Tỉnh Lai Châu nhiv no muôx 12 dưv anr tsêr meir tênhv tênhz thiêz dưv anr tuô poz jêz chiê zuôr poz jêz cxiv uô têx côngz trênhx tâu thôngx ziv, tso chei hlôngr trâu sir zôngv chos jôngr ntông. Trơưk li tsưr ziv ntơưv qơư, tsuv chos nzir têx jôngr ntông, muôx nhos 2.400 ntâu ha thiêz.  Taz sik, đhâu 3 shông fuô uô, ntơưv qơư tưz chos tâu 5.350 ha ntâu, tsar ndê têx shôngz ntông njuôz vor tox trôngz câuv har njuôk xav shông 2017 xar muôx 48%. Khov uô jông luôs hâux lưv yax kriê lok têx tsênhv chei chos jôngr ntông hlôngr trâu uô têx dưv anr heik sâuv, tsôngv box hâur thax tsav dưv anr bax khơưz kror chos ntông, suô têx khâuz  thiêz  tu têx ntông viv li tưz uô tâu trơưk tsưr ziv, siêz xar. Zơưv Nguyễn Văn Biển, Chi cục tsar chi cục yuôx jôngr tỉnh Lai Châu heik:

“Tỉnh Lai Châu têx ar chos nzir jôngr ntông phênhv ntâu nhoz trâu têx côngz trênhx tsêr meir tênhv tênhz lox zos: Tênhv tênhz Sơn La, tênhv tênhz Huội Quảng-Bản Chát thiêz tênhv tênhz Lai Châu. Ủy ban tỉnh tưz choz trâu Chủ tịch Ủy ban têx huyện, TP thiêz têx ban seiz car dưv anr chos jôngr chiê fuô uô hâux lưv chos nzir jôngr ntông hâur thax tsav tỉnh. Têx ar têz chos nzir jôngr ntông zos lok six ntâu, 8 huyện, TP puôr lênhx cxaz chuôz; taz sik zos tỉnh tsov cưv trâu têx thax tsav qơư muôx jôngr ntông tsơưs njuôz vor tox trôngz câuv har”./. 

(Khắc Kiên-Chia dịch đọc)

Chor tỉnh Tây Bắc tưz piz hla trâu chêix ntux kruôr gis shông no. Côngz xưv phax tar cuz jôngr tsênhv tâu chor tiv phaz hâur thax tsav sir jos uô, chiê txo grêk tsơưs têx trâus hiêv tiv cuz jôngr uô muôx yưv.

Ntơưv tỉnh Điện Biên, UBND tỉnh tưz hêik chor Sở, ban, nganhx, đoanx thể tỉnh, UBND têx huyện, thị xã, thành phố chuôz cxaz qênhz yuôx zoz zux pháp luật lok phax tar cuz jôngr, hêik pêx xênhv uô jông côngz xưv pax cuz, tuô cuz jôngr thiêz zuôr cxaz chuôz phax cuz, tuô cuz thâuv tâu huiz tôngv; chox kriê chor lưx lươngv liên nganhx zos kiểm lâm, Công an, Quân đội uô sik côngv hâur côngz xưv por vêv jôngr thiêz phax cuz, tuô cuz jôngr; tsưr tsix sêiz jor hnuz hmo ntơưv chor qơư zov chênhr zuôr trâus cuz tox, cuz jôngr siêz hâur chêix ntux kruôr shông no./.

(Thu Thùy-Lik Thox cxeik, nhênhv)

Uô lơưr jiês tsav txênhz tir thêir têx nênhs uô cxâuv chei têz qơưk, chor lưv lươngv muôx vax huôv công an tỉnh Sơn La hux jos đros Đội 5 cục qênhz yuôx phax tir thêir têx nênhs nhiês zuôr muôs têx xiv huv txưr, xiv huv tsi trơưk chei-Tổng cục hải quan nhiv kruôr ruôr por tsês iz txuz plâuz, ntêk tâu 2 lênhx nênhs zuôr muôs, uô luôv zax zênhz ntơưv jok Thín, xã Sặp Vạt, huyện Yên Châu, tỉnh Sơn La. Lênhx nênhs trâus ntêk tâu zos: Páo Xênhv Vax, muôx iz luz bê hu txơưr zos Vax Vương Chí, xênhz shông 1991 thiêz Vax A Tsaz, xênhz shông 1992, puôr lênhx nhoz uô cê trâu ntơưv xã Hua Nhàn, huyện Bắc Yên, tỉnh Sơn La. Têx chuôz zênhx sâu tâu zos 11 poz zênhz đơưz, 1.956 njiêr yuôx zax zênhz cxuô zav, iz luz yêz meir, 2 luz xor tôngx tuôr ntơưv têk thiêz iz cxiê chuôz zênhx txơưr đuô cik txos. Nhiv no txuz plâuz heik sâuv tsênhv tror tâu qênhz yuôx uô tsênhz mênhx./.

(Tuyết Lan-Riê Lâux cxeik, nhênhv)

Ntơưv thành phó Yên Bái, tỉnh Yên Bái nhiv kruôr muôx yưv txuz trâus pôngz đêx phiv liv uô oz lênhx shux xênhz cxênhx iz trâus tuôs. Oz lênhx shux xênhz co zos Phùng Tiến Chiến, zus shông 2009, shux xênhz lớp 3, Tsêr cơưv cxênhx iz Yên Ninh thiêz nhuôs Nguyênx Anh Tuấn, zus shông 2011, shux xênhz lớp 1, tsêr cơưv cxênhx iz Nguyễn Trãi. Tas nro oz lênhx nhuôs co puôr lênhx nhoz ntơưv tổ 28, phường Đồng Tâm. Txuz txiêz nanv no muôx yưv thâuv 3 six 30 phênhz zar hnuz kêix 3/12, ntơưv thax tsav đêx Khe Dài ntu ntưk đhâu Đầm Mỏ, tổ 28, phường Đồng Tâm, thành phố Yên Bái.

Uô ntêx co, 5 lênhx nhuôs nhoz đros ntơưv tổ 28, phường Đồng Tâm siz zâuv muk uô si ntơưv đêx Khe Dài. Thâuv tsênhv uô si, 2 lênhx mê nhuôs Chiến thiêz Tuấn trâus plav tơư ntos trâus hâur đêx trâus tuôs. Txos 17 six zar hnuz kêix 3/12, 2 lênhx mê nhuôs  co tưz tâu nriêr pov. Chính quyền tiv phaz tưz huiz tôngv chor tsưr tsix đoanx thể thiêz pêx xênhv tuôx paz chuôz is uô đaz uô kruô trâu oz lênhx mê nhuôs./.

(Tuấn Xuân-Lik Thox cxêik nhênhv)