Khắc Kiên nênhs sâu xor xưv nhoz Đeix nta suôz VN thax tsav Tây Bắc tso mông: Thâuv 4 six 30 phênhz zar hnuz keix hnuz xiêz 3/3, iz jiês lok lơưs thiêz chuô lox tror muôx yưv nhoz thành phố Lai Châu, uô ruôr hiêv hnhar txos tsêr nhoz, kôngz lôngk cxuô zav sâuv thax tsav. Tiv zix, iz cxiê qơư li phường Đông Phong, xã San Thàng pov muôx lok lơưs lox, chuô lox, uô hiêv txos pox nhuôs li ntâu tsoz chos cxuô zav. Yuôr thôngz sâu ruôr hiêv nhoz ntơưv 2 huyện Tân Uyên thiêz Phong Thổ tưz muôx 530 ntâu ziv chuôz zis tsêr trâus zơưk trur; 70 hecta ntâu blêx liêx, yuôx zêx thiêz tsoz chos cxuô zav trâus ruôr hiêv...njuôs xav ruôr hiêv 6 tỷ đeiv ntâu nhiêx. Nhiv no luôs hâux lưv khưx phưx thiêz thôngz sâu têx ruôr hiêv tsênhv tâu chinhr quyênx têx tiv phaz chox car uô./.

(Khắc Kiên-Txâur Vax cxeik nhênhv)

Thu Thùy zos nênhs sâu xor xưv Đaix TNVN ntơưv Tây Bắc xa mông: ntux nas chuô đros lơưs lok sâuv thax tsav tỉnh Sơn La hâur hmo 2/3 thiêz têis cik 3/3 tưz uô hiêv ntâu txos têx vax tsêr, cxuô zav. Njuôk xav txos 4 six zar hnuz kêix 3/3, tas nro tỉnh muôx 317 luz tsêr trâus puôk tsuôx, hâur co muôx iz luz tsêr trâus poz vâu tas hur si. Ntux nas chuô cux tưz uô 1,3 ha ntâu blêx, yênhx châuv cxênhz yiv ndis têz jâuz krưr trâus puôk tas, muôx nhos 300 ntâu ha ntông nox txir trâus ruôr hiêv, zuôr xar 200 tuk tsiêx cxu trâus đêx cuôr yôngz. Đuô li, muôx iz luz fuôz mêir thiêz 2 luz tsêr cơưv ntơưr trâus puôk tsuôx. Têx trâus hiêv co lơưr njuôk xav xuz thơưx tas muôx 10 tiv đêiv ntâu./.

(Thu Thùy-Lik Thox cxêik nhênhv)

Lơưr Ban chox kriê phax tar ntux nas thiêz nriêr chơưv paz lênhx nênhs tỉnh Yên Bái, xav txos zar hnuz keix hnuz đhâu, ruôr hiêv tiv chuô lox thiêz lok lơưs sâuv thax tsav chuôz ndê, muôx 6 lênhx nênhs trâus saz, ruôr hiêv lok kinh têr muôx nhos 18 tỷ đeiv. Tas nro tỉnh muôx zuôr xar 3 cxênhz 500 luz tsêr cơưv trâus puôk tsuôx, hâur co muôx 4 luz tsêr nhoz huyện Yên Bình trâus poz vâu tas hur si. Lok kôngz nuv muôx zuôr xar 147 hecta blêx liêx, tsoz chos cxuô zav trâus ruôr hiêv. Chuô lox cux uô 32 tul ndêx tênhv lor; ntâu côngz tsinhx cxuô zav trâus ruôr hiêv; hâur co muôx 16 luz tsêr cơưv, 8 cơ quan, côngz tsinhx, tsêr vênhx huôv trâus ruôr hiêv./.

(Đinh Tuấn-Txâur Vax cxeik nhênhv)

An Kiên zos nênhs sâu xor xưv Đaix TNVN thax tsav Tây Bắc xa mông: Xar muôx 12 six 45 phênhz hnuz 3/3, tix lâus Tỏa Xênhv Thox (zus shông 1982) thiêz tuk nhuôs nxêik zos Tăng Xênhv Thox (zus shông 2005), nhoz ntơưv jok Trung La, xar Bản Phố, huyện Bắc Hà, tỉnh Lào Cai thâuv tsênhv uô têz ntux lok nas tưz khiêr muk gâuv hâur kaz tsuô. Tsênhv gâuv nas chêk kaz tsuô poz lok trâus uô 2 lênhx nênhs tuôs. Đhâu ciês muôx yưv txiêz nanv, chính quyền tiv phaz tưz mul sêiz nus, paz trâu chuôz zis njiz trâus txiêz nanv. Đhâu no cux hêik pox nhuôs sơưr đơưk tsuv nriêr têx qơư gâuv cov jông thâuv muôx ntux nas chuô lox, xoz tuô chiê tsik njiz phiv liv trâu lênhx nênhs./.

(An Kiên-Lik Thox cxêik nhênhv)