Lơưr Ban sêiz car qơư kinh tế trôngx đriv Ma Lù Thàng, shông 2016 thiêz 6 luz hli shông 2017, tas nro chor yêz thâux đra muk lok đhâu trôngx đriv Ma Lù Thàng xar muôx 23 jiês; tas ro chor nhiêx sâu tâu thêv trâu nhiêx txiêx têz qơưk 70 triệu đêiv. Tsiv gri muôs tơưv saz đrâuv têz qơưk đhâu chor trôngx đriv hâur hli 9 shông 2017 xar muôx 10 triệu USD. Chiê phuôx huiz kror liv trâu trôngx đriv, UBND tỉnh Lai Châu tưz kriz uô cêv kuôk cxiv tsa qơư kinh tế trôgxx đriv thiêz sêiz no zos iz kror jông hâur hlôngr đuô cơ cấu kinh tế nhoz tỉnh./.

(KT-Lik Thox cxêik nhênhv)

Sở zaoz zux thiêz thox cxov Điện Biên li Hội đồng xeir zuôr viên chức shông cơưv 2017-2018 tso tơưv tsưr ziv xeir zuôr viên chức têx taz viv sự nghiệp nhoz Sở zaoz zux thiêz thox cxov shông cơưv 2017-2018 đros tas nro 54 lênhx cưk kriê THPT. Hâur co muôx 4 lênhx cưk kriê Ngữ văn, 4 lênhx cưk kriê Địa lý, 3 lênhx cưk kriê Toán, 6 lênhx cưk kriê Vật lý, 4 lênhx cưk kriê Hóa học, 8 lênhx cưk kriê Sinh học, 4 lênhx cưk kriê Thể dục, 16 lênhx cưk kriê lul Anh, 2 lênhx cưk kriê lul Trung Quốc, 3 lênhx cưk kriê chuyên ngành zaoz zux chinhr trị. Xeir zuôr lơưr tsưr ziv thik lok sik xeir zuôr tsov cưv. NJiêz luv thik xeir zuôr muôx: thik yênhx tưv cxuô; thik chuyên môn, nghiệp vụ chuyên nganhx; thik lul đrâuv luôk oz chas têz qơưk; tin học văn phòng./.

( KT-Txâur Vax cxeik nhênhv)

4.770 ntâu txuz muôl muôs hax huv chuôr, tsik taz por tsơưr lươngv tưz tâu lưx lươngv sêiz car ciêz đrôngs tỉnh Sơn La sik côngv đros chor lưx lươngv txơưx jênhv pov thiêz xưv lik txix thâuv hâur shôngk shông txos nhiv no. Tas nro chor nhiêx xưv bluô muôx 19 tiv 330 triệu đêiv. Hax huv chuôr sâuv thax tsav zos chor hã xhuv li chơưrm bia, đêx kaz jiz, zênhz nzêik, khâu, chor zav uô khax…hax huv chuôr tsik so zos chor hax huv li mì chính, yuôx tsâus tâuz hâu, xà phòng nxuô khâuz ndơưk, têx zav chuôz zênhx yêz mêir. Tror tsav txênhz đros chor nênhs pham v cxâuv hâur chor hlik kaz shông, zơưv Nguyễn Viết Thông, chi cục phưv chi cục sêiz car ciêz đrôngs tỉnh Sơn La puz pâuz:

“Chi cụ sêiz car ciêz đrôngs sir jos côngz xưv yax kriê cêr chêi trâu chor qơư kinh doanh. Tror qênhz yuôx, yax kriê chor hax huv txưr kinh doanh thiêz kinh doanh muôx tsar tov. Chuôz cxaz qênhz shuôk thâux hax huv muk lok. Uô jông sik côngv đros lưx lươngv txơưx jênhv. Uô jông côngz xưv sêiz car thax tsav, côngz xưv qênhz yuôx xav jênhv, pov nzor chor nênhs phamv cxâuv, uô qênhz yuôx thiêz xưv lik truôx lơưr cêr chêi têz qơưk li cuiz tênhv”./.

(Bích Thủy-Lik Thox cxêik nhênhv)

Nhiv kruôr đhâu, ntơưv cei cêr 142 cêr mul chênhr Nội Bài- Lào Cai, ntu đhâu xã Xuân Ái, huyện Văn Yên, tỉnh Yên Bái tưz muôx yưv txuz txiêz nanv zaoz thôngz zov chênhr hâur 3 luz yêz uô 1 lênhx nênhs tuôs, 3 luz yêz trâus puôk tsuôx hnhar. Lơưr xor mông qir thơưx cxôngx lưx lươngv cảnh sát zaoz thôngz huyện Văn Yên, tỉnh Yên Bái: Thâuv co iz luz yêz tsênhv đrês sâuv cêr đrês yêz txơưv trâus iz luz yêz đrâu trâu tov kaz, đhâu co tror muôx iz luz yêz txơưr đrâu trâu tov kaz luz yêz tiv 2. Qir tiv uô muôx yưv txiêz nanv tsênhv tâu lưx lươngv muôx txơưx jênhv qênhz yuôx uô tsênhz mênhx./.

(KT- Txâur Vax cxeik nhênhv)