đôiv pênhz phax tỉnh tror kriz uô tsưr ziv txix hêik chor tsưr tsix, tiz nênhs nhoz cxiê qơư hâur thiêz đrâuv tỉnh sik đros paz trâu chor nhuôs. Thiêz tsưr ziv uô têx hâux lưv no mak zuôr sir jos uô cov hlôngr yiêz jông đuô”./.

(Bích Thủy-Lik Thox cxêik nhênhv)

An Kiên, nênhs sâu xor xưv Đeix TNVN nhoz faz Tây Bắc ntơưv Lào Cai xa mông: Sở zoz zux thiêz thox cxov tỉnh Lào Cai thôngz sâu heik pâuz, hâur hnuz xuz thơưx tror tuôx tsêr cơưv kriê thiêz cơưv ntơưr xav txix đhâu thâuv so ntêr hnuz tiv moz Covid-19 uô hiêv txos, têx shux xênhz tuôx cơưv cux chôngz lênhx. Tsênhv tsênhz, hâur hnuz xiêz 2/3, tưz muôx 18 cxênhz ntâu lênhx shux xênhz hâur 40 ntâu tsêr cơưv cxênhx 3 thiêz Tsênhv qơư zoz zux hâux lưv uô-zoz zux thường xuyên hâur tas nro tỉnh tror muk cơưv, tâu 94% ntâu. Sở zoz zux thiêz thox cxov tỉnh Lào Cai chox kriê cxuô tsêr cơưv, tsênhv qơư tsuv muôx têx tsưr ziv qênhz shuôs jông, seiz kaz đas jos têx cưk kriê ntơưr, shux xênhz, canr bôv, nhân viên, lênhx nênhs mul lok hâur cxuô thax tsav qơư. Hâur six hơưv moz tsênhv huôv xênhz phiv liv, mak tsi tâu tsưr tsix trâu tas nro tsêr cơưv uô têx hâux lưv uz no saz đrâuv jôngr uô cê chôngz nênhs, phênhz trơưk yênhx lớp, tsi chiê shux xênhz cơưv, nhoz saz đrâuv têx tsêr cơưv....../.

(An Kiên-Riê Lâux cxeik, nhênhv)

Vũ Lợi, nênhs sâu xor xưv Đaix TNVN iz suôv faz Bắc ntơưv Điện Biên xa mông: Điện Biên zos tỉnh muôx ntus đriv buôs ti Trung Quốc thiêz Lào lok six ntêr, muôx trôngx đriv, cêr zâu thiêz cêr lox Apa chải. Chiê tir tar moz Covid 19, Chính quyền huyện ntus đriv Mường Nhé tưz kriz uô iz qơư cêv kuôk ntơưv xar Mường Toong, 2 qơư qênhz yuôx njuôk shuôk moz ntơưv 2 kror qơư cêr lox Apa Chải thiêz ntu cêr siz yuôv Sen Thượng. Hâur ntu no, huyện Mường Nhé tưz tso quân đội, y têr sir jos uô hâux lưv, chiê chox chor nênhs lox tôngv txix Trung Quốc lok trâu qơư cêv kuôk thiêz sêiz shuôk đas jos. Txix hnuz 5/2 txos nhiv no, tỉnh Điện Biên tưz cêv kuôk 66 lênhx nênhs lox tôngv Việt Nam txix Trung Quốc tror lok, hâur co muôx 9 lênhx nênhs tưz đhâu 14 hnuz thiêz tưz tâu lok trâu tiv phaz. Nhiv no chor nênhs Việt Nam muk uô lox tôngv saz Trung Quốc lok đhâu ntus đriv cux tsênhv muôx chôngz, huyện Mường Nhé lok six vav tiêk zuôr muôx nzir chuôz zênhx cxuô zav chiê uô cov tâu jông đuô côngz xưv phax tar moz Covid 19./.

(Vũ Lợi-Lik Thox cxêik nhênhv)