Ủy ban tỉnh Điện Biên tror cươv hâur hli 4, cxuô lênhx hâur ủy ban tỉnh, đại biểu nhoz cxuô sở, ngênhx tưz sik đros thav hâur jiês cươv thiêz hêik cxaz nzir trâu luôs hâux lưv cxiv kho Đêix xa đuôz tỉnh Điện Biên txos trâu shông 2020. Ntươ zos zuôr cxuô chuôz zênhx đhok, tso đuôz cov ziv hnuz ziv huv đros thiêz zos đrêiv Thủ tướng Chính phủ li quyết tênhv. Sơn x Muôk, chủ tịch ủy ban tỉnh cux xav tiêk: Luôs hâux lưv ntươ muôz choz zok trâu Đeix xa đuôz tỉnh-sở yuv pênhr tỉnh sik đros côngv uô cov tâu tiêr luôs hâux lưv tso tươv./.

(Tsu cxêik nhênhv-TTT)

Thôngz đhâu qênhz shuôs, pâuz tâu têx đoanx viên thiêz nênhs lox tôngv nhoz zuk qơư uô hâux lưv li luz nênhx, siêz xar, ntâu lênhx đoanx viên công đoanx hâur tỉnh Lào Cai muôx luz nênhx txov nhêv tâu moz siêz txoz cxơưx txos. 5 shông đhâu, cxuô cấp Công đoanx tỉnh Lào Cai tưz tsưr tsix uô ntâu hâux lưv paz trâu têx chuôz zis công nhân lox tôngv muôx luz nênhx txov nhêv.... Ciês cuiv nhiêx XH Công đoanx mak tưz paz uô tsêr yiêz thiêz cxiv kho tsêr nhoz trâu 105 chuôz zis đoanx viên công đoanx muôx luz nênhx txov nhêv đros thiêz xav hur si tas muôx 2 tỷ đeiv ntâu. Zơưv Hoàng Kim Chi, Chủ tịch Liên đoanx lox tôngv TP Lào Cai heik pâuz:

“Hâur six hơưv đhâu, Liên đoanx lox tôngv TP Lào Cai cux tsưr tsix têx jiês qênhz yuôx, qênhz shuôs chiê pâuz qênhx shênhx, sđ tsưr ziv, siêz xar chiê tso tơưv têx faz tsưr ziv txoz cxơưx, por hưv nênhs lox tôngv li vax huôv thiêz têx muôx liv huv chei hâur tas nro TP. Muôx têx tsưr ziv paz chor đoanx viên muôx luz nênhx txov nhêv”./.

(An Kiên-Riê Lâux cxeik, nhênhv)

Ntươv tỉnh Sơn La, hâur hmo xiêz 4/4, muôx coz nas shơư chuô lok lox tưz uô trâu 3 lênhx nênhs trâus saz, ntâu luz tsêr cơưv thiêz ntâu kôngz lôngk trâus ruôr hiêv puôk tsuôx. Hâur hnuz xiêz 5/4, 200 ntâu lênhx shuv xênhz nhoz trâu iz cxiê tsêr cơưv kriê nhuôv zâu tưz so ntơưr, viv têx tsêr cơưv trâus puôk tsuôx; xav uô puôk tsuôx tas zuôr xar 1 tỷ đêiv nhiêx.

Đhâu ntơư, hâu nov cxuô tsênhv qơư tưz zênhx max đros cxiv kho têx tsêr cơưv hêik sâu, chiê cxuô lênhx shuv xênhz muôx qơư cơưv ntơưr cxix cxuô./.        

(Tsu cxêik nhênhv-Thanh Thủy)

3 luz hlik hâur shôngk shông 2018, Chi cục seiz car ciêz đrôngs tỉnh Yên Bái tưz xưv bluô 229 txuz uô cxâuv chei têz qơưk cik txos tênhx qơư, xav hur si têx nhiêx xưv bluô tâu muôx 3,1 tỷ đeiv. Six hơưv zuôr txos, Chi cục seiz car ciêz đrôngs zuôr tror chox kriê têx lênhx nênhs uô têx hâux lưv seiz car tênhx qơư, ciêz đrôngs chuôz tsar tiês qênhz yuôx, qênhz shuôs tênhx qơư chiê phax tir thêir thiêz xưv bluô tâu zênhx max têx lênhx tiz nênhs fax thâux têx hax huv tas hax sir zôngv, xiv huv tsi muôx tsơưr lươngv muk muôs trâu têx xã thax tsav tox siêz đêz đrôngs; uô truôx jông luôs hâux lưv qênhz yuôx, qênhz shuôs qênhx shênhx fax thâux, zuôr muôs têx xiv huv chuôr, hax huv txưr....../.

(KT-Riê Lâux cxeik, nhênhv)