Zar hnuz kêix 5/5, Ủy viên Bôv Chính trị, Phưv Chủ tịch Thường trực Côx hôiv Trần Thanh Mẫn đros đoanx sêiz kaz, qênhz yuôx Trung ương tưz uô hâux lưv đros tỉnh Sơn La lok côngz xưv bâux xêir Têiv plor côx hôiv khóa 15 thiêz têiv plor HĐND cxuô cấp.

Hêik ntơưv jiês uô hâux lưv, Phưv Chủ tịch Thường trực Côx hôiv Trần Thanh Mẫn ntâuk gri siêz tỉnh Sơn La li têx côngz xưv tsưr tsix kriz uô cxuô kror hâux lưv trâu hnuz bâux xêir taz por tâu uô truôx jông, huv six hơưv cui tênhv. Thôngx cxix hêik tỉnh tsuv moz siêz txos chox kriê kriz uô cxix cxuô têx tsưr ziv chiê cov jiês bâux xêir tâu uô tiêr jông: “Cur hêik sơưr đơưk tsuv lok six moz siêz, sêiz jor yênhx hnuz hmo thiêz muôx pêz kror hâux lưv mak pêz tsuv moz siêz txos: 1 zos côngz xưv yax kriê txix nhiv no txos thâuv co; tiv 2 zos hêik sơưr đơưk txưv hnuz nhôngs tuôx bâux xêir cxix cxuô; tiv pêz zos hâux lưv ngaz tuk, chính trị, ngaz tuk xar hôiv hâur co muôx caz moz Covid-19, hnuz no tsik tâu pov muôx phiv liv lox taz sik hnuz tov kaz mak zuôr pâuz tsik tâu”./.

(Trấn Long-Lik Thox cxêik nhênhv)

Hmo xiêz 05/5, Ban chox kriê phax tar moz Covid-19 tỉnh Điện Biên tưz cơưv zênhx max chiê phax tir thêir moz siz cik, tiv muôx 7 lênhx nênhs cik txos tsêr kho moz Nhiệt đới T.Ư cơ sở 2, đhâu hlo thâuv tsêr kho moz trâul kuôk cêv tsi puz sđ muk lol đhâu viv muôx 14 lênhx trâul moz Covid-19. Ntơưv jiês cơưv zênhx max co, zơưv Bằng Xênhv Vưx, Phưv Chủ tịch Ủy ban tỉnh Điện Biên heik pâuz: Xuz thơưx tỉnh tưz xav tâu 7 lênhx nênhs zos chor nênhs moz nhiv kruôr muk kho moz ntơưv tsêr kho moz Nhiệt đới T.Ư cơ sở 2 (Kim Chung, Hà Nội) tror lok hâur thax tsav qơư hâur têx hnuz kaz hlik hli 4 nhiv kruôr đhâu. 7 lênhx nênhs no tâu xav zos nhoz ntơưv chor huyện: Tủa Chùa, TP Điện Biên Phủ, thị xã Mường Lay, huyện Điện Biên thiêz huyện Mường Ảng. Zơưv Đoàn Ngọc Hùng, Giám đốc Tsênhv qơư qênhz njuôk shuôs moz gênhs tỉnh Điện Biên (CDC) heik pâuz: Txos hmo xiêz 05/5, tsênhv qơư qênhz njuôk shuôs moz gênhs tỉnh tưz qênhz yuôx thiêz pâuz tâu 7 lênhx nênhs hâur bê, tsêr kho moz Nhiệt đới T.Ư cơ sở 2 xa tuôx. Chor nênhs no tưz tâu zênhx max chox muk kuôk cêv lơưr nhoz lơưr iz kro thiêz tso nyar seiz njuôk shuôs moz SARS-CoV-2. Hok chor nênhs moz co li têx lênhx nênhs hâur tsêr, chor tâu nhoz jê, buôk đros têx lênhx nênhs moz heik sâuv thâuv lơưr tror lok hâur thax tsav qơư tsênhv tâu xav jênhv./.

(Vũ Lợi-Riê Lâux cxeik, nhênhv)

Lơưr nriêr pâuz, xav jênhv, qênhz yuôx caz moz cik txos chor nênhs xav tiêk trâus cik moz Covid-19, chor cơ quan muôx vax huôv pov muôx nênhs cik txos hâux lưv no ntơưv xar Gia Hội, huyện Văn Chấn, tỉnh Yên Bái. Lơưr co txix 5 six zuôr tsâuk ntux hnuz 5/5, tỉnh Yên Bái tưz kriz uô têx tsưr ziv sêi đrơưv phax, tar caz moz covid-19 lơưr Chỉ thị 16 trâu ntơưv thax tsav xar Gia Hội, huyện Văn Chấn. Kriz uô ntov jông têx tsưr ziv chiê phax, tar caz moz sâuv thax tsav xar, cêv kuôk, nriêr pâuz, njuôk shuôk caz moz trâu chor nênhs cik txos.

Tỉnh Yên Bái hêik pêx xênhv zos tsik muôx hâux lưv zov chênhr, mak tsik tsuv tuôx muk trâu thax tsav xar Gia Hội, huyện Văn Chấn, thôngx cxix sik côngv đros chor cơ quan muôx vax huôv uô truôx jông têx tsưr ziv phax, tar caz moz Covid-19 trơưk cui tênhv./.

(Thừa Xuân-Lik Thox cxêik nhênhv)

Zar hnuz kêix xiêz 05/5, ntơưv cêr muk lol đhâu ntus đriv A Pa Chải, VN-Long Phú, Trung Quốc, Zênhx Pênhz phax A Pa Chải, Bôv đôiv Pênhz phax tỉnh Điện Biên tưz choz zok 13 lênhx nênhs Trung Quốc tuôx đhâu đriv têz tsi trơưk chei trâu lưv lươngv muôx vax Trung Quốc.

Tsênhv tsênhz, hâur 2 hnuz 18-19/4, Zênhx Pênhz phax Si Pha Phìn đros chor lưv lươngv muôx vax huôv tưz ntêk tâu 25 lênhx nênhs, muôx 12 lênhx zos nênhs VN, 13 lênhx zos nênhs Trung Quốc lok sâuv “chox kriê cêr, tok luôs lưv tus muk lol đhâu đriv têz tsi trơưk chei”. Đhâu qênhz nus, chor nênhs trâul ntêk cxov sâuv puôr lênhx krêz lênhk tiêk, tsênhv uô cxuô faz tsưr ziv chiê chox kriê cêr trâu chor nênhs Trung Quốc heik sâuv tuôx hâur VN nhoz têx tỉnh faz Bắc thiêz chox muk trâu thax tsav ntus đriv hâur tỉnh Điện Biên chiê muk saz Lol Tsuôk tsi trơưk chei. Zênhx Pênhz phax Si Pha Phìn tưz fuô uô ntâu faz tsưr ziv phax tir thêir moz thiêz choz zok trâu lưv lươngv muôx vax huôv chox muk kuôk cêv lơưr nhoz lơưr iz kro, iz chas ntơư uô tiêr têx ntâuz ntơưr muôz tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeik, nhênhv)