Đinh Tuấn, nênhs sâu xor xưv Đaix TNVN ntơưv thax tsav faz Bắc xa mông: Tỉnh Yên Bái nhiv kruôr cêv kuôk 5 lênhx nênhs txix thax tsav qơư muôx moz Covid-19 lok ntơưv tiv phaz. Lơưr co, 5 lênhx nênhs no puôr lênhx lok txix Trung Quốc, zos luz têz qơưk xuz thơưx ciês muôx yưv moz Covid-19. Nhiv no chor nênhs no tsênhv tâu cêv kuôk ntơưv qơư cêv kuôk số 1, tsêr cơưv Quân sự tỉnh Yên Bái thiêz qơư số 2 ntơưv Phongx njuôk kho moz đa khoa thax tsav thị trấn Nông trường Nghĩa lộ, huyện Văn Chấn. tas nro chor nênhs no cux tsik tâu pov muôx yưv moz li chak hlo./.

(Tuấn Xuân-Lik Thox cxêik nhênhv)

Thu Thùy, nênhs sâu xor xưv Đeix TNVN nhoz faz Bắc xa mông: Txix qênhx shênhx moz Covid-19 huôv xênhz phiv liv, TP Sơn La tưz tso tơưv ntơưr xa trâu cấp ủy Đảng, hâu nov, Mặt trận tổ quốc thiêz têx đoanx thêv, têx chi, đảng bộ ntơưv qơư, têx phongx, ban, taz viv cxơưz tiês yax kriê thiêz uô lơưr jông têx tsưr ziv phax tir thêir moz.

Iz chas ntơư, heik têx cơ quan, taz viv tsi tâu tso siêz hâur hâux lưv phax tir thêir moz; uô lơưr jông têx tsưr ziv phax tar moz; hâur co, canr bôv, công chức, viên chức, nênhs lox tôngv tsuv chox ntâuz bos kror ndâux ntơưv qơư uô hâux lưv, taz viv txix hnuz xiêz 4/3/2020. Đros thiêz tsưr tsix têx jiês cơưv, TP Sơn La zuôr tax nduô tsês iz cxiê jiês cơưv muôx txix 30 lênhx nênhs tror zar sâuv,  txo grêk tsơưs jiês cơưv chôngz nênhs tsi trâul txos; sir jos chox kriê fuô uô têx luôs hâux lưv txix xa ntơưr thiêz hu xor tôngx kriê; uô lơưr jông, fuô kriê yax mông, ntâuk grê têx chỉ thị, Nghị quyết txix têx ntâuz ntơưr. Zos têx jiês cơưv zov chênhr (tsơưs đuô 30 lênhx nênhs) zuôr phênhz chor đại biểu nhiêk jâuv nhiêk iz kro qơư đêz muôx 2 thiêr thiêz heik lơưr chox ntâuz bos kror ndâux...hur si trơưk cui tinhv./.

(Thu Thùy-Riê Lâux cxeik, nhênhv)

Txix hnuz 4/3, chor shux xênhz cxênhx oz thiêz cxênhx pêz huyện Bát Xát, tỉnh Lào Cai, shux xênhz lớp 12 txix chor jêx jok nhoz đêz tưz piz tuôx tsêr cơưv chiê cơưv ntơưr.

Txos six hơưv no, 90% hâur 300 ntâu lênhx shux xênhz niêv txir zus mor tsêr cơưv cxênhx oz thiêz cxênhx pêz huyện Bát Xát tưz tror tuôx tsêr cơưv chiê cơưv ntơưr thiêz tâu kruôz kriê uô têx tsưr ziv ngaz tuk chiê phax tar moz Covid-19. Cưk kriê ntơưr Vũ Xuân Quế, Phưv hiệu trưởng tsêr cơưv cxênhx oz thiêz cxênhx pêz huyện Bát Xát, tỉnh Lào Cai puz pâuz: “Txix thâuv piz muôx moz txos nhiv no mak pêz tưz tsuôs yuôx tuô lov caz moz 3 jiês hâur tas nro têx qar cơưv cux xưk li shux xênhz qơư nox nhoz. Pêz cux tưz bax tâu muôx 2000 ntâu đêiv ntâuz bos kror ndâux, xar muôx 100 têik yuôx nzuôr têk kruôr, 60 luz xaz phongx, uô qơư nzuôr têk trâu shux xênhz ntơưv trôngx vas tsêr cơưv ntơưr”./.

(VTVnews-Lik Thox cxêik nhênhv)

Riê Lâux, nênhs sâu xor xưv Đeix TNVN nhoz faz Bắc xa mông: Niêv lâuk Mai Xênhv Zax nhoz xã tox siêz Co Mạ, huyện Thuận Châu, tỉnh Sơn La, uô njuôs niêv njuôs txir thâuv nzor nzor. Thâuv hloz lox muôx chuôz muôx zis thiêz pheiz 2 niêv txir gơưk mul nhoz gơưk,  luz nênhx lok six txov nhêv, phênhv ntâu zos khov trâu têx liêx têz chos poz, uô blêx viv li njiz trâul lok six ntâu phiv liv. Tsi nyei txos têx cêr txov, yeiz pluôs, niêv lâuk Mai đros tus txir sir jos krêz phaz uô têx liêx têz, muôz chor nôngz kôngz, tsiêx cxu yiêz lok tsêz chos thiêz tu zus. Niêv lâuk sir jos đros cơưv têx lớp kriê cxaz txux chi tsưr ziv yuôr trâul lok huôv tsar uô nox, zos canr bôv cxiz kôngz huyện thiêz xã tsưr tsix. Shông 2015, niêv lâuk Mai seiz lax đros tus txir thiêz têx mê nhuôv muôz iz ha liêx têz hlôngr chos txir lưk hmaz lok zos txir Lol Tsuôk, shông nhiv kruôr đhâu, niêv lâuk chuôz zis sâu đê tâu 9 tênhr txir. Iz chas co, niêx shông  niêv lâuk chuôz zis tu zus 4, 5 tus nhux tưv chiê sha mê nhuôv thiêz muôs. Đros trâu tu zus tsiêx cxu, uô kôngz, chos têx txir ntông, txir hmaz... tưz paz niêv lâuk chuôz zis xav hur si  phênhv sâu tâu hâur niêx shông zuôr xar 100 tsov đeiv./.

(Lầu Chia-Riê Lâux cxeik, nhênhv)