Thâuv zar hnuz kêix xiêz 05/01, ntơưv thax tsav jok Thuông Cuông, xã Vân Hồ, Công an huyện Vân Hồ seiz car, hux jos đros Phongx Cảnh sát qênhz yuôx têx nênhs nhiês zuôr muôs uô luôv zax zênhz Công an tỉnh, Công an huyện Mộc Châu thiêz Zênhx Pênhz phax Chiềng Sơn tưz qênhz pov, ntêk tâu iz lênhx nênhs zuôr muôs, uô luôv zax zênhz tsi trơưk chei thiêz zuôr muôs têx triêv fov tsi trơưk chei.

Lênhx nênhs trâul ntêk tâu co zos Lề Xênhv Zax, xênhz shông 1990, nhoz ntơưv jok Thuông Cuông, xã Vân Hồ. Têx chuôz zênhx sâu tâu ntơưv qơư zos iz cir zax zênhz poz jêz, iz traz fov zax, muôx 3 luz muôk txưr, iz luz tưz ntiv tâu trâu hâur fov đros iz cxiê zav chuôz zênhx txơưr đuô cik txos.

Ntơưv Cơ quan Công an, Lề krêz lênhk tiêk, chor zax zênhz heik sâuv tâu gra ntơưv thax tsav ntus đriv lok chiê muôs; hok traz fov mak gra uô luôs tâus cêr.

Đros hnuz, Cơ quan Cảnh sát qênhz yuôx Công an huyện Vân Hồ tưz tso tơưv chei yơưz phơưz zênhx max Lề Xênhv Zax li qơư nhoz, công an tưz sâu tsês tâu nzir 2.500 ntâu njiêr yuôx shơư zênhz, 240 gam zênhz đơưz; iz traz fov AK, 200 luz muôk txưr; 5 traz fov cxuô zav; 2 luz hôngz poz đros trâu ntâu zav chuôz zênhx cik txos./.

(Trấn Long-Riê Lâux cxeik, nhênhv)

Sâuv txos cêr lox 6 chor hnuz no, ntu đhâu têx huyện Tân Lạc, tỉnh Hòa Bình thiêz Vân Hồ, Mộc Châu, tỉnh Sơn La muôx huôz tsâuk nti yênhx hnuz hmo uô trâu njiê pov tsik đêz thiêz plas cêr bluô, zôngx ziv njiz trâus txiêz nanv zoz thôngz thâuv muk lok sâuv cêr.

Đros têx phiv liv no, chor lưx lươngv muôx vax huôv tưz kriz uô nâtu tsưr ziv yax kriê, rêik fiêx hêik pâuz…chiê txo grêk tsơưs tiv zix chor txuz txiêz nanv muôx yưv. Zơưv Phạm Văn Toản, Chi cục trưởng Chi cục sêiz car cêr ar 1.1, Tổng cục cêr ar Việt Nam puz pâuz: “Lok tsưr ziv ngaz tuk zoz thôngz sâuv ntu cêr no, Cơ quan sêiz car cêr ar tưz cxiv uô têx cxiv luôs paz ngaz tuk zoz thôngz li têx zav thêir ntus cêr; rêik têx fiêx hêik pâuz, chox kriê; lôngx đhok têx tênhz hêik kriê trơưk têx cêr chiê paz txo grêk tsơưs txiêz nanv zoz thôngz sâuv ntu cêr no”./.

(Trấn Long-Lik Thox cxêik nhênhv)

Tỉnh Lào Cai muôx 30 ntâu di sản vênhx huôv jông cấp têz qơưk tưz tâu Bộ Vênhx huôv, Thêv thao thiêz ju lix côngk nhav. Hâur co, hâur iz jok, iz chuôz zis nhoz thax tsav tox siêz Lào Cai, tsôngv box têx txux chi vênhx huôv jông, hâux lưv uô thâuv nzor tsênhv tâu cxuô cxênhx fâuv nênhs sir jos por hưv thiêz tuôr chiê. Tsaz yênhx “muôz têx di sản uô yênhx têx huv jông, muôx grik”, “iz côngv thôngx, iz heir nênhs, iz thax tsav muôx têx zav jông uô yênhx hax huv” tâu fuô uô đêz đar nhoz cxuô suôv qơư ntơưv Lào Cai, paz trâu vênhx huôv cxuô heir nênhs hâur côngv thôngx yênhx thax tsav qơư li têx jông. Zơưv Hà Văn Thắng, Giám đốc Sở Vênhx huôv, Thêv thao thiêz ju lix tỉnh Lào cai heik pâuz: “Ju lix côngv thôngx muôx têx yênhx iz xiv huv ju lix reik đros cxuô heir nênhs têx txux chi vênhx huôv jông. Iz zav li ntơưv Tả Van, Sa Pa, pêz tưz uô tâu ju lix côngv thôngx tax giải ASEAN, tsôngv px txix ntơư muôx têx sâu tâu txix 2, 3 châuv txos yênhx puô tsov đeiv iz shông lok sik lưv zav hâux lưv uô txơưr li: Uô pax ntâuz xơưs tsôngk tril yo muôs.....”./.

(VOV1-Riê Lâux cxeik, nhênhv)