Bí thư Trung ương Đảng, Chủ tịch Ủy ban Trung ương mặt trận têz qơưk Việt Nam Trần Thanh Mẫn nhiv kruôr muôx jiês njiz chor pêx xênhv thiêz dự hnuz hôiv niêv côngv siêz tas nro mênhx cxưx shông 2019 ntơưv jok 5, xar Mường Giàng, huyện Quỳnh Nhai, tỉnh Sơn La. Jiês no, chủ tịch Ủy ban Trung ương mặt trận têz qơưk Việt Nam tưz khơưk muôz huv trâu tập thể jok 5 thiêz khơưk muôz huv trâu 20 ziv chuôz zis; thôngx cxix, paz uô tsêr niêv côngv siêz trâu 5 ziv chuôz zis, đros tsiv gri muôx 40 triệu đêiv iz ziv chuôz zis./.

(Báo Tin tưc-Lik Thox cxêik nhênhv)

Đhâu 10 shông krêz uô tsaz yênhx tu zus njês hâur vax xor their hâur pas đêx tênhv Sơn La, txos nhiv no, tas nro tỉnh muôx 7 cxênhz 500 vax xor their tu zus njês, iz shông tax 4 cxênhz 500 tênhr, phênhv sâu tax zuôr xar 240 tỷ đeiv. Ntơưv huyện Mường La tưz huôv tsar tâu 840 qơư tu zus cxuô zav njês. Fênhx pheiz iz vax sâu tâu 15 txos 20 tsov đeiv iz shông. Huyện cux tưz muôx 1 doanh nghiệp, 4 HTX tu zus njês hâur vax, hâur co 1 doanh nghiệp thiêz 1 HTX tâu côngz jênhv VietGap, 2 HTX tâu cungz jênhv sir zôngv bê njês niêv đêx Đas. Zơưv Nguyễn Văn Bắc, Phưv chủ tịch UB huyện Mường La puz pâuz:

“Hâur six hơưv zuôr txos pêz zuôr tror chox kriê cấp ủy, chinhr quyênx têx xã, thị trấn tuôr truôx hâux lưv tu zus njês nhiv no, heik kriê pox nhuôs huôv tsar cxaz chor vax xor their tu zus njês. 2 zos nhiv no njês niêv đêx Đas tưz tâu côngz jênhv; hâur six hơưv zuôr txos pêz zuôr thix ziv 2 HTX thiêz tâu côngz jênhv bê njês niêv đêx Đas. Chêx chôngk trâu hâux lưv paz txưv chiê muôv muôs thiêz tror nriêr qơư sâu zuôr xiv huv njês sâuv niêv pas đêx tênhv Sơn La”./.

(Thu Thùy- Txâur Vax cxeik nhênhv)

Hnuz 3/11, ntơưv tsêr kho moz đa khoa Điện Biên, Cuiv paz trâu nhuôs zâu tỉnh sik côngv đros tsêr khoz moz plơưr Hà Nội thiêz tsêr kho moz Đa khoa tỉnh tsưr tsix tsaz yênhx njuôk shuôk moz plơưr trâu xar muôx 600 lênhx nhuôs zâu.

Lơưr co, tas nro têx nhuôs zâu txix 0-16 shông sâuv thax tsav tỉnh xav tiêk trâus moz plơưr zuôr tâu njuôk shuôk tsik tas nhiêx txiêx thiêz tâu têx bác sĩ hêik kriê tsưr ziv chơưv kho. Đhâu tsaz yênhx chiê pov nzor moz plơưr nhoz nhuôs zâu chiê muôx tâu tsưr ziv tir tar thiêz chơưv kho ndar six hơưv. Đros chor nhuôs zâu tâu hêik pâuz tsuv fêik kho zuôr tâu tsêr kho moz plơưr Hà Nội fêik kho tsik tas nhiêx txiêx. Uô ntêx co hnuz 2/11, tsaz yênhx tưz tâu uô ntơưv tsênhv qơư y têr huyện Tuần Giáo đros muôx 380 lênhx nhuôs zâu cxaz chuôz njuôk shuôk moz. Muôx 14 lênhx nhuôs tâu hêik pâuz tsuv fêik kho moz plơưr./.

(Vũ Lợi-Lik Thox cxêik nhênhv)

Xor mông cxôngx Ban chỉ huiz phax tar ntux nas- nriêr chơưv nanv xã An Lương, huyện Văn Chấn, tỉnh Yên Bái: Thâuv 7 six tsâus ntux hnuz 31/10, tix lâuk Hơưx Xênhv Zax xênhz shông 1970 nhoz jos Khe Cảnh, xã An Lương, thâuv mul uô hâux lưv lol đhâu tul đêx Thia môngr tsi jông trâus đêx cuôr yôngz lơưv. Ciês thâuv jênhv tâu xor mông, chinhr quyênx xã tưz huiz tôngv lênhx nênhs ntơưv qơư đros chuôz zis sir jos nriêr, taz sik tsi tâu nriêr pov. Zơưv Lộc Văn Đoàn, Phưv chủ tịch UB xã An Lương puz pâuz: Thâuv muôx yưv txiêz nanv, sâuv thax tsav tsi muôx ntux nas, đêx ntưs fênhx yax taz sik tiv tix lâuk Hơưx ntos trâu hâur đêx thiêx li trâus đêx cuôr lơưv. Têx lưx lươngv nhiv no tưz kriêz đar qơư nriêr sâuv tul đêx Thia./.

(TTTB-Txâur Vax cxeik nhênhv)