Ntơưv TP Sơn La, hnuz hội vênhx huôv, thể thao thiêz ju lix cxuô heir nênhs thax tsav Tây Bắc jiês tiv 14 zuôr tsưr tsix txix hnuz 18-20/8/2019. Hnuz hội muôx njiêz luk “Por hưv, phuôx huiz cxuô heir nênhs thax tsav Tây Bắc têx txux chi vênhx huôv jông hâur ntu sik côngv đros luôs 2 chas thax tsav thiêz huôv tsar truôx têz qơưk”, muôx 7 tỉnh cxaz chuôz zos: Hòa Bình, Điện Biên, Lai Châu, Lào Cai, Yên Bái, Phú Thọ, Sơn La. Hnuz hội chiê kruôs txos cxuô heir nênhs thax tsav Tây Bắc têx txux chi cêr nênhx vênhx huôv jông thâuv nzor; yax kriê, piêr lok têx jông, hu zâuv yưv pênhr trâu ngênhx ju lix  têx tỉnh Tây Bắc./.

(Tuyết Lan-Riê Lâux cxeik, nhênhv)

  Đhâu zuôr xar 2 shôngk krêz uô, trâur nuv “jos Hmôngz chiv chir coar lik” tưz chox lok chêx cuk tsênhv tsênhz. Khov co tsôngv box mênhx cxưx Hmôngz li luz nênhx kinh têr xã hội tâu muôz siêz, chor ziv chuôz zis pluôk txu gris sei, txiv ngaz sâuv thax tsav tâu taz por. Phong Dụ Thượng zos xã txov nhêv tiv zix nhoz huyện Văn Yên, tỉnh Yên Bái đros thax tsav đar; nhoz tsi chêx chôngk, 90% ntâu zos tsôngv box têx mênhx cxưx tsơưs nênhs nhoz uô nênhx. Thâuv ntêx, tsôngv box têx mênhx cxưx luz nênhx lok six txov nhêv. Têx shôngk đhâu, tỉnh Yên Bái thâuv tưs cux tsov cưv chox têx trâur nuv dân vận jông thiêz chính sách mênhx cxưx tuôx txos tsôngv box têx mênhx cxưx thax tsav tox siêz, hâur co muôx tsôngv box Hmôngz, chiê paz lơưr huôv tsar kinh têr, muôz siêz luz nênhx. Đros co, tỉnh tưz uô đề án vênhv tôngv tsôngv box mênhx cxưx tsơưs nênhs nhoz uô nênhx vav mênhx, tiv zix zos hâur hâux lưv nox yôngz hâuk cok, uô hlôngr yiêz jông tsôngv box li tsưr ziv siêz xar uô nênhx./.

(KT- Txâur Vax cxeik nhênhv)

Hâur 6 luz hlik hâur shôngk shông 2019, Công an tỉnh Lào Cai tưz qênhz pov, qênhz yuôx uô tsênhz mênhx 129 txuz zuôr muôs, uô lax luôv, thâux gra tsi trơưk chei tsơưr zax zênhz; ntêk cxov thiêz uô ntâuz ntơưr xưv bluô 147 lênhx nênhs, tik cêr cxâuv 120 txuz, 138 lênhx nênhs trâul cxâuv, sâu tsês tâu 15 cir ntâu zênhz đơưz, zuôr xar 2 cir zax zênhz cxuô zav..... Hâux lưv phax tir thêir, sơưr tơưv txênhz têx tsi jông li heik sâuv nhoz cêr đriv têz ziv hnuz ziv phiv liv. Taz sik txix txux chi, tsưr ziv uô hâux lưv, Công an tỉnh Lào Cai tưz ruôr por tsês tâu ntâu txuz, uô tâu jông hâux lưv zok muôz, tâu cấp ủy, hâu nov ntơưv qơư thiêz tsôngv px ntâuk grê siêz./.

                                  (KT-Riê Lâux cxeik, nhênhv)

Li pêz tưz tso mông, 2 tul mê nhuôs Lò Văn Thuận 4 shông thiêz Lò Văn Nghị 8 shông nhoz jos Cảnh Lay, xã Phình Giàng, huyện Điện Biên Đông, tỉnh Điện Biên trâus đêx cuôr yôngz zar hnuz keix hnuz xiêz 3/8. Xor mông cxôngx Ban chỉ huiz phax tar ntux nas thiêz nriêr chơưv nanv huyện Điện Biên Đông puz pâuz: txos zar hnuz keix hnuz xiêz 5/8 têx lưx lươngv muôx vax huôv tsênhv tror sir jos nriêr tul mê nhuôs Lò Văn Thuận. 100 ntâu lênhx cán bộ, chiến sĩ têx lưx lươngv li công an huyện, Ban chỉ huiz quân sự huyện, dân quân tự vệ, cán bộ, tsôngv box xã Phình Giàng thiêz cán bộ iz cxiê phòng, ban hâur huyện tưz cxaz chuôz nriêr tsi so hâur 2 hnuz đhâu. Taz sik hâux lưv nriêr mê nhuôs Thuận njiz ntâu phêv liv tiv phax tsav đar, muôx ntâu tul đêx, đêx ntưs lox. Yuôr mê nhuôs Nghị mak tưz tâu nriêr pov tas cik hnuz xiêz 4/8 kuôk qơư trâus nanv 2 cei cêr ntơưv tul đêx Huổi Có, xã Phình Giàng./.

(KT- Txâur Vax cxeik nhênhv)

Thâuv 12 six 30 phênhz tar su hnuz xiêz 5/8, ntơưv jok Lao Khô 1, xã Phiêng Khoài, huyện Yên Châu, tỉnh Sơn La, Cục Phax tar zax zênhz thiêz têx nênhs fêv Bôv đôiv pênhz phax đros Phongx phax tar zax zênhz thiêz têx nênhs fêv uô cxâuv chei têz qơưk, Bôv chỉ huy Bôv đôiv pênhz phax tỉnh Sơn La thiêz phongx PC 04 Công an tỉnh Sơn La qênhz pov, ntêk tâu iz lênhx nênhs nhoz saz têz qơưk Lol Tsuôk zuôr muôs zax zênhz tsi trơưk chei. Lênhx nênhs trâus ntêk co zos Vang Va Cha, xênhz zus shông 1993, nhoz ntơưv jok Phôn Thoong, huyện Xuyền Khọ, tỉnh Hủa Phăn, têz qơưk Lol Tsuôk, zos cưk kriê ntơưr tsêr cơưv cxênhx 3, Nà Khạng, Phiêng Xa, huyện Xuyền Khọ, tỉnh Hủa Phăn-Lol Tsuôk. Têx chuôz zênhx sâu tâu muôx nhos 23 cxênhz njiêr yuôx shơưv zênhz, 2 luz xor tôngx mê gra ntơưv têk, iz luz yêz meir. Nhiv no txuz nuv no tsênhv tâu Bôv đôiv pênhz phax tror qênhz yuôx, uô tsênhz mênhx./.

                           (Vì Hiện-Riê Lâux cxeik, nhênhv)