Zơưv Đỗ Đức Huy, Bí thư Tỉnh ủy, Trưởng đoanx Têiv plor Côx hôiv tỉnh Yên Bái đros 200 lênhx canr bôv, công chức, viên chức têx cơ quan, đoanx thêv, lưx lươngv vũ trang tỉnh thiêz huyện Văn Chấn nhiv kruôr cxaz chuôz uô “Hnuz thưr 7 đros pêx xênhv” ntơưv jok Bản Mới, xar Suối Giàng, huyện Văn Chấn.

Lơưr co, hâur têx hnuz kaz ciêz, canr bôv, đảng viên, côngc hức, viên chức njuôk xav six hơưv, muk paz trâu pêx xênhv uô lox tôngv, uô cêr, kho đuô thiêz uô tsêr paz trâu chor chuôz zis pluôs, uô vêv xênhz tênhv qơư, cxiv tsa luz nênhx vav mênhx…tix lâus Vax Xênhv Zax, nhoz jok Giàng B, xar Suối Giàng shir phaz hêik: “Hnuz no muôx Bí thư Tỉnh ủy đros chor canr bôv tỉnh, huyện tuôx paz mak pox nhuôs shir phaz đuô. “Hnuz thưr 7 đros pêx xênhv” lok six lov jêv, shir phaz. Zuk cux lok six sir jos đros sơưr đơưk kriz cov tâu ntâu txox cêr lox đar chiê muk mak hax zav jông đuô xưz”./.

(Đinh Tuấn-Lik Thox cxêik nhênhv)

Hâur cêr shir phaz hơưv tos hnuz Quốc khánh xiêz 2/9, zuôr xar 160 ziv chuôz zis nhoz 4 jos tox siêz xã Ẳng Tở, huyện Mường Ảng, tỉnh Điện Biên ziv shir phaz đuô thâuv muôx tênhv tênhz têz qơưk chaz tuôx txos. Đhâu ntâu sir jos, Tênhv jos thành phố Điện Biên Phuv, Công ty tênhv jos tỉnh Điện Biên nhiv kruôr chaz yênhx côngz tênhv tênhz cungz trâu 4 jos tox siêz xã Ẳng Tở, huyện Mường Ảng co zos: jos Hổi Chỏn, Pú Tủ, Thổ Lộ 1, Thổ Lộ 2. Côngz tsinhx cxiv uô đros 5 cei cêr ntâu xor tênhv 35kV; 4 trạm biến áp 35/0,4kV đros tas nro công suất zos 163kVA. Côngz tsinhx zos Sở công thương tỉnh Điện Biên uô tsưr yưv pênhr nhoz dự án cungz tênhv nôngx cxênhz cxôngx tênhv tênhz têz qơưk tỉnh Điện Biên ntu 2014-2020. Đros zaoz thôngz lax muk lok, tsi muôx tênhv tênhz sir zôngv uô tsôngv box njiz ntâu phêv liv lok hâux lưv tâu pâuz txos, sir zôngv têx khoa học, kỹ thuật yiêz chiê cxuôv yeiz thiv pluôs. Hâux lưv yưv pênhr, tso tênhv tênhz trơưk hnuz Quốc khánh xiêz 2/9 ziv chuôz cxaz cêr shir phaz trâu tsôngv box tox siêz no./.

(Vũ Lợi-Txâur Vax cxeik nhênhv)

Têis cik 5/9, đros tas nro têz qơưk, 5 tỉnh tox siêz Tây Bắc zos Sơn La, Điện Biên, Lai Châu, Lào Cai thiêz Yên Bái sik đros tsưr tsix kriz cơưv shông cơưv yiêz txix ntâu tsưr ziv li trực tuyến, kriz uô ciês jiês kriz cơưv txos trâu kriz cơưv đhâu nta đuôz….chiê huv đros trâu qênhx shênhx muôx moz Covid-19. Txơưv tsik tâu tsưr tsix li cxiê shông taz sik jiês kriz cơưv cux tưz tâu chor tsêr cơưv ntơưr bax uô jông chiê taz por ngaz tuk taz sik cux tâu uô muôx tsiv gri thiêz huv zos trâu hnuz kriz cơưv.

Ntơưv Sơn La, xar muôx 400.000 shux xênhz, cưk kriê ntơưr thiêz canr bôv sêiz car têx tsêr cơưv sâuv thax tsav tỉnh sêiz shuôk jiês kriz cơưv shông cơưv yiêz đhâu nta đuôz sâuv kênh STV, Đaix nta suôz-nta đuô tỉnh Sơn La. Shông cơưv yiêz, tas nro nganhx Zoz zux Sơn La sir jos sik tưr kriê jông, cơưv jông đros tsưr ziv “tsik tuôx tsêr cơưv ntơưr taz sik tsik tso cêr cơưv tsês”, bax kriz uô tsưr ziv sêiz car, tsưr tsix kriê ntơưr cov huv đros chiê phax tar moz Covid-19. Vì Thu Huyền, shur xênhz lớp 12A, tsêr cơưv cxênhx pêz Chuyên Sơn La puz pâuz:“Cur pov lok six shir phaz, tso siêz thâuv tâu hlôngr njêx muôs trâu tsêr cơưv ntơưr tuôx cxaz chuôz trâu jiês kriz cơưv shông cơưv yiêz no. Cur jênhv tiêk zuôr sir jos cov hla đhâu têx phiv liv hâur ntu muôx caz moz chiê cơưv tâu ntơưr truôx jông hâur shông cơưv 2021-2022 no”./.

(TTTB-Lik Thox cxêik nhênhv)

Tỉnh Sơn La nhiv kruôr sâu jênhv cxaz 2 lênhx nênhs trâus moz Covid-19 nhoz huyện Phù Yên, chuôz ndê tas nro têx lênhx nênhs trâus moz Covid-19 nhoz hâur tỉnh hâur jiês tiv 4 moz huôv xênhz zos 222 lênhx. Nhiv no, muôx 55 lênhx F0 nhoz huyện tưz tâu kho jông moz; têx lênhx nênhs tsênhv yuôr tsênhv tror tâu cêv kuôk, kho moz.

Cxôngx qênhx shênhx moz tsênhv huôv xênhz phêv liv, đros hâux lưv txu grês thax tsav muôx moz huôv xênhz, uô jông Thủ tướng chính phuv li chỉ thị 16 hâur tas nro huyện yuôr 8 xã; nhiv kruôr đhâu, huyện Phù yên cux tưz tso tơưv ntâuz ntơưr heik kriê lok hâux lưv tsiv uô kôngz nuv thâuv tsênhv cêv kuôk xã hội phax tar moz Covid-19. Đros têx xã tsênhv cêv kuôk xã hội lơưr Thủ tướng chính phuv li Chỉ thị 16 mak UB huyện ủy choz qênhx trâu Chủ tịch UB têx xã cungz ntơưr tso chei muk lok thiêz coar lik, seiz car tsôngv box muk tsêz chos kôngz lôngk thiêz tu zus./.

(Thu Thùy-Txâur Vax cxeik nhênhv)