Têz PV Đeix nta suôz VN li lul nus lok hâux lưv xưv bluô chuôz zis zơưv Phạm Sỹ Quý, kuz Giam đốc Sở tài nguyên thiêz tênhx qơư tỉnh Yên bái thiêz kỷ luật têx lênhx nênhs đhâu Thanh tra chính phủ li ntâus grê, zơưv Chu Đình Ngữ, Cánh văn phòng UB tỉnh Yên Bái puz pâuz, tỉnh tưz yưr lir trơưk pháp luật li cui tênhv thiêz sâuv thanh tra chinhr phuv li ntâus grê. Tưz muôx 14 lênhx nênhs muôx lênhx coaz trâus yưr lir kỷ luật Đảng thiêz chinhr quyênx. Hâur co, đros têx canr bộ, công chức cấp phòng grês mul nhoz TP Yên Bái, Ban thường vụ Thành ủy Yên Bái tưz cuiz tênhv kỷ luật khiển trách lok Đảng, Chủ tịch UB TP yên Bái trâus kỷ luật khiển trách lok chinhr quyênx. Chủ tịch UB phường Minh Tan, TP Yên Bái thiêz cán bộ địa chính phường no cux trâu kỷ luật. 2 cán bộ, công chức Chi cục nhiêx sê TP Yên Bái zos zơưv Phạm Thanh Hải- Chic cục tsar thiêz zơưv Ngô Văn Xuân trâus kỷ luật khiển trách. Đros chuôz zis zơưv Phạm Sỹ Quý, chiz coaz muôx txơưx jênhv tỉnh Yên Bái trâus xưv bluô 507 tsov đeiv đros lik zơưx cxiv tsa tsi trơưk chei thiêz tsi tâu tso chei chuôz zis li qơư nhoz. Thôngx cxix, xưv bluô khiêz nhiêx sê kênhz chor nhiêx txiêx muôx 51 tsov đeiv ntâu./.

(TTTB-Txâur Vax cxeik nhênhv)

Zênhx pênhz phax Bát Xát (bôv đôiv pênhz phax Lào Cai) nhiv kruôr đros cấp uỷ, hâu nov ntơưv qơư muôz nôngz tsiêx cxu, ntâu phênhv huv thiêz nhiêx puz trâu 5 chuôz zis muôx luz nênhx txov nhêv hâur thax tsav. No zos hâux lưv uô tsênhv tsênhz chiê paz iz phênhv tưs têx cêr txov trâu têx chuôz zis pluôs zos tsôngv box heir nênhs tsơưs nhoz thax tsav ntus đriv. Iz chas ntơư, iz chuôz zis tâu taz viv paz iz tuk nôngz buô, 20 cir cxur, iz far mỳ tôm thiêz iz tsov đeiv nhiêx. Đại uý Tạ Văn Tuân, zênhx tsar zênhx pênhz phax Bát Xát heik pâuz, hâur 2 shông đhâu, taz viv tưz paz lok six ntâu chuôz zis muôx luz nênhx txov nhêv hâur thax tsav, hux jos đros têx lênhx nênhs siêz jông paz yênhx châuv tuk nhux tưv, nênhk, buô trâu têx chuôz zis pluôs chiê lơưr huôv tsar uô nox, hla đhâu yeiz pluôs truôx./.

 (KT-Riê Lâux cxeik, nhênhv)

Hnuz đhâu 5/12, Phòng cảnh sát qênhz yuôx nênhs phamv cxâuv lok zax zênhz, Công an tỉnh Lai Châu nhiv kruôr ntês tâu iz lênhx nênhs muôx lênhx coaz txos hâux lưv thâux chor zax zênhz lox đhâu thax tsav cxôngx yêz kruô, đhâu tsưr ziv xa hax huv. Công an tỉnh Lai Châu qênhz yuôx yêz kruô gra biển 27B-80251 mul lơưr saz Điện Biên- Lào Cai. Pov sâuv yêz muôx 1 luz meir xơưk tsôngs yo Trung Quốc; 1 hnaz tax muôx 8 thôngx njuôs xav zos zax zênhz hnhar 2,83 cir, 3 hnaz muôx 19 hnaz mê tso 18.000 njiêr mê njuôs xav zos zax zênhz tổng hợp hnhar 1,8 cir.

Ntơưv chiz coaz cảnh sát qênhz yuôx, lênhx nênhs Xoa Xênhv Zax jênhv tâu iz lênhx nênhs ntiêr jênhv thiêz thax chor hax huv no mul muôs đros chor nhiêx txiêx tâu thêv zos 50 tsov đeiv./.

(Khắc Kiên- Txâur  Vax cxeik nhênhv)

Lưv lươngv cảnh sát qênhz yuôx têx nênhs nhiês zuôr muôs, uô luôv zax zênhz tsi trơưk chei, Công an tỉnh Yên Bái nhiv kruôr ntêk tâu iz lênhx nhiês zuôr muôs zax zênhz tsi trơưk chei, sâu tsês tâu 6 cir ntâu zênhz đuz đros trâu ntâu zav chuôz zênhx txơưr đuô cik txos. Ntơưv jok Nậm Khắt, xã Nậm Khắt, huyện Mù Cang Chải, tổ côngz xưv Phongx cảnh sát qênhz yuôx têx nênhs fêv nhiês zuôr muôs, uô luôv zax zênhz, Công an tỉnh Yên Bái tưz ntêk tâu Tộng Xênhv Zax, xênhz shông 1983, nhoz ntơưv jok Giạng Phổng, xã Ngọc Chiến, huyện Mường La, tỉnh Sơn La lok sâuv nhiês zuôruôs uô luôv zax zênhz tsi trơưk chei. Têx chuôz zênhx sâu tâu ntơưv qơư muôx: 6 cir ntâu zênhz đuz, iz luz yêz meir thiêz iz luz xor tôngx tuôr ntơưv têk. Ntơưv cơ quan qênhz yuôx, Tộng krêz lênhk tiêk, tưz nhav thâux gra chor zax zênhz heik sâuv trâu iz lênhx nênhs nhoz saz têz qơưk Lào, đhâu ntơư gra lok jêik tsês trâu hâur tsêr, thâuv tsênhv taz tov gra mul muôs txol tos cêr txơưv trâus cơ quan qênhz yuôx ntêk tâu./.

 (Tuấn Xuân-Riê Lâux cxeik, nhênhv)