“Tax tso tsês tsi uô hâux lưv seiz jor têx ndâux cêr muk lol  ntơưv têx huyện chiê qênhz njuôk shuôs, phax thêir moz gênhs; tso chei têx qơư uô lax luôv heik cưr cxiêx, hu gâux tror uô hâux lưv tok tsôngv kruô tuôx heik cưr cxiêx, hu gâux uô si, taz sik tsuv taz por trơưk têx cui tinhv lok phax tir thêir moz Covid-19”, no zos zơưv Phạm Văn Thủy, Phưv Chủ tịch Ủy ban tỉnh Sơn La li lul heik ntơưv jiês cơưv Thường trực Ban chox kriê phax tar moz Covid-19 zar hnuz kêix xiêz 04/3.

Txos tas hnuz xiêz 03/3, tỉnh Sơn La tsi muôx lênhx nênhs tưs trâul moz Covid-19 thiêz yuôr 5.100 ntâu lênhx nênhs tsênhv kuôk cêv, chiê sox seiz đas jos. Hâur co, 24 lênhx nênhs tâu kuôk cêv tso lơưr nhoz lơưr iz kro; zuôr xar 1.400 lênhx kuôk cêv nhoz hâur vax tsêr, qơư nhoz; yuôr đuô li heik kriê, sox seiz đas jos ntơưv côngv thôngx./.

(Trấn Long-Riê Lâux cxeik, nhênhv)

Têis cik 4/3, Ủy ban tỉnh Điện Biên thiêz Công ty cổ phần tấp đoàn FLC kriz uô cir jênhv bản ndo njôngr sik côngv yưv pênhr ntâu dự án zov chênhr sâuv thax tsav thành phố Điện Biên Phủ thiêz huyện Điện Biên.

Ntơưv jiês cir jênhv, 2 tos tưz thôngx ziv ntâu tsênhv njiêz zov chênhr đros thiêz 2 dự án no. Lơưr co Công ty cổ phần tập đoàn FLC zuôr muôx txơưx jênhv uô tiêr muôz pênhr yưv uô chor dự án tưz thôngx ziv, muôz trâu cấp muôx vax huôv sêiz shuôk tso tơưv uô ntêx hnuz 30/4/2021, jênhv thêv tas têx nhiêx txiêx, cxơưx tas têx phiv liv muôx yưv hâur ntu nhênhz chơưv, sêiz shuôk, hêik pâuz yưv pênhr. Tsêx trung bax pênhr jos, lênhx nênhs…chiê muôx tâu cxix cxuô, ndar six hơưv tsưr tsix kriz uô chor hâux lưv lơưr chêi têz qơưk li cui tênhv./.

(Vũ Lợi-Lik Thox cxêik nhênhv)

Nhiv kruôr đhâu, ntơưv công ty Tech-Vina li qơư trâu têx blôngx, chês ciêv fix tưz đhâu tso zuôr têx trox ciêv fix tas nhoz jok Gốc Mít, xã Xuân Quang, huyện Bảo Thắng, tỉnh Lào Cai trâul cuz hnhiêz lox.  Đhâu hlo thâuv txeik tâu mông, Công an tỉnh Lào Cai tsuv hu muôx 4 luz yêz tuô hluôr tơưk, 2 luz meir gruk đêx đros trâu 40 lênhx canr bôv, chiến sỹ muk đros paz tsôngv px sđ ntơưv qơư tuô hluôr tơưk. Têx trâul uô ruôr hiêv xuz thơưx muôx iz luz tsêr kuôr hlâu đar 200 xưv phaz chiê tsiv uô têx fuôs blôngx thiêz chês ciêv fix uô ntêx thâuv zuôr tuôr, puôz uô thênh trâur  thiêz ntâu têx fuôs blôngx, chês ciêv fix tsi tâu tuôr, puôz uô thênh. Hmôngr jông tsi muôx lênhx nênhs tưs trâul uô hiêv li chas. Nhiv no, txuz nuv co tsênhv tror tâu qênhz yuôx, uô tsênhz mênhx./.

(An Kiên-Riê Lâux cxeik, nhênhv)

Tsêr kho moz Đa khoa tỉnh Sơn La nhiv kruôr txêik kho 4 lênhx nênhs haur iz ziv chuôz zis trâus tsơưr tưx ndê kuk. 4 lênhx nênhs co zos oz niêv txir Tẩn Văn Líu (28 shông) thiêz niêv tix Tẩn Thị Náy (25 shông) đros oz tuk mê nhuôv, nhoz jok Phiêng Bay, xar Chiềng Khay, huyện Quỳnh Nhai, tỉnh Sơn La. Qir tiv xuz thơưx tâu xav jênhv zos tas nro tix lâus Líu chuôz zis tưz nox chor ndêz đê pêv têz lok, pov chuôs li trâus tưx viv li chor nênhs cxênhz jê tưz chox tuôx trâu tsêr kho moz Đa khoa huyện Quỳnh Nhai chiê chơưv paz. Lơưr co, pov tix lâus Líu oz txir tuz trâus saz hnhar viv li tưz yêv tuôx trâu tsêr kho moz Đa khoa tỉnh Sơn La. Đhâu qênhx shênhx chơưv paz, tsêr kho moz Đa khoa tỉnh Sơn La tror yêv tix lâus Líu oz txir tuz uôx muk trâu tsêr khoz moz Bạch Mai-Hà Nội chiê chơưv kho. Hok niêv tix Náy oz niêv tuz mak tâu chơưv kho ntơưv Tsêr kho moz Đa khoa tỉnh. Txos nhiv no tưz tror muôx jos jux juk. Sơưr đơưk tsuv uô jông sêiz thâuv đê têx ndêz pêv têz zuk pâuz tsik tsênhz lok uô nox chiê paz trâu zuk thiêz cxuô lênhx tsik trâus tưx./.

                              (Trấn Long-Lik Thox cxêik nhênhv