Hnuz xiêz 4/4, đoanx côngz xưv Tỉnh ủy Điện Biên zos zơưv Lâm Văn Năm, Phưv bí thư Thường trực Tỉnh ủy uô trưởng đoanx tưz muôx jiês uô hâux lưv đros huyện Nậm Pồ. Ntơưv jiês uô hâux lưv, zơưv Lâm Văn Năm ntâuk gri siêz Ban Thường vụ Nậm Pồ li côngz xưv lênhx tov chox kriê uô têx jênhv vưv sâuv cxuô kror hâur 3 luz hli hâur shôngk shông 2018. Thôngx cxix, zơưv Lâm Văn Năm hêik tơưv têx phiv liv, uô tsik tâu tâu tsuv khưx phưx hâur ntu zuôr txos lok côngz xưv sêiz car đêx ar, sêiz car têz qơưk lok tôn giáo; yax kriê nghị quyết ntơưv iz cxiê qơư tsênhv kênhz… tsêx trung uô jông côngz xưv zoz zux chính trị shưz xar trâu cán bộ, đảng viên, sir jos uô côngz xưv qênhz yuôx, sêiz kaz, cêir chêx jông têx ntơưr siz pênhr, uô jông ntâuk gri đhâu qênhz yuôx…/.

(KT-Lik Thox cxêik nhênhv)

Tsôngv cưr tix fôngx zưs hmor yuô! Li Đeix nta suôz VN tưz tso mông, hâux lưv 137 lênhx nhân viên nganhx y tế Lai Châu trâus pôngz hâux lưv uô đhâu 7 shông ntâu uô côngz xưv tưz uô ntâu lênhx nênhs tsi jông siêz six hơưv đhâu. Lênhs tov tỉnh ủy thiêz UB tỉnh Lai Châu tưz khiêz phêv thiêz chox kriê sở Nội vụ thiêz Sở y tế ciêr chênhr seiz car tas nro hâux lưv cir hôx thôngx đros nênhs lox tôngv. Chiê khưx phưx hâux lưv 137 lênhx nhân viên y tế trâus tso tsês hôx thôngx, 2 Sở muôx lênhx coaz tsuv seiz car, ntâus grê têx lenhx nênhs trâus pôngz hâux lưv li pênhr xưv thiêz muôx tsưr ziv xeir zuôr, muôz theox chênhv trâu lơưr tâu xeir zuôr six hơưv zuôr txos. Thôngx cxix heik têx chiz coaz muôx lênhx coaz uô tsênhz mênhx txơưx jênhv, phênhv uô cxâuv chiê yưr lir txos qơư hâur six hơưv zuôr txos./.

(K.Kiên- Txâur Vax cxeik nhênhv)

Nhiv kruôr đhâu, Chi đoàn An ninh kinh tế (Công an tỉnh Lào Cai) sik côngv đros đoanx hluôk nênhs Vietcombank (Chi nhánh Lào Cai) thiêz Đoanx hluôk nênhs xar Nậm Chạc tsưr tsix tsaz yênhx siêz jông ndar lok tiv phaz ntơưv tsêr cơưv nhuôs zâu jok Ling Giang, xã Nậm Chạc (Bát Xát). Zuôr xar 50 lênhx hluôk nênhs cxaz chuôz nquôr bê tông luz tiêx tsêr cơưv ntơưr jok Ling Giang đar muôx 100 yiv ndis; nhiêx txiêx tas muôx 13 triệu đêiv zos chor hluôk nênhs An ninh kinh tế thiêz đoanx hluôk nênhs Vietcombank (Chi nhánh Lào Cai) sik côngv paz. Đuô li, đoanx muk uô hâux lưv siêz jông tsênhv khơưk muôz 15 kror hax huv tsiv gri 1 triệu đêiv trâu chor shux xênhz ntơưv tsêr cơưv; khơưk muôz oz kror huv trâu oz ziv chuôz zis pluôs nhoz hâur jok, iz ziv iz triệu đêiv./.

(KT-Lik Thox cxêik nhênhv)

Đeix njuôs pov qiv hơưv tỉnh Yên Bái puz pâuz, nhiv no tas nro chuô txiêk tsênhv lol lơưr faz Nam. Njuôs pov cxôngx hmo xiêz 5/4 zuôr uô zênhr shar txos Bắc Bộ, Bắc Trung Bộ, hnuz xiêz 6/4 zuôr uô zênhr shar txos Trung trung Bộ. Tiv trâus zênhr shar viv chuô txiêk, têx thax tsav hâur tỉnh muôx ntux lol nas iz cxiê qơư, muôx chuô lox, lol lơưs...Cxôngx tas cik hnuz xiêz 6/4 têx thax tsav hâur tỉnh Yên Bái qir no, tox siêz ntux no njiv..../.

(KT-Txâur Vax cxeik nhênhv)