Huyện Bắc Hà, tỉnh Lào Cai muôx 20 xã, hâur co muôx 17 xã txov nhêv tiv zix, chênhr viv li huôv tsar uô xênhz yar kôngz nuv muôz siêz phênhv sâu trâu tsôngv box zos iz njiêz luv tsênhv hâur phongz yaox tưr thik cxiv tsa nôngx cxênhz yiêz. Txos nhiv no, tsôngv box li phênhv sâu fênhx pheiz tưz ndê txos 27 tsov đeiv iz shông, txu grês tâu 1 cxênhz 300 ziv chuôz zis pluôs thiêz 4 xã tax ploz tsênhr nôngx cxênhz yiêz. Chiê huôv tsar uô kôngz nuv lơưr saz hax huv đros iz huyện tox siêz tsênhv txov nhêv li Bắc Hà mak vênhv thix pênhr yưv uô zos lok six coaz tsôngv. Zơưv Bùi Công Khanh, Phưv chánh văn phongx Ban chox kriê cxiv tsa nôngx cxênhz yiêz tỉnh Lào Cai puz pâuz:

“Cxiv tsa nôngx cxênhz yiêz Lào Cai tsênhv muôx ntâu phêv liv, taz sik phêv liv tiv zix zos Trung ương li pênhr muôz trâu tỉnh tsênhv tsơưs, nhiv kruôr tuôv zênhv tâu 15-20% pir đros thiêz tiv phaz li zoz qơưx”./.

(VOV1- Txâur Vax cxeik nhênhv)

Tsêr kho moz đa khoa huyện Mộc Châu, tỉnh Sơn la nhiv kruôr muôz máy tsov fêik tâu yênhx côngz iz lênhx nênhs moz trưx phax chax đaz. Ntơư zos têx kỹ thuật yiêz, jiês xuz thơưx tâu fuô uô trâu ntơưv tsêr kho moz đa khoa huyện Mộc Châu-Sơn la. Ntơư zos muôz máy tsov fêiv moz trưx phax chax đaz trâu tus nxêik Hoàng Thị Ly, 14 shông nhoz trâu xã Chiềng Tương, huyện Yên Châu, tỉnh Sơn La. Đhâu oz luz six hơưv fêik, cưk yuôx tsêr kho moz tưz muôz máy tsov fêik tâu yênhx côngz luz moz trưx phax hêik ntơư por tsês. Trơưk li cưk yuôx Nguyễn Văn Dinh, zos lênhx nênhs fêik hêik pâuz:

  “Đảng uỷ, Ban sêiz car tsêr kho moz tưz tso cưk yuôx hâur tsêr kho moz muk cơưv tsưr ziv txux chi, kỹ thuật yiêz trâu tsêr kho moz Trung ương chiê lok kho moz. Xav txos trâu nhiv no, pêz cux muôx txâuk tsưr ziv kỹ thuật yiêz, muôz máy tsov fêik moz trưx phax chax đaz”./.

                       (Tsu vưx cxêik nhênh-Ly Thao-VOVTB)

Cuiv paz txưv côngv thôngx (nhoz công ty liên doanh Phú Mỹ Hưng) nhiv kruôr sik côngv đros Hội chữ thập đỏ tỉnh Sơn La khơưk muôz 150 luz yêz ntos jông siêz trâu nênhs lâus thiêz nênhs trâus sêv khiz lok luz chêr sâuv thax tsav tỉnh, tas nro tsiv grê 309 tsov đeiv ntâu. No zos tsaz yênhx “khơưk muôz yêz ntos jông siêz” li iz huôx tôngv uô hâur yênhx shông zos Cuiv paz txưv côngv thôngx uô, chiê paz txưv trâu lênhx nênhs trâus sêv khiz lok luz chêr hâur têx tỉnh, thành sâuv tas nro têz qơưk, chiê paz lơưr mul lol xênhz huôx zôngx ziv đuô./.

(Đức Anh-Txâur Vax cxeik nhênhv)

Đhâu ntâu hnuz sir jos zok nriêr, tưz nriêr tâu Hơưx x Zax ntơưv thax tsav jos Khe Hóp, xã Mỏ Vàng, huyện Văn Yên, tỉnh Yên Bái. Uô ntêx ntơư, hnuz 31/10, zơưv Hơưx x Zax, xênhz shông 1970, nhoz jos khe cảnh, xã An Lương, huyện Văn Yên, tỉnh Yên Bái muk hla đhâu iz tus đêx, trâus đêx cuôr yôngz. Đhâu ntơư, hâu nov ntơưv qơư tưz đros chuôz zis zok nriêr txos trâu hnuz xiêz 3/11/2019 thiêx zok nriêr tâu./.

(Tsu vưx cxêik nhênh-Thào Ly-Tuấn+Xuân)