Hâur jiês uô côngz xưv ntơưv Lai Châu, Ủy viên Bôv Chính Trị, Phưv Thủ tướng Vương Đình Huệ đros lênhx tov iz cxiê Bôv, nganhx Trung ương sêiz shuôk jiês uô hâux lưv đros tập thêv lênhx tov tỉnh Lai Châu lok qênhx shênhx huôv tsar kinh têr, xar hôiv ntơưv tiv phaz. Lok jênhv vưv haur ntu zuôr txos, Phưv Thủ tướng hêik, tỉnh tror uô cxix cxuô têx tsưr ziv lok huôv tsar kinh têr xar hôiv paz trâu uô tiêr têx tsưr ziv Đại hội Đảng bôv tỉnh tưz tso tơưv hâur shông 2020. Lơưr co, tsuv tror kho đuô nganhx kôngz nuv cov hênhr đuô lơưr saz sir zôngv công nghệ siêz trâu uô xênhz yar, sir jos uô xênhz yar thiêz chuôz cxaz zaz zâuv ntâu doanh nghiệp yưv pênhr trâu hâux lưv kôngz nuv./.

(BTS-Lik Thox cxêik nhênhv)

Tỉnh Sơn La nhiv no muôx zuôr xar 2 cxênhz trâur nuv txơưx vênhv tôngv tsôngv box, hâur co muôx 1 cxênhz 400 trâur nuv tập thể, thiêz 550 trâur nuv lênhx nênhs. Têx trâur nuv no tưz thiêz tsênhv phuôx huiz chêx cuk jông sâuv cxuô vênhv thix li: Hlôngr yiêz cxix luôk chinhr trị, huôv tsar kinh têr, vênhx huôv, xã hội; txiv ngaz, côx phax...Đ/c Nguyễn Hữu Đông, Phưv bí thư tỉnh ủy tỉnh Sơn La puz pâuz:

“Shông 2019 pêz thix ziv hâux lưv tsưr tsix uô phongz yaox tưr thik tsuv tror uô jông thiêz đêz đar đuô, tsênhv tsênhz đuô hâur tsưr tsix uô jênhv vưv nhoz yênhx tiv phaz, nhoz no muôx lênhx coaz txos tsaz yênhx cxiv tsa nôngx cxênhz yiêz, chos ntông nox txir sâuv ar têz cxaz, hâur cxiv tsa trâur nuv cxuôv yeiz thiv pluôs chiê muôz siêz luz nênhx chinhz yênhx trâu tsôngv box, cxiv tsa cxix luôk chinhr trik hur si, truôx vênhs”./.

(Trấn Long- Txâur Vax cxeik nhênhv)

Nhoz trơưk ntus cêr lox 6 nkâuk lêv txix xar Lóng Luông, Vân Hồ (huyện Vân hồ, tỉnh Sơn La) txos Tiểu khu Chiềng Đi 1, 2 thị trấn Nông trường Mộc Châu mak zôngx ziv njiê pov tâu têx tâur pax Dã Quỳ jông jav. Jông tiv zix zos ntu cêr muk trâu trôngz yuôx zêx jê jok Ba Phách, xar Tân Lập, no zos qơư jông chiê sêiz njiê chor pax no. Pax Dã Quỳ tơưs jông jav cux zos chêix chor hluô tuz hluôk cxêik cxêik đuôz chiê tuôr tsês têx six hơưv jông hâur luz nênhx./.

(Báo Dân Việt-Lik Thox cxêik nhênhv)

Thâuv 10 six tas cik hnuz xiêz 5/12 ntơưv côngz tsinhx tsêr meir đêx tênhv Long Tạo nhoz thax tsav xã Pú Xi, huyện Tuần Giáo, tỉnh Điện Biên muôx yưv txuz txiêz nanv zaoz thôngz, luz yêz teiv pôngz trâu hâur njưk đêx tênhv uô lênhx nênhs tsar yêz tuôs ciês ntơưv qơư. Zơưv Lò Văn Cương, Phưv chủ tịch UB huyện Tuần Giáo xav jênhv: thâuv tsênhv tsar ndê tox, yêz trâus piêv thiêz pôngz trâu hâur njưk đêx tênhv siêz 30 yiv. Txiêz nanv uô yêz trâus piêv tas, lênhx nênhs tsar yêz tsir tsi zênhx tuôs ciês ntơưv qơư. Nhiv no tsi tâu xav jênhv tâu lênhx nênhs tsar yêz zos lênhx tưs. Têx lưx lươngv muôx txơưx jênhv tsênhv ciêr chênhr truz luz yêz lok thiêz uô tsênhz mênhx qir tiv hâux lưv no./.

(Vũ Lợi- Txâur Vax cxeik nhênhv)