Khắc Kiên chor nênhs sâu xor xưv Đaix TNVN thax tsav faz Bắc xa mông: hâur oz hnuz xiêz 2 thiêz 3/3, sâuv thax tsav tỉnh Lai Châu muôx yưv 4 jiês ntux nas đros lơưs, uô hiêv ntâu txos jâuz tâuv, vax tsêr, cxuô zav, njuôk xav têx trâus hiêv txos hnuz 4/3 zos tas xar muôx 10 tiv đêiv. Nhiv no iz cxiê tiv phaz tsênhv tror nriêr pâuz têx trâus hiêv. Chính quyền têx xã, thị trấn tso chor nênhs li dân quân, hluôk nênhs…paz trâu pêx xênhv njêis yêv cxuô zav muk trâu qơư lav nhoz, nzor truôx tuk luz nênhx.

Tsênhv qơư njuôk xav ntux yar ntux nas Lai Châu puz pâuz, no zos têx phiv liv muôx yưv tsơưs sâuv thax tsav txix thâuv ntêx txos nhiv no, viv chor lơưs lox thiêz pôngz ntâu. Lok lơưs li no têx jâuv tsênhv zuôr tror muôx nzir, viv li chor cơ quan txơưx jênhv thiêz pêx xênhv tsuv uô jông phax, tar chiê txo grêk tsơưs têx trâus hiêv./.

(Khắc Kiên-Lik Thox cxêik nhênhv)

  Thừa Xuân chor sâu xor xưv nhoz Đeix nta suôz VN thax tsav faz Bắc tso mông: Jiês lok lơưs thiêz chuô lox muôx yưv tsâus ntux hnuz xiêz 2/3 nhiv kruôr đhâu tsi taz uô ruôr hiêv txos tsêr nhoz, kôngz lôngk mak tsênhv uô ntâu lênhx nênhs trâus saz, tas nro tsôngv box nhoz thành phố Yên Bái thiêz iz cxiê huyện nhoz buôk co tsênhv pôngz tênhv tsi muôx tênhv tênhz sir zôngv,luz nênhx trâus zênhr shar ntâu. Đhâu 2 hnuz sir jos khưx phưx, txos zar hnuz keix hnuz xiêz 4/3 zuôr xar 100% chor ziv chuôz zis tror muôx tênhv tênhz zôngv. Zơưv Cao Bình Định, Phưv giám đốc Công ty tênhv jos Yên Bái puz pâuz: “Txos nhiv no tênhv tênhz tưz tâu khưx phưx, yuôr iz cxiê qơư mê, cêr tênhv trâus to tsi tâu taz por mak pêz zuôr tror sir jos khưx phưx chiê cax ntus tsôngv box muôx tênhv zôngv. Yuôr chuôz zis tênhv tênhz trâus zênhr shar tiv ntux nas, tsêr trâus zơưs trur mak txơưx jênhv zos tsôngv box li, pêz zuôr tror sik côngv chiê khưx phưx tror cungz tênhv trâu lơưr”.

Lơưr Ban sêiz car phax tar ntux nas-nriêr chơưv paz lênhx nênhs tỉnh Yên Bái, txos kaz hnuz xiêz 4/3 tas nro ruôr hiêv tiv jiês lok lơưs zos 19 tỷ đeiv./.

(Xuân VOVTB- Txâur Vax cxeik nhênhv)

Trấn Long, nênhs sâu xor xưv Đaix TNVN thax tsav tây Bắc xa mông: Hnuz 4/3, UBND tỉnh Sơn La nhiv kruôr tror muôx hêik pâuz chiê shux xênhz so ntơưr nzir 2 ciêz thiêz chiê phax tar moz Covid 19. Lơưr co, tas nro shux xênhz sâuv thax tsav  tỉnh zuôr tror so ntơưr txos hnuz 17/3. Cuêz tênhv no tâu tso tơưv ciês hâur hnuz piz tror tuôx cơưv, viv muôx 5 lênhx shux xênhz Lào tsênhv cơưv ntơưv tsêr cơưv Cao đẳng Sơn La trâus moz lok cêr uô pa, hnôngk sik tsik cuz./.

(Trấn Long-Lik Thox cxêik nhênhv)

Thâuv 4 six 29 phênhz tas cik hnuz đhâu xiêz 4/3, iz jiês ntux kênhs 3,2 tưv richte muôx yưv nhoz thax tsav huyện Điện Biên, tỉnh Điện Biên. Tsôngv box nhoz thax tsav jê co puôr lênhx pov ntux kênhs tsênhz mênhx muôx nhos 2 giây. Taz sik tsi uô ruôr hiêv txos côngz tsinhx tưs. No zos jiês ntux kênhs tiv 2 sâu jênhv tâu cxôngx hâur shôngk shông 2020 txos nhiv no sâuv thax tsav tỉnh Điện Biên./.

(Vũ Lợi- Txâur Vax cxeik nhênhv)