Chiê chuôz tsar côngz xưv coar lik game online, tiv zix zos đros thiêz têx mê nhuôs zâu, nhiv kruôr jê ntơưv no chinhr quyênx Trung Quốc tưz tso tơưv Thông tư tir tar mê nhuôs zôngv têx tsưr ziv uô si lov jêv sâuv mạng. Lơưr co, heik têx nhà mạng tsi cungz game thêv nhiêx txiêx trâu mê nhuôs tsi tâu muôx 8 shông, cui tênhv tsênhz mênhx lok six hơưv uô si. Têx nhà mạng tsi puz mê nhuôs zôngv jix vuv game hâur six hơưv cxôngx 10 six tsâus ntux txos 8 six sơưr nzor hnuz tov kaz, iz hnuz tsi puz mê nhuôs zôngv jix vuv game online đhâu 1 six hơưv ntâu, têx hnuz ntênhs tsi zôngv đhâu 3 six hơưv. Thông tư cux heik têx nhà mạng coar lik jông côngz xưv đăng cir uô si, tas nro lênhx nênhs uô si tsuv heik tơưv tsênhz mênhx zuk li xor mông./.

(VOV- Txâur Vax cxeik nhênhv)

Ntơưv huyện tox siêz Mù Cang Chải, tỉnh Yên Bái, iz jiês no, ntux tưz qir no jux juk, lar heik zos thâuv hmo ntux thiêz tas cik sơưr nzor. Chiê por hưv trâu têx tsiêx cxu hâur cheix ntux no, huyện Mù Cang Chải tsênhv sir jos chox kriê cxuô xã heik tsôngv box sđ bax qơư cơư, khơưk tsês têx kuôr blêx uz no trâu tsiêx tâu nox hâur têx hnuz ntux no njiv.... Ntơưv xã La Pán Tẩn, xã tưz đros huyện têx cơ quan lês car uô đreiv luôs hâux lưv heik sâuv muk têx jêx jok kriê tsôngv box tsưr ziv tu têx tsiêx thiêz qênhz shuôs njôngr, seiz kaz têx moz gênhs sâuv têx tsiêx cxu. Iz chas ntơư sir jos xưv bluô têx chuôz zis tsi muôz têx tsiêx cơư thiêz tu tsi jông têx tsiêx hâur chor hnuz ntux no njiv trơưk cui tinhv.... Zơưv Hảng Xáy Chông, Chủ tịch Ủy ban xã La Pán Tẩn, huyện Mù Cang Chải heik pâuz:

“Cơưv hâur niêx ciêz, xã fuô kriê hur si trâu têx bí thư chi bộ, tsar jok thiêz têx ngênhx, đoanx thêv hâur xã muk yax kriê tsôngv cưr tix nênhx tsa sđ hâur jok chiê tsôngv box tsi chiê têx tsiêx cxu trâul tuôs yeiz thiêz no hâur têx hnuz ntux no njiv. Nhiv no, La Pán Tẩn cux sir jos chox kriê lok sâuv tsi cxoz tso têx tsiêx lak yar pêv têx har jâuz, tsi chaz lok tsêr”./.

(Đinh Tuấn-Riê Lâux cxeik, nhênhv)

UB qênhz yuox tỉnh ủy Sơn La hnuz xiêz 5/11 tưz côngz fur chêx cuk qênhz yuôx, seiz car, kỷ luật đros tsưr tsix đảng, đảng viên muôx têx uô cxâuv lênhx coaz txos jiês thik THPT têz qơưk shông 2018. Lơưr thôngz pov no, muôx 100 lênhx cán bộ đảng viên thiêz 01 tsưr tsix Đảng muôx lênhx coaz txos jiês uô cxâuv ntơưv jiês thik THPT têz qơưk shông 2018.

Uô Ủy ban qênhz yuôx Trung ương thiêz tỉnh ủy Sơn La li chox kriê, cấp ủy thiêz Ủy ban qênhz yuôx têx cấp tưz qênhz yuôx, seiz shuôk, kỷ luật 01 tsưr tsix Đảng zos Đảng ủy Sở zaoz zux thiêz thox cxov tỉnh viv tsi uô jông lênhs tov, chiê muôx yưv hâux lưv ntâu đảng viên uô cxâuv cêr chei thiêz uô cxâuv Đảng, têz qơưk li cui tênhv. Muôx 100 lênhx đảng viên muôx têx uô cxâuv lênhx coaz txos jiês thik, zos cán bộ đảng viên trâus kỷ luật muôx 83 lênhx; phê bình 9 lênhx đảng viên; tsênhv qênhz yuôx, seiz shuôk 6 lênhx đảng viên; tsi tâu muôx cui tênhv đros 2 lênhx đảng viên (tsênhv so viv xênhz zus mê nhuôs)./.

(Thanh Thủy-Txâur Vax cxeik nhênhv)

Công an tỉnh Lào Cai heik pâuz, thâuv 6 six tsâuk ntux hnuz xiêz 01/11, Vương Vỹ (21 shông, nênhs Trung Quốc) hla đhâu đriv têz txix Trung Quốc tuôx hâur TP Lào Cai, sox kaz iz lênhx pox niêv uô luôs hâux lưv pâur têx nhiêx nhoz trôngx đriv, thâuv lênhx pox niêv no tsênhv tror lok tsêr txos tos cêr. Vỹ tưz zôngv kưk tênhv bax tsês jông ntơưv zuk chêr chiê ntâuk lênhx pox niêv co, huôz 100 cxênhz nhiêx Trung Quốc (bâuv li 300 ntâu tsov đeiv nhiêx VN). Đhâu hlo thâuv Vỹ ntâuk, huôz chor nhiêx ntơư, ntâu lênhx tsôngv box nhoz jê iz ndis tưz qênhz pov, heik zênhx max trâu lưv lươngv muôx vax huôv sik đros châuv thiêz ntêk cxov tâu lênhx nênhs fêv co. Ntơưv cơ quan cảnh sát qênhz yuôx Công an TP Lào Cai, Vương Vỹ krêz lênhk tiêk, tiv uô nox trâus pôngz pênhr ntâu, viv li tưz xar tsưr ziv tuôx đhâu đriv têz trâu Lào Cai chiê huôz nox. Nhiv no txuz nênhs fêv huôz nox co tsênhv tror tâu lưv lươngv muôx vax huôv qênhz yuôx, uô tsênhz mênhx./.

(An Kiên-Riê Lâux cxeiv, nhênhv)