Ủy ban thành phố Sơn La hnuz 3/5 muôx ntâuz ntơưr lok hâux lưv kho đuô, kriz uô jông côngz xưv phax, tar caz moz covid-19. Lơưr co hêik sơưr đơưk tsuv chox ntâuz bos kror ndâux thâuv muk tâus cêr thiêz ntơưv têx qơư muôx chôngz nênhs; cán bộ, công chức, viên chức, nênhs lox tôngv, sơưr đơưk thâuv lok txix têx tỉnh txơưr đuô trâu thành phố Sơn La, tiv zix zos đhâu jiês so ntênhk hnuz 30/4-1/5 mak tsuv hêik pâuz lok y têr.

Qênhz yuôx jông chor nênhs lok hâur têz qơưk, chor nênhs nhênhz chơưv lok hâur thax tsav qơư chiê uô hâux lưv; đhâu thâuv suôv câuv six hơưv cêv kuôk tsêx trung, tror uô truôx jông hâux lưv sêiz kaz y têr, sêiz shuôk đas jos hâur 14 hnuz ntơưv tsêr lok sik ntơưv qơư nhoz thiêz tsik tsuv njiz chor nênhs txơưr, tsik so uô lơưr têx tsưr ziv phax, tar caz moz trơưk cui tênhv. Thôngx cxix, txưr têx qơư hu gâux, mát xa, internet kriz kror trôngx; tso tsês têx jiês nox yôngz cok, nox hâuk muôx chôngz nênhs nhoz uô cê sâuv thax tsav txix iz tas hmo hnuz 4/5 txos thâuv muôx hêik pâuz yiêz. Chor qơư uô đaz uô kruô mak tsuv tâu sêiz shuôk jông, tsưr tsix sik cêv kuôk thâuv muôx nênhs tuôx sêiz shuôk; tas nro chor nênhs tuôx mak tsuv chox đêiv bos kror ndâux…/.

(Trấn Long-Lik Thox cxêik nhênhv)

Txix hnuz xiêz 3/5, đrôngs Yên  Bái, tỉnh Yên Bái tưz kuôk cêv XH ntơưv têx thax tsav qơư nhoz, tsi tâu muk trâu uz trâu no. Iz chas ntơư, px tưz uô jông trơưk li heik kriê lok sâuv phax tir thêir moz Covid-19. Ủy ban đrôngs Yên Bái tưz heik cxuô lênhx px sđ nhoz hâur tsêr, tsuôk tâu muk zuôr têx zav huv li: Zav nox, yuôx kho moz, chơưv kho moz hnhar, uô hâux lưv ntơưv tsêr meir, qơư uô hâux lưv,  têx qơư zuôr muôs huv tsi tâu cơư trôngx; tax nduô tsês tsi uô têx hâux lưv uz no muôx chôngz nênhs..... Zos lênhx nênhs tưs zuôr tsuv tâu muk saz đrâuv jôngr mak tsuv chox ntâuz bos kror ndâux, muôz đêx cuô yuôx nzuôr têk, iz tus nhoz kuôk đêz iz tus 2 thiêr; tsi tâu nhoz chôngz đuô 2 lênhx nênhs uô cê ntơưv têx, iz chas têx qơư uô hâux lưv, tsêr cơưv ntơưr, tsêr kho moz..... Niêv lâuk Nguyễn Hương Giang, nhoz đrôngs Yên Bái heik pâuz, txix moz Covid-19 têx riêz nênhs thiêz huôv xênhz phiv liv, niêv lâuk chuôz zis lok six jông siêz uô lơưr têx tsưr ziv kuôk cêv li heik sâuv thiêz xưv bluô ntov jông chor nênhs uô cxâuv cik txos phax tir thêir moz Covid-19: “Đrôngs heik cov sđ nhiêk nhoz nhiêk vax nhiêk tsêr li heik sâuv, pêz px shir phaz thiêz lok six tso siêz, cxuô lênhx sđ tsuv uô jông trơưk li đrôngs heik kriê, chox ntâuz bos kror ndâux, tsi siz zâuv muk nhoz chôngz lênhx nênhs uô cê. Hnuz no zos hnuz so, cur thiêz chuôz zis, sđ puôr lênhx nhoz hâur tsêr hur si”./.

(Thừa Xuân-Riê Lâux cxeik, nhênhv)

Lơưr xor mông txix Ban chox kriê phax tar caz moz Covid-19 tỉnh Điện Biên, txos zar zuôr tsâuk ntux hnuz 3/5, 3 lênhx nênhs chêix jiês yêz za VN160 txis Đà Nẵng lok qơư tsar đrêk yêz za Nội Bài (Hà Nội) hnuz 29/4 tưz tâu njuôk shuôk tsik pov trâus cik caz moz Sát Covi-2.

  Ban chox kriê phax tar caz moz Covid-19 thành phố Điện Biên Phủ tưz kriz uô cêv kuôk y têr 3 lênhx nênhs no thiêz hêik 125 lênhx nênhs nhoz jê thiêz njiz tâu pêz lênhx nênhs tsuv cêv kuôk ntơưv tsêr trơưk cui tênhv. Nganhx Y têr ntơưv qơư cux tưz kriz uô xưv lik tênhv qơư ntơưv chor nênhs co vax tsêr; sik côngv đros chor xar, phường sêiz shuôk jông chor nênhs cêv kuôk ntơưv chuôz zis lơưr cui tênhv; thôngx cxix kriz uô têx hâux lưv zok nriêr chor nênhs nhoz jê, njiz tâu chor nênhs co chiê paz phax, tar cov tâu jông caz moz./.

(Vũ Lợi-Lik Thox cxêik nhênhv)

Thôngz sâu txix Sở Vênhx huôv-Thêv thao thiêz Ju lix tỉnh Lào Cai tso pov, njuôk xav phênhv sâu tâu đhâu 4 hnuz so ntênhs 30/4-1/5 zos têx kruô tuôx ndis shuôs têz qơưk uô si gra tuôx trâu Lào Cai muôx nhos 208 tyv đeiv. Xav hur si chor kruô tuôx Lào Cai ndis seiz têz qơưk uô si hâur têx hnuz so nhiv kruôr đhâu muôx zuôr xar 64 cxênhz lênhx, hâur co 100% zos tsôngv kruô hâur thax tsav, phênhv ntâu nhoz Sa Pa, Bắc Hà thiêz đrôngs Lào Cai.

Tsôngv kruô tuôx Lào Cai ndis shuôs ntux uô si tsar ndê ntâu đuô 4 bâus pir li shông uô ntêx (ntu nhiv kruôr kuôk cêv tas XH ntơư), taz sik, cux tsênhv tsơưs đuô pir li njuôk xav, viv muôx nhos 30-40% qơư nhoz tưz trâul kruô nduô tsês tsi tuôx, phênhv ntâu zos ntơưv tsêr tok kruô. Qir tiv tâu xav zos viv tsôngv kruô lơưr cxơưx thiêz nyei thâuv moz Covid-19 huôv xênhz phiv liv đros trâu T.Ư thiêz cxuô thax tsav qơư têx heik pâuz lok sđ tsi tâu tso siêz, muk trâu uz trâu no ntâu, txơưv Lào Cai tưz tsi tâu tâu muôx lênhx nênhs tưs trâul moz hlo. Nzir trâu co thiêz, zos uô ntêx têx hnuz zuôr so ntơư, hur tiz si Lào Cai têx xor xưv uô si lov jêv uz no puôr lênhx tax nduô tsês tas nro chiê phax tir thêir moz gênhs./.

(An Kiên-Riê Lâux cxeik, nhênhv)